Jean 14:6 - Nyanmien nde Ufle

⁶ Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.

NYANMIƐN NDƐ'N 1998

⁶ Jésus seli i kɛ: «Min yɛ n ti atin nin nanwlɛ nin nguan nin-ɔn. Sran nga ɔ'a sin-man min nun'n, ɔ ju-man e Si wun lɔ.

Jean 14:6 ပူးပေါင်းရင်းမြစ်များ

Matthieu 11:27

N Si ye o fa liké'n kwlaa maan mion. Swran fi si'a Nyanmien Wa'n san i Si kunngba ye o si io, ye swran fi si'a Nyanmien Wa'n i Si'n, san Ba'n bobo o nin swran ng'o klô ke oh feh i Si'n kléé'n, bé ye bé si io.

Jean 1:14

Nde so'n katyii i wun swran, o nin é wa trannin, o ti aklunyéfue nin nanwlefue. É nieen i anyrunnyan'n, o ti anyrunnyan bo se Ba b'o ti kunngba'n i Si meon o ti su.

Jean 1:17

Moïse ye Nyanmien man o fa mmla'n maan yéo, Jésus-Christ kusu ye o fa yé yôle'n nin nanwle'n balio.

Jean 1:4

I sa nun ye nguan'n wôo, nguan so'n ti ke wia'n sa, o man swran'm bé wun asé.

Jean 10:28

M man bé anannganman nguan, bé su nunnu'an lé, ye swran fi su dé'a bé n sa nun.

Jean 10:7

Jésus sé bé ékun ke: Nanwle, n ti bua'm bé tuin'n i anuan.

Jean 10:9

N lie'n, n ti anuan, swran ng'o sin min nun'n, oh fitéh nun, oh wluh, oh fitéh, ye oh nyanh didiwle.

Jean 14:19

O tye kan'n, men nunfue'm bé su wu'an n kun, sannge amun lie'n, amunh wunh min. N wunman, o man amun kusu amunh kah le tititi.

Jean 15:1

Min ye n ti raisin'n (*f12*) i bô kpa nion, ye n Si ti i tafue.

Jean 18:37

O man Pilate use i ke: ?O man a ti famien? Jésus sé i ke: Ye o nuan ô su leo, n ti famien. Nian sa ti bo bé wu min'n, nian sa ti bo m baa men nun'n ye, m baa ke n kan nde ng'o ti nanwle'n klé swran mun. Swran kwlaa ng'o si nanwle'n, o ti nde nga n kan'n.

Jean 5:21

Ke i Si'n tyen swran b'o man bé nyan nguan'n, Ba'n kusu man swran ng'o klô ke o nyan nguan'n, o nyen.

Jean 6:33

Afin Nyanmien kpaun'n yele swran ng'o fin nyanmien su lo b'o man menfue'm bé nyan nguan'n.

Jean 6:51

M bobo n ti kpaun b'o man nguan, n fin nyanmien su lo ye m balio. Swran ng'o di kpaun so'n wié'n, o su wu'a mlonmlon, min nnen'n ye o ti kpaun so'n bo nh fah man nion. Nh fah man so nan menmenfue'm béh nyanh nguan.

Jean 6:57

Ke n Si b'o ti anannganman'n sunmaan min'n, bo i ti ye n wô le'n, swran nga kusu b'o di min nnen'n, n ti oh tranh le.

Jean 6:68

Ye Simon Pierre sé i ke: ?Wan sin ye é koo? O nde'n ye man é nyan anannganman nguaan.

Jean 8:32

Amunh sih nde ng'o ti nanwle'n, ye nde nanwle so'n ti amunh nyanh amunh ti.

Jean 8:51

Nanwle, swran ng'o fa min nde'n su'n, o wu wa'a mlonmlon.

Sa nga bé yôli'n 3:15

An man bé kuun swran ng'o man nguan'n, sannge Nyanmien tyenniin. Sa so'n yôô é bobo é nyrun.

Sa nga bé yôli'n 4:12

I kunngba tye ye o kwla dé swraan, yele ke Nyanmien a sié'a swran ufle fi men'n nun wa bo i dunman nun é kwla fité nuon.

Sa nga bé yôli'n 9:2

o sre i ke o men i Nyanmien sua nga bo bé ô Damas lo'n bé wun fluwa, nan se o tô swran wié lo'n, se yasua ô, bla ô, bo bé fa nde su'n oh tyih bé ba Jérusalem.

Rɔmfuɛ Mun 15:16

b'o sié min ke n di Christ-Jésus i dyunman bé nga bé ti'a Juif'n bé afien'n ti ye n kleli i soo. Ke mh bôh Nyanmien i dyasin fe'n, n yô i nyrun dyranfue nan nh fah bé nga bé ti'a Juif'n men, i Wawe'n man bé katyi i lie, o man i klun dyo bé wun.

Rɔmfuɛ Mun 5:2

I ye man é sii ke Nyanmien yô é yéo, i su bo é lafi'n ti, sien'n é su di yé so'n. Anyrunnyan bo Nyanmien waan oh manh é bo é nyin ô i sin'n ti, é wun blibli é.

Rɔmfuɛ Mun 5:21

O man ke sa tete'n yô swran'm bé nzuen lélé o man bé wu'n, i kunngba'n Nyanmien i aklunyé'n o man sa kpa'n katyi bé nzuen lélé béh nyanh anannganman nguan é Min Jésus-Christ fanngan nun.

1 Korɛntfuɛ Mun 15:45

I so'n ti ye bé klelii ke: «Adam b'o ti swran klikli'n o nyaan nguan o yô swran.» Adam kasienfue'n yôô aôlia nun'n swran b'o man nguan.

Efɛzfuɛ Mun 2:18

afin é kwlaa, se é ti Juif ô, se é ti'a Juif ô, Christ ti é kwla ko é Si Nyanmien wun lo i Wawe'n i fanngan nun.

Kolɔsfuɛ Mun 2:17

Liké so'n kwlaa ti liké ng'o wa yô'n bé wawe, i kpafue'n yele Christ.

Kolɔsfuɛ Mun 2:9

Afin ke é wun Christ b'o katyii swran'n, é wun wafa kwlaa nga Nyanmien ti'n.

Kolɔsfuɛ Mun 3:4

Ke Christ bo amun nguan'n wô i sa nun'n o wa yi i wun nglô'n, oh yih amun nglô wié, ye nyrun ng'oh nyenh'n, amunh nyanh wié.

Hébreu 7:25

I so'n ti, o man bé bo i ti bé mantan Nyanmien béh kwlah nyan bé ti mlonmlon, afin o ô le titi o sre Nyanmien ke o nian bé su.

Hébreu 9:8

Nyanmien Wawe'n fe i so sa'n klé é ke, ke tannin sua klikli lie'n te ô le'n, wuun atin ng'o ko Nyanmien lika kpa'n nun lo'n nian bôman.

1 Piɛr 1:21

I ti ye amuan lafi Nyanmien b'o tyenniin'n, b'o man o nyaan nyrun'n i suo, o man Nyanmien su ye amuan lafio, i su ye amuan fa amun wla'n ba guaa.

1 Piɛr 2:4

Anh fa amun wun menten, afin o ô le tititi. I ye o ti yebue bo swran'm bé yii i blô, sannge Nyanmien wuun ke o ti kpa, b'o fali nion.

1 Piɛr 3:18

Amun ti te ye Christ fe i wun yilio. O yôé kpe kunngba o su yô'e kun. I b'o ti swran kpa'n, sa te yôfue'm bé ti o wuli, nan oh fah amun man Nyanmien. Bé kunniin, sannge Nyanmien Wawe'n tyenniin.

1 Jean 1:8

Se é sé ke sa te nu'an é wun'n, wun'n é su laka é wun, é di'a nanwle.

1 Jean 2:23

Swran ng'o so'a Nyanmien Wa'n nun'n, wuun wa so'e i bobo nun. Swran ng'o so i nun'n, wuun wa so i Si'n nun.

1 Jean 5:20

É si kusu ke Nyanmien Wa'n bali, ye o kléé é ngwlele, nan é si Nanwlefue'n. É nin Nanwlefue so'n ya yô kun i wa Jésus-Christ ti. I ye o ti Nyanmien nion, i ye bé flee nguan nion.

1 Jean 5:6

Swran ng'o bali'n yele Jésus-Christ. Ke o bali'n, nzué nin mmôdya (*f44*) ye man bé sii io. Nanh nzué ngunmin ye man bé sii io, sannge bé nnyon nion. Ye Nyanmien Wawe'n sé ke nde so'n ti nanwle, afin i bobo ti nanwlefue.

2 Jean 1:9

Swran nga nde nga Christ klé'n dyumen, b'o uka su'n, wuun o si'a Nyanmien, sannge swran ng'o fa liké ng'o klé'n su'n, o si é Si'n nin i Wa'n.

Sa nglô yile 19:11

Ye n wuun nyanmien su lo'n, o ti muaan, nh niaanh… nnenkpanngo ufué kun ye. Swran ng'o fu su'n, bé flee Swran-bo-bé-kwla-fa-bé-wla-gue-i-su, nin nanwlefue. I nde b'o di'n ti su, ye i ale b'o kun'n o kuin i nuan su.

Sa nglô yile 20:15

Swran kwla nga ba kle'e i dunman nguan fluwa nun'n, bé fe yii sin dan'n nun.

Sa nglô yile 22:1

O kléé min nzué ba bo i nun nzué'n man nguan'n, o ti nyannyannyan ke la glace sa. O fin Nyanmien nin Bua Gbanflen'n bé bia'n nun ye o fitéo.

Sa nglô yile 22:17

Nyanmien Wawe'n nin Atonvle'n bé sé ke: Bla! Swran ng'o ti'n, mon o sé ke: Bla! Swran nga nzué wé kuin'n, mon o bla, man swran ng'o klô ke oh fah nzué ng'o man nguan'n, o fa, déin su fité'a nun!

Sa nglô yile 3:14

Nian nde nga n klô ke a kle kô man Laodicée asonun'n i ange'n ye: M bo bé fle min Mon-o-yô-so'n, bo n kan nde nanwle, bo bé kwla fa bé wla gua n su'n, bo min ye Nyanmien man n yii liké'n kwlaa'n, n sé ke yiô:

Sa nglô yile 3:7

Nian nde nga n klô ke a kle kô man Philadelphie asonun'n i ange'n ye: M bo n ti Nyanmien lie, bo n ti nanwlefue, bo David la clé'n wô n sa nun, bo n nyin anuaan swran kwla tikéman, ye se n tikéo swran kwla nyinman'n, n sé ke yiô: