Jean 14:21 - Nyanmien nde Ufle

²¹ Swran ng'o ti min nde'n b'o fa su'n, swran so'n ye o klô mion. Swran ng'o klô min'n, n Si wa klôé, n kusu m ma klôé, ye nh yih min wun kléé.

NYANMIƐN NDƐ'N 1998

²¹ Sran ng'ɔ ti min ndɛ'n nan ɔ fa su'n, sran sɔ'n yɛ ɔ klo min-ɔn. Sran ng'ɔ klo min'n, n Si wa klo i, n kusu m ma klo i, yɛ n ´yi mín wun kle i.»

Jean 14:21 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 11:28

Jésus a kpli'an su, nan wa sé ke: Sé ke, swran ng'o tié Nyanmien nde'n b'o fa su'n, i lie su ti yé!

Jean 14:15

Se an klô min'n amunh fah min nde'n su.

Jean 14:18

N yatyi'a amun aika, mh bah amun wun wa ékun.

Jean 15:14

Se an fa min nde'n su'n, an ti n dyanvue.

Jean 16:14

O man n dunman'n fuh, afin min nde'n ye oh kanh klé amuon.

Jean 16:27

afin é Si'n bobo klô amun. O klô amun yele ke an klô min, ye an lafi su ke Nyanmien ye o sunmaan mion.

Jean 17:23

Man min nin bé é yô swran wunmuan, ke min nin o é ti swran wunmuan'n sa nan bé katyi swran wunmuan mlonmlon. Mon o yô so nan men nunfue'm bé si ke wo ye a sunmaan mion, ye a klô bé ke a fa klô min'n sa.

Sa nga bé yôli'n 22:18

n wuun é Min'n, o sé n ke: Kan o wun ndende dyaô Jérusalem wa, afin bé su fa'a min nde'n bo a kan'n.

2 Korɛntfuɛ Mun 12:8

Man sre é Min'n kpe nsan ke o yi tukpatye so'n n kplô'n nun.

2 Korɛntfuɛ Mun 3:18

É kwlaa nga Nyanmien a yi é nyrun tannin ng'o kata é nyrun'n, é wun wafa kwlaa nga é Min'n i dan'n ti'n ke niannun nun sa. É katyi ke i wafa nga é fa wuin'n sa tititi lélélé éh feh kpa. É Min'n i Wawe'n ye man é yô soo.

2 Korɛntfuɛ Mun 4:6

Nyanmien b'o séé ke: Man lika'n kpadya'n, i kunngba'n ye man é wun sa wle wéiion. O man ke é nian Christ'n é wun wafa kwlaa nga Nyanmien Kpli'n ti'n, afin i ye man é sii io.

2 Tɛsalonikfuɛ Mun 2:16

Man é Min Jésus-Christ bobo nin é Si Nyanmien b'o klô é, bo yé b'o yô yé'n ti, o gua é awlen su nzué tititi, b'o man é liké kpa bo é fa é wla gua su'n,

2 Timote 4:22

Man é Min'n nin o tran! Nh yrah n nuan ke an nyan yé!

1 Jean 2:5

Sannge swran ng'o fa Nyanmien nde'n su'n, i sofue'n ye o klôé kpa sakpaa. Sa nga é yô nan ya si wéiin ke é nin Nyanmien ya yô kun'n ye:

1 Jean 3:1

Anh nian klôle nga é Si Nyanmien fa klô yéo! Klôle dan so'n ti ye bé fle é i wa nion. Ye é ti i wa sakpa. Anh nian sa nga ti ye men'n nunfue'm bé si'a yé'n, yele ke bé si'a Nyanmien.

1 Jean 5:3

Nyanmien i klôle'n yele ke é fe i nde'n su, i nde so'n i su fale'n yô'a ya.

2 Jean 1:6

Bé wun klôle so'n yele i nde'n su fale, ye i nde'n bo an tili i bôbôle nun'n, yele ke an klô amun wun.

Sa nglô yile 2:17

Swran ng'o si fa sié'n, mon o tié nde nga Nyanmien Wawe'n kan klé asonun mun'n! Swran ng'o kwla'n, nh fah manne (*f29*) bo bé wunmen'n men. Ye nh fah yebue ufué kun bo bé klee dunman ufle kun su'n men. Swran fi si'a dunman so'n, san swran nga bé fa men'n ye o si io.

Sa nglô yile 22:14

Bé nga bé kpu bé trale'n, b'o man bé kwla di waka ng'o man nguan'n i mma'n, bo bé kwla sin klo'n i anuan'n nun'n, bé lie su ti yé!

Sa nglô yile 3:20

Anh nian, n dyin anuan'n sin, m bôbô. Swran ng'o ti min nen'n nan o tiké'n, nh wluh i lika lo, min nin i éh dih liké.