Jean 14:26 - Nyanmien nde Ufle

²⁶ Sannge swran ng'o wa uka amun'n yele é Si i Wawe'n b'o wa sunmen n dunman nun'n, i ye o wa klé sa'n kwla, ye oh kpenh amun wla nde kwlaa nga n kan kléé amun'n suo.

NYANMIƐN NDƐ'N 1998

²⁶ Sanngɛ sran ng'ɔ wa uka amun'n yɛlɛ e Si i Wawɛ'n b'ɔ wa sunmɛn i n dunman nun'n, i yɛ ɔ wa kle sa'n kwlaa-a, yɛ i yɛ ɔ ´kpɛn amún wla ndɛ nga n kan kleli amun'n i kwlaa su-ɔ.

Jean 14:26 ပူးပေါင်းရင်းမြစ်များ

Matthieu 1:18

Anh nian ke Jésus-Christ i awulie'n yôlio. I nin Marie bo Joseph treli i asé'n, ke bé nian si'a sua'n, Nyanmien Wawe'n fa ba wlee i klun.

Matthieu 1:20

Ke oh buh akunndan so'n, é Min Nyanmien'n i ange kun yi i wun kléé lalie nun, o sé ke: Joseph, David anunman, nanh sre kun o, fo o yi Marie ko o bô, afin ba'n bo wa wunnzee'n o fin Nyanmien Wawe'n.

Matthieu 28:19

I so'n ti, anh wo kô klé nvlénvlé'n kwlaa bé liké, man bé katyi n sonnzonfue, ye anh yô bé baptême é Si Nyanmien, nin i Wa'n, nin i Wawe'n bé dunman nun.

Matthieu 3:11

N lie'n, n yô amun baptême nzué'n nun ke an katyi amun nzuen'n, sannge swran ng'o ô sien b'o su ba'n, o le nyrun tra min. Min nin i ngbabua'n i suale fataman. I lie'n, o wa fa Nyanmien Wawe'n nin sin yô amun baptême.

Marc 12:36

Nyanmien Wawe'n man David bobo séé ke: «É Min Nyanmien'n séli min Min lie'n ke: Tran asé n fama su Lélé m man ah tioh o kpofue'm bé su.»

Marc 13:11

Ke béh fah amun kô man swran mun'n, nanh an dun mmua bu nde nga amunh kanh'n i akunndan, sannge anh kan nde nga Nyanmien fa man amun do so'n su'n, afin nanh amun ye amunh idyooh, Nyanmien Wawe'n ye oh idyooh.

JÉSUS-CHRIST I DYASIN FE'N BO LUC KLELI'N 1:15

Afin oh yôh swran dan é Min Nyanmien nyrun, o su nonman nzan b'o bô'n i wié fi, o nin Nyanmien Wawe'n fin blolo.

JÉSUS-CHRIST I DYASIN FE'N BO LUC KLELI'N 1:35

Ye ange'n séé i ke: Nyanmien Wawe'n oh bah o wun, ye Nyanmien Kpli bo liké fi nu'en i sin'n, oh dyranh o sin. I so'n ti, ba'n bo ah wuih b'o ti Nyanmien lie klônglô'n, béh fleeh Nyanmien Wa.

JÉSUS-CHRIST I DYASIN FE'N BO LUC KLELI'N 1:41

Ke Élisabeth tii liké bo Marie yôlii'n, i ku'n dyaédyaé, Nyanmien Wawe'n too i su, o kpan kéklé kpa ke:

JÉSUS-CHRIST I DYASIN FE'N BO LUC KLELI'N 1:67

Nyanmien Wawe'n too i si Zacharie su, o kan sa ng'o wa yô'n, o sé ke:

JÉSUS-CHRIST I DYASIN FE'N BO LUC KLELI'N 11:13

Se amun bo an ti swran te'n, an fa liké kpa tye amun mma mun'n, wuun é Si b'o ô nyanmien su lo'n kusu, oh feh i Wawe'n man bé nga bé sre i'n kpe blu.

JÉSUS-CHRIST I DYASIN FE'N BO LUC KLELI'N 2:25

Ke oh yôh so'n, bian kun ô Jérusalem, bé flee Siméon. Bian so'n ti swran nanwlefue, o srô Nyanmien kpa. O minnde Israël i wla tyityile'n, ye Nyanmien Wawe'n ye o sié io.

JÉSUS-CHRIST I DYASIN FE'N BO LUC KLELI'N 24:49

Anh nian, liké nga n Si sé ke oh bleh amun'n m bobo m man liké so'n oh bah. O man amun kusu anh tran klo'n su wa lélé man Nyanmien tin amun ka.

JÉSUS-CHRIST I DYASIN FE'N BO LUC KLELI'N 3:22

ye Nyanmien Wawe'n katyi ke aublé sa, o dyree i su. Ye bé ti swran kun nen nyanmien su lo, o sé ke: A ti min awlen su Ba, o su ye man fa n wla'n kwlaa a guaa.

Jean 1:33

Laa n simen, sannge Nyanmien b'o sunmaan n ke m ma yô baptême so'n, o sé n ke: Swran nga a wun ke n Wawe'n o dyra o wa tren i su'n, i ye oh fah n Wawe'n yô swran'm bé baptême nion.

Jean 12:16

Ke oh yôh so'n, i sonnzonfue'm bé wu'an sa so'n i wle, sannge ke Nyanmien yii Jésus i swran wafa ng'o ti'n i nglô'n, o kpeen bé klun ke bé klee i wun nde'n nun ke béh yôh i so, o man ke bé yôô i so'n, o kpeen su.

Jean 14:16

Nh kôh sre é Si'n, oh bleh amun swran ufle b'o uka amun, yele Nyanmien Wawe'n b'o ti nanwlefue'n, o nin amunh tranh titi. Men nunfue'm bé kwla nyenmen, yele ke bé wunmen ye bé simen, sannge amun lie'n, an sii, afin o nin amun ye o traan, ye o wa tran amun awlen'n nun.

Jean 14:25

Ke n te ô wa'n, man n kan nde so'n klé amun.

Jean 15:26

Swran ng'o wa uka amun'n oh bah, yele Nyanmien Wawe'n b'o ti Nanwlefue b'o fin é Si Nyanmien wun lo'n. Nh feh ble amun é Si dunman nun. Ke o kô ba'n, oh kanh min nde klé amun.

Jean 16:7

Sannge i nanwle ye n di klé amuon, se n ko'n, o ti kpa, afin se man oman'n, Swran ng'o wa uka amun'n o su baman, sannge se n ko'n, m man oh bah.

Jean 2:22

O man ke o tyennin'n, i sonnzonfue'm bé wla kpennin su ke o séli bé so, nan ba lafi Nyanmien Nde nga bé kleli'n nin nde ng'o kan kléé bé'n su.

Jean 20:22

Ke o kaan nde so'n, o fitaa bé su nan wa sé bé ke: Anh so Nyanmien Wawe'n nun.

Jean 6:45

Nyanmien nuan idyofue'm bé klee ke: «Nyanmien wa klé bé kwlaa bé liké.» Swran kwla ng'o ti n Si nde'n b'o fa su'n, oh bah n sin.

Jean 7:39

Sa ti b'o séé so'n yele Nyanmien Wawe'n bo bé nga bé wa lafi i su'n béh nyenh'n. Ke oh yôh so'n, wuun Nyanmien nian fe'e i Wawe'n nian manman, afin o nian yi'a Jésus i wafa ng'o ti'n i nglô.

Sa nga bé yôli'n 1:2

lélé fa dyu tyen nga Nyanmien men i su fa oo nyanmien su lo'n. Jésus man Nyanmien Wawe'n dun mmua kléé bé b'o faa bé b'o sunmaan bé'n, liké nga bé yô'n, nan wa o.

Sa nga bé yôli'n 1:4

Ke Jésus nin bé béh dih liké'n, o séé bé ke: Nanh an tu amun bô Jérusalem wa, anh minnde liké nga é Si Nyanmien séé ke oh yôh'n, bo ye n ken i nde kléé amun'n.

Sa nga bé yôli'n 1:8

Sannge ke Nyanmien Wawe'n kô ba amun wun'n, oh tinh amun, an wa kan min nde Jérusalem wa, Judée men wunmuan'n nun, o nin Samarie lo lélé fa dyu asie'n i awiélie.

Sa nga bé yôli'n 11:16

Ke o yôô so'n ye n wla kpeen nde nga é Min'n kannin'n suo, o sé ke: «Jean yôô swran'm bé baptême nzué'n nun, sannge amun lie'n, Nyanmien wa fe i Wawe'n yô amun baptême.»

Sa nga bé yôli'n 13:2

Lé kun ke béh kpeh sre nun bo béh yôh asonun'n, Nyanmien Wawe'n séé bé ke: Anh fa Barnabas nin Saul man min, man bé di dyunman nga ti ye n flee bé'n.

Sa nga bé yôli'n 13:4

O man Nyanmien Wawe'n fa bé oo Séleucie, bé fa mméli le bé oo Chypre.

Sa nga bé yôli'n 15:28

Afin Nyanmien Wawe'n bu i ke o ti kpa ke nanh man é fa nde fi uka liké ng'o ti tyinndyin'n su man amun, ye é kusu é bui so,

Sa nga bé yôli'n 15:8

Nyanmien b'o si swran'n kwlaa bé awlen'n nun'n, o fe i Wawe'n maan bé ke o fa maan yé'n sa, b'o klé ke wa so bé nun.

Sa nga bé yôli'n 16:6

Nyanmien Wawe'n séé bé ke, nanh man bé kan Nyanmien nde Asie men'n nun, o man bé siin Phrygie nin Galatie men'n nun.

Sa nga bé yôli'n 2:33

Ke i si Nyanmien men i su siéé i fama su'n, o fee i Wawe'n b'o séé ke oh fah man'n, o fa menniin, ye o faa liké nga amun wuin bo an ti'n maan swran muon.

Sa nga bé yôli'n 2:4

Nyanmien Wawe'n too bé su, o fa bé katyi i lie mlonmlon, kpekuun bé su kan anien ufle wié bo Wawe'n fa wla bé nuan ke bé kan'n.

Sa nga bé yôli'n 20:28

I so'n ti, anh nian amun bobo amun wun kpa, ye anh nian bua fa nga Nyanmien Wawe'n fa amun siéé bé su'n bé su kpa, ye anh ta Nyanmien i Asonun'n b'o fe i bobo wa'n tôli'n.

Sa nga bé yôli'n 20:35

N yô i so n fa klé amun nan amun kusu an di dyunman so, nan an wuka bé bo bé le'a wunmien'n. Anh bu é Min Jésus bobo i nde b'o kannin'n i akunndan, o séé ke: Se a tye swran liké'n, o ti kpa tra ke bé tye o liké'n.

Sa nga bé yôli'n 28:25

Ke bé nuan a seman bo bé wa sanndi'n, o man Paul kan nde kpole kun ékun kléé bé, o sé ke: Nde nga Nyanmien Wawe'n man Nyanmien nuan idyofue Ésaïe kan kléé amun nannan mun'n, o ti nanwle,

Sa nga bé yôli'n 5:3

Pierre usee i ke: ?Ananias, nzu ti ye a fo o wun maan Satan (*f6*) b'o man a bua atô klé Nyanmien Wawe'n, bo a fa asie'n i sika i bué siélio?

Sa nga bé yôli'n 7:51

Nyin kékléfue mun bo amun awlen'n nin amun su'm bé ti ke bé bo bé ti'a Juif'm bé lie'n sa, an kpalô Nyanmien Wawe'n i nde'n titi ke amun nannan'm bé yôli'n sa.

Sa nga bé yôli'n 7:55

Sannge Étienne bo Nyanmien Wawe siéé'n, o niaan nyanmien su lo siin, o wuun ke Nyanmien Kpli'n yi i wun nglô nyannyannyan, ye Jésus dyin Nyanmien'n i fama su.

Rɔmfuɛ Mun 14:17

Nanh ke liké bo swran di'n nin nzan bo bé non'n ye o klé ke Nyanmien sié béo, sannge i Wawe'n b'o man swran katyi swran kpa, b'o man bé di aladyé, bo bé klun dyo'n ye o klé ke o sié béo.

Rɔmfuɛ Mun 15:13

Man Nyanmien bo é nyin ô i sin'n o man amun klun dyo, ye an di aladyé i su bo an lafi'n ti, nan Nyanmien Wawe'n i fanngan nun amun nyin tren i sin tititi.

Rɔmfuɛ Mun 15:16

b'o sié min ke n di Christ-Jésus i dyunman bé nga bé ti'a Juif'n bé afien'n ti ye n kleli i soo. Ke mh bôh Nyanmien i dyasin fe'n, n yô i nyrun dyranfue nan nh fah bé nga bé ti'a Juif'n men, i Wawe'n man bé katyi i lie, o man i klun dyo bé wun.

Rɔmfuɛ Mun 5:5

Ye é wla bo é fa gua Nyanmien su'n ti é nyin su gua'a asé, afin Nyanmien man i Wawe b'o fa maan yé'n klé é klôle dan nga Nyanmien fa klô yé'n é awlen'n nun wéiin.

1 Korɛntfuɛ Mun 12:3

I so'n ti, nh kanh klé amun ke, se swran kun idyo Nyanmien Wawe'n fanngan nun'n, o kwla fa'a Nyanmien wua'a Jésus! kusu se swran kun idyo'a Nyanmien Wawe'n i fanngan nun'n, o kwla sé'a ke Jésus ti i Min.

1 Korɛntfuɛ Mun 6:19

?An si'a ke amun wunnen'n ti Nyanmien i Wawe'n b'o fa maan amun b'o ô amun nun'n i sua, o man an di'a amun tiaun?

2 Korɛntfuɛ Mun 6:6

Sa ng'o klé ke é ti Nyanmien dyunman difue'n bé ye, é yô'a sa sukusuku, é wun sa wle, é blu sa'm bé su, é klun ti ufué, Nyanmien Wawe'n sié é, é klô'a Nyanmien nin swran é nuan bui su,

Efɛzfuɛ Mun 1:13

Amun kusu, ke an tii dyasin fe'n b'o ti nanwle'n, b'o man amun kwla nyan amun ti'n, an lafii Christ su. Ke amun nin i amuan katyi swran wunmuan'n ti, Nyanmien fe i Wawe'n b'o ken i nde'n maan amun b'o klé ke an ti i lie mlonmlon.

Efɛzfuɛ Mun 1:17

Ye n sre é Min Jésus-Christ i Nyanmien b'o ti é Si b'o le nyrun'n, ke o fe i Wawe'n man amun man an si ngwlele, ye o yi i wun nglô nan an sii kpa.

Efɛzfuɛ Mun 4:30

Nanh an bô Nyanmien Wawe'n i wla, afin i ye Nyanmien fa maan amun b'o klé ke an ti i lie lélé fa dyu tyen nga éh nyanh é ti mlonmlon nion.

1 Tɛsalonikfuɛ Mun 4:8

I so'n ti, swran ng'o fa'a nde so'n su'n, nanh swran ye wa bu'e i swraan, Nyanmien b'o fe i Wawe'n maan amun'n ye wa bu'e i swraan.

2 Timote 1:14

Liké kpa nga bé fa wloo o sa nun'n, Nyanmien Wawe'n b'o tran é awlen'n nun'n i fanngan nun nian su kpa.

Tite 3:5

o déli é. Nanh ke é yôli sa kpa wié ti ye o déli yéo, sannge i bobo ye o sili é aunnvue soo. Ke o Wawe'n wuu é ufle wunnzinle b'o wunnziin yé'n ti, b'o man é katyi swran ufle'n, ye o déli yéo.

Hébreu 10:15

Nyanmien Wawe'n kan nde kunngba'n klé é. Afin o sé ke:

Hébreu 2:4

Ke Nyanmien yi atre, b'o yô abônuan sa nin sa kéklééklé fanunfanun, b'o fa liké nga i Wawe'n man swran yô'n man swran ke i klun klô'n sa'n, o guaa bé nde'n su.

Hébreu 3:7

Afin Nyanmien Wawe'n séé ke: «Se ndeken an ti nde nga Nyanmien kan'n,

Hébreu 9:8

Nyanmien Wawe'n fe i so sa'n klé é ke, ke tannin sua klikli lie'n te ô le'n, wuun atin ng'o ko Nyanmien lika kpa'n nun lo'n nian bôman.

1 Piɛr 1:12

Nyanmien kan kléé bé ke i nde ng'o fa wla bé nuan ke bé kan'n o ti'a bé bobo bé lie, sannge amun lieo. Bé nga bé kan dyasin fe'n Nyanmien Wawe'n b'o sunmenniin'n i fanngan nun'n, nde so'n ye bé kan kléé amun ye'n. Ange'm bé bobo bé klô ke béh wunh sa so'm bé wle.

2 Piɛr 1:21

Afin Nyanmien nde nga swran'm bé kannin'n ba kpe'a wié fi bé ti nun ye bé kannion, i Wawe'n ye o fa wla bé nuan ye bé kannion.

1 Jean 2:20

Amun lie'n, Nyanmien fe i Wawe'n maan amun, o man amun kwlaa an wun sa wle.

1 Jean 2:27

Amun lie'n, Christ fe i Wawe'n maan amun. Ke i Wawe so'n nin amun te ô le'n, an bô'a ye kunnde'a swran ke o klé amun liké. Afin o klé amun liké'n kwlaa, liké ng'o klé amun'n ti nanwle, o ti'a atô. I so'n ti, amunh nin i tran titi ke o kan kléé amun'n sa.

1 Jean 5:7

Lalôfue'm bé ti nsan,

Jude 1:20

Sannge n swran kpa mun, amun lie'n, Nyanmien su bo an lafi kpa'n ti, anh dyran kéklé ke sua bo bé wlee i bô kpa'n sa. Amunh nin Nyanmien kôkô yale titi i Wawe'n i fanngan nun.

Sa nglô yile 2:11

Swran ng'o si fa sié'n, mon o tié nde nga Nyanmien Wawe'n kan klé asonun mun'n! Swran ng'o kwla'n, o su wu'a kpe nnyon wié.