Jean 15:16 - Nyanmien nde Ufle

¹⁶ Nanh amun ye an faa mion, sannge min ye n faa amuon. N faa amun ke an wo, an kô yô ke waka sama b'o su'n sa, ye mma nga an sui so'n oh kah le titi, nan liké kwlaa nga an fa n dunman sre é Si'n, o man amun.

NYANMIƐN NDƐ'N 1998

¹⁶ Nán amun yɛ an fali min-ɔn, sanngɛ min yɛ n fali amun-ɔn. N fali amun kɛ an wɔ nan an ko yo kɛ waka sama b'ɔ su'n sa. N waan mma nga an su i sɔ'n ɔ ´ka lɛ titi nan like kwlaa nga an fa n dunman srɛ e Si'n, ɔ `man amun.

Jean 15:16 ပူးပေါင်းရင်းမြစ်များ

Matthieu 21:22

Liké kwlaa nga an kan klé Nyanmien ke o yô bo an lafi i su ke oh yôh'n, oh yôh man amun.

Matthieu 7:7

Anh sre, béh fah man amun, anh kunnde, amunh nyenh, anh bôbô, béh tikéh amun anuan.

JÉSUS-CHRIST I DYASIN FE'N BO LUC KLELI'N 6:13

Ke alie'n tyennin'n, o flee i sonnzonfue mun, o fa bé nun blu-nin-nnyon, o ton bé dunman ke i sunmanfue. (*f22*) Swran so'm bé dunman'n ye:

Jean 13:18

Nanh amun ngba nde ye n kaan, n si bé nga n fali bé'n. Sannge san Nyanmien Nde nga bé klelii ke: «Swran ng'o nin min di liké'n, wa katyi n kpofue'n» oh kpenh su.

Jean 15:19

Se an ti men nga nunfue wié'n, wuun bé klô amun yele ke an ti béfue. Sannge n faa amun, n yi amun men nunfue'm bé nun, i ti ye man bé kpo amuon.

Jean 15:5

Min ye n ti raisin'n i bô nion, an ti i sama. Swran ng'o nin min a yô swran wunmuan bo é tran titi'n, o ti ke waka sama b'o su kpanngban sa, afin se n nu'an nun'n, an kwla yô'a liké fi.

Jean 6:70

Jésus usa bé ke: ?Amun swran blu-nin-nnyon'n, nanh min ye n faa amuon? Sannge o nin i so'n ngba, ke min ye n faa amun'n, amun nun kun ti mmusu'm bé si Satan'n i swran.

Sa nga bé yôli'n 1:24

Ye bé kan klé Nyanmien ke: Nannan Nyanmien Kpli, o bo a si swran'n kwlaa bé akunndan'n, swran nnyon nga, klé é bé nun kun nga a felii'n,

Sa nga bé yôli'n 1:8

Sannge ke Nyanmien Wawe'n kô ba amun wun'n, oh tinh amun, an wa kan min nde Jérusalem wa, Judée men wunmuan'n nun, o nin Samarie lo lélé fa dyu asie'n i awiélie.

Sa nga bé yôli'n 10:41

sannge swran ngba a wunmen, san é nga Nyanmien dun mmua siéé é ke é wuin'n, bo ke a tyennin'n, é nin i é di liké'n, é ye é wunnin io.

Sa nga bé yôli'n 22:14

O sé ke: É nannan'm bé Nyanmien'n, o faa o sié ke a si i klun sa'n, a wun Nanwlefue'n, ye a ti i nuan nde'n.

Sa nga bé yôli'n 9:15

Sannge é Min'n sé i ke: Ko, afin bian so'n, man fe ke o di n dyunman, nan o bô n dunman'n nvlé wié'm bé nun, famien nin Israël mma'm bé nyrun,

Rɔmfuɛ Mun 1:13

Aniaan mun, m bu amun wun lo kole'n i akunndan tititi, ke mh bah nan nh nyanh n dyunman'n i nuan liké amun wun lo ke n nyen nvlé nga'm bé nun'n sa, sannge lélé nde n nian nya'an n ti.

Rɔmfuɛ Mun 1:5

I ti ye Nyanmien bu n swraan, o sunmaan min ke n ken i nde'n klé nvlénvlé'n kwlaa i bobo dunmaan nun, nan bé lafi su ye bé nyin yii.

Rɔmfuɛ Mun 15:4

Nde kwlaa nga bé klee bé laa'n, bé kle i so ke bé fa klé é ngwlele, nan Nyanmien fe i nde so'n wla é fanngan, nan é tra é awlen, é fa é wla'n gue i su.

Rɔmfuɛ Mun 9:21

?Se ufue'n o kwla fa'a fa tole kunngba'n wu'a se wafa ng'o klô'n, se o wui klaan ô, se o wu'e klaan kpa ô, o kwla yô'e so?

1 Korɛntfuɛ Mun 10:11

Sa so'n b'o too bé su'n o klé sa b'o wa ba'n, ye bé klee bé ke béh fah tu é bo ya dyu men'n i bué nuan'n, é fo.

Galasifuɛ Mun 1:15

Sannge Nyanmien dun mmua fa min nan min nin a gua min asé, ye i klun-ufué'n ti o flee min.

Efɛzfuɛ Mun 2:10

Afin é ti i sa nuan liké, ke é nin Christ-Jésus é yôô swran wunmuan'n, Nyanmien bô é ufle nan é yô nyôlie kpakpa ng'o dun mmua sié é ke é yô'n.

Kolɔsfuɛ Mun 1:23

Se an dyran kéklé bo an lafi Christ su kpa, bo an yatyi'a liké nga ke an tii dyasin fe'n an fa amun wla gua su'n, ye amunh yôh soo. Dyasin fe so'n ye bé kan kléé asie'n sufue'n kwlaa, bo m Paul man fa katyi n dyunman n di nion.

Kolɔsfuɛ Mun 1:6

Dyasin fe'n tru, o yô swran'm bé kpa men wunmuan'n nun, amun kusu, ke o fin tyen nga an tili yé nga Nyanmien yô swran mun'n bo an wuun i wafa ng'o ti'n i wle sakpa'n, ke o yôô amun soo.

1 Timote 2:7

O sié min ke n kan nde so'n, ye o sunmaan min ke n kan nde nanwle'n nin i sulafile nde'n klé bé bo bé ti'a Juif'n. Nanwle ye n dio, m bua'a atô.

2 Timote 1:11

Dyasin fe'n i kanle nin i kléle ti ye Nyanmien fa min, o sunmaan mion.

2 Timote 2:2

Nde nga a ti i ke n keen swran kpanngban bé nyrun'n, kan nde so'n, fa yatyii bé nga a lafi bé su bo bé kusu bé kwla kan klé swran ufle'n bé sa nun.

Tite 1:5

N yatyii o Crète lo ke a siésié sa nga ba wié'e i siésié'n, ye a sié asonun kpenngben kloklo'm bé su. Bu bé siéle nde nga n kan kléli wo'n i akunndan:

Hébreu 11:4

Nyanmien su bo abel lafi'n ti ye i liké nga o fa solii'n i kpa tra Caïn lie nion. I su b'o lafi'n ti, Nyanmien bobo sé ke o ti swran kpa, afin o soo liké nga o fa menniin'n nun. O wuli, sannge Nyanmien su b'o lafi'n ti, o te idyo.

Jacques 3:18

Bé nga bé siésié afien'n, bé ti ke fié difue sa. Ke bé di aladyé bo bé lua bé liké'n, liké nga bé nyen i nun'n yele sa i nuan su yôle'n.

1 Piɛr 3:15

Sannge anh bu Christ swran, anh bui amun Min. Anh bu sa ti ye amun wla ô Christ su'n i akunndan sié, nan se bé usa amun i su sa'n, amuan kwla te bé su.

1 Jean 4:10

Klôle so'n, nanh é ye é klôô Nyanmieon, i ye o klôli yéo, nan wa sunmen i Wa kunngba'n ke o fe i wun yi é ti te.

1 Jean 4:19

É lie'n, é klô Nyanmien, afin o dun mmua klôli é.