Jean 15:19 - Nyanmien nde Ufle

¹⁹ Se an ti men nga nunfue wié'n, wuun bé klô amun yele ke an ti béfue. Sannge n faa amun, n yi amun men nunfue'm bé nun, i ti ye man bé kpo amuon.

NYANMIƐN NDƐ'N 1998

¹⁹ Sɛ an ti mɛn nga nunfuɛ wie'n, wuun be klo amun yɛlɛ kɛ an ti be fuɛ. Sanngɛ kɛ n fali amun'n, n yili amun mɛn nunfuɛ'm be nun, i ti yɛ man be kpɔ amun nin-ɔn.

Jean 15:19 ပူးပေါင်းရင်းမြစ်များ

Matthieu 10:22

Swran'n kwlaa bé wa kpo amun min ti, sannge swran ng'o tre i awlen lélé dyu i awiélie'n, oh fitéh nun.

Matthieu 24:9

Bé wa fa amun wla nyrennen nun, béh kunh amun, ye nvlé'n kwlaa béh kpoh amun n dunman nun.

JÉSUS-CHRIST I DYASIN FE'N BO LUC KLELI'N 6:32

?Se bé nga bé klô amun'n, bé ngunmin ye an klô bé'n, nzu ye amunh nyenh nuon? Sa te yôfue'm bé kusu bé klô bé klôfue mun.

Jean 13:18

Nanh amun ngba nde ye n kaan, n si bé nga n fali bé'n. Sannge san Nyanmien Nde nga bé klelii ke: «Swran ng'o nin min di liké'n, wa katyi n kpofue'n» oh kpenh su.

Jean 15:16

Nanh amun ye an faa mion, sannge min ye n faa amuon. N faa amun ke an wo, an kô yô ke waka sama b'o su'n sa, ye mma nga an sui so'n oh kah le titi, nan liké kwlaa nga an fa n dunman sre é Si'n, o man amun.

Jean 6:70

Jésus usa bé ke: ?Amun swran blu-nin-nnyon'n, nanh min ye n faa amuon? Sannge o nin i so'n ngba, ke min ye n faa amun'n, amun nun kun ti mmusu'm bé si Satan'n i swran.

Jacques 4:4

An ti ke bla b'o kunnde bian i wun bô sa. ?An si'a ke swran ng'o klô men'n i dile'n, wuun o kpo Nyanmien? O man swran nga i waan oh fah men'n teke i ti su'n, o katyi Nyanmien i kpofue.

1 Piɛr 4:3

Afin an yôô amun klun sa tyeli ke bé nga bé ti'a Christfue'n bé yô'n sa. An bô wlaka, amun nyin blô ninngé'm bé su, an non nzan bô, an yô sa finfin mun, an yia non nzan lélélé, an so amuen.

1 Jean 3:12

Nanh man é yô ke Caïn b'o ti Klunwifue'n i lie'n ti, o kuun i niaan bian'n i lie'n sa. ?Nzu ti ye o kunnin io? Yele ke sa nga i bobo yô bé'n bé ko'a atin su, sannge i niaan bian lie'n ko atin su.

Sa nglô yile 12:17

Ya kuun dragon'n bla'n i wun kpa, o man o nin bla'n i ôsufue nga bé ka le, bo bé fa Nyanmien nde'n, nin nde nanwle nga Jésus yii nglô'n su'n, bé kô kunnin.

Sa nglô yile 12:9

Bé kaan dragon srôésrôé dan so'n nin i ange'm bé bô gua bé asie'n su wa. I ye bé flee wuô lalaa, nin mmusu'm bé si, nin Satan nion, i ye o laka men wunmuan nunfue'm bé kwlaa nion.