Jean 15:15 - Nyanmien nde Ufle

¹⁵ N fle'a amun n swran kun, afin kanga'n si'a liké nga i min'n yô'n. Sa ti bo n fle amun n dyanvue'n yele ke liké kwlaa nga n sueen n Si sa nun'n, n kléli amun.

NYANMIƐN NDƐ'N 1998

¹⁵ N flɛ-man amun n sran kun, afin kanga'n si-man like nga i min'n yo'n. Sa ti bɔ n flɛ amun n janvuɛ'n yɛlɛ kɛ like nga n suɛnnin n Si sa nun'n, n kleli amun i kwlaa.

Jean 15:15 ပူးပေါင်းရင်းမြစ်များ

Matthieu 13:11

Jésus sé bé ke: Amun ye bé yi Nyanmien siéle'n i wun akunndan bo swran wu'en i wle'n, i nglô kléé amuon, sannge bé nga'm bé lie'n, ba sié'e so.

JÉSUS-CHRIST I DYASIN FE'N BO LUC KLELI'N 10:23

O kpee i nyin i sonnzonfue'm bé wun lo o wo i nuan asé sé bé ke: Bé nga bé wun liké nga an wun bé ye'n, bé lie su ti yé!

Jean 12:26

Swran nga i waan oh suh min'n, mon o su n su, ye lika nga n wô nun'n, n swran so'n oh tranh lo wié. N Si buh swran ng'o su min'n i swran.

Jean 13:16

Nanwle, swran ng'o su swran'n ti'a kpa tre'e i min'n, ye swran nga bé sunmen'n ti'a kpa tra'a swran ng'o sunmen'n.

Jean 15:20

Anh bu nde nga n kan kléé amun ke: «Swran b'o su swran'n ti'a kpa tre'e i min'n» i akunndan. Se bé kléé n yale'n béh kléh amun yale wié, se bé fa min nde'n su'n, béh fah amun lie'n su wié.

Jean 16:12

Nde kpanngban kpa ô n klun bo n waan nh kanh klé amun, sannge amun ti nian kwla so'en i bô ke é sé ye'n.

Jean 17:26

M man bé sili o, ye m man bé wa si o ékun nan klôle nga a fa klôli min'n, bé si ke a klô bé so wié, ye min nin bé ya yô swran wunmuan.

Jean 20:17

Ye Jésus sé i ke: Nanh kan min, afin n nian fu'a n Si wun lo ka. Sannge ko n niaan'm bé sin kô sé bé ke, nh fuh ko min nin amun é Si'n b'o ti min nin amun é Nyanmien'n i wun lo.

Jean 4:19

Bla'n sé i ke: Ndya, man wun ke a ti Nyanmien nuan idyofue.

Jean 8:26

Amun wun nde kpanngban ô le bo n kwla kan n dyran su bu amun fo. Sannge swran ng'o nunmaan min'n ti nanwlefue ti, o man nde ng'o kan kléé min'n, i ye n kaan.

Sa nga bé yôli'n 20:27

Afin n kan Nyanmien i klun sa'n kwlaa kléé amun, man fia'a wié fi su amun wun.

Rɔmfuɛ Mun 7:15

Nanwle, sa nga n yô bé'n, n wu'en i wle, liké nga n klô ke nh yôh'n, nenh i ye n yôo, sannge liké nga n klô'a bé'n ye n yôo.

1 Korɛntfuɛ Mun 2:16

Afin bé klee ke: «?Wan ye o si é Min'n i akunndan nion? ?Wan ye o klé i likéo?» Sannge é lie'n, é nin Christ é akunndan'n ti kun.

Galasifuɛ Mun 4:6

Nyanmien wa bo an ti'n ti, o sunmeen i Wa'n i Wawe'n ke o wa tran é awlen'n nun, o kpan fle Nyanmien ke: Baba!

Efɛzfuɛ Mun 1:9

o man é si i klun sa b'o fiee swran'm bé nyrun'n o nin sa klaan nga i waan Christ yô man yé'n.

Efɛzfuɛ Mun 3:5

Lalafue nun sa so'n Nyanmien yi'e nglô klé'a swran mun ke nde o man i Wawe'n yi i nglô klé i swran'm bo Jésus sunmaan bé'n nin i nuan idyofue mun'n sa.

Kolɔsfuɛ Mun 1:26

i nde so'n ke o fin lalafue nun'n o fie swran'n kwlaa bé nyrun, sannge sien'n wa yii nglô a klé i swran mun.

Filemɔn 1:16

Afin sien'n, nanh ke o kanga kunngba ye o tio, sannge i kpa tra kanga, o ti é niaan bo é klôé kpa. O ti n swran kpa, ye o lie'n, o wa yô o swran kpa tra min, afin o ti o swran, ye kusu amun Min'n wa yô kun.

Jacques 1:1

N Jacques bo n ti Nyanmien nin é Min Jésus-Christ bé swran'n, nh yôh nvlé blu-nin-nnyon bo ba sanndi men wunmuan'n nun'n bé liké.

Jacques 2:23

Ke o yôô so'n, o man Nyanmien Nde nga bé kleli'n o kpeen su, bé klee ke: «Abraham lafii Nyanmien su, o man i su b'o lafi'n ti, o bulii swran kpa.» Ye Nyanmien flelii i dyanvue.

1 Piɛr 1:11

Christ Wawe'n su Nyanmien nuan idyofue so'm bé su. O kan Christ nyrennen wafa ng'o wa wuin'n o nin i manmanle nga ke o kô wun nyrennen'n béh fah menmen'n i nde kléé bé. Bé miaan bé nyin ke béh sih sa so'n i ble'n o nin i wafa ng'oh yôh su'n.

2 Piɛr 1:1

N Simon Pierre, bo n ti Jésus-Christ dyunman difue, b'o sunmaan min'n, nh kleh fluwa nga ble amun bo Nyanmien man amun lafi i su kpa ke é sa'n. I so'n fin é Défue Jésus-Christ b'o ti Nyanmien'n, afin o ti swran kpa.

Jude 1:1

Amun bo é Si Nyanmien flee amun, b'o klô amun titi b'o fa amun siéé Jésus-Christ'n, min Jude bo n ti Jésus-Christ swran nin Jacques niaan'n, nh kleh fluwa nga ble amun.

Sa nglô yile 1:1

Fluwa nga nun bé kan sa nga o tye kaan bé wa yô, bo Nyanmien fa wlaa Jésus-Christ sa nun ke o fa klé i swran mun'n i nde. Christ sunmeen i ange'n, o wa yi bé nglô kléé Jean b'o ti i swran'n.