Jean 14:19 - Nyanmien nde Ufle

¹⁹ O tye kan'n, men nunfue'm bé su wu'an n kun, sannge amun lie'n, amunh wunh min. N wunman, o man amun kusu amunh kah le tititi.

NYANMIƐN NDƐ'N 1998

¹⁹ Ɔ cɛ kan'n, mɛn nunfuɛ'm be su wun-man n kun, sanngɛ amun liɛ'n, amun ´wun min. N wu-man, ɔ man amun kusu amun ´ka lɛ tititi.

Jean 14:19 ပူးပေါင်းရင်းမြစ်များ

Jean 11:25

Jésus sé i ke: Min ye n tyen swran muon, m bobo min ye bé fle min nguan nion. Swran kwlaa ng'o lafi n su'n, se o wu'n, oh nyanh nguan ékun.

Jean 12:35

Jésus sé bé ke: Lika'n te kpadya amun wun wa kan. Ke an te wun asé'n, anh nanti nan lika'n wa du'an amun. Swran ng'o nanti aôsin nun'n, o wu'en i bô.

Jean 13:33

M mma mun, n te ô amun wun wa kan. Amun wa kunnde min. N séé Juif'm bé ke, «Lika nga nh koh lo'n, bé su kwla ko'a lo wié.» Nde kunngba'n ye n kan klé amun ye'n.

Jean 14:6

Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.

Jean 16:16

O tye kan'n an su wu'an n kun, sannge se i sin tyuen nun kan'n, amunh wunh min ékun.

Jean 16:22

Amun kusu, awlabôe'n wô amun su ke é sé ye'n, sannge ke mh bah wun amun wun ékun'n, amun klun dyoh, ye swran fi su kwla bô'a amun wla.

Jean 6:40

Anh nian, liké nga n Si waan swran'm bé yô'n ye, swran kwlaa ng'o wun i Wa'n b'o lafi i su'n, oh nyanh anannganman nguan, ye nh tyeenh men'n i awiélie.

Jean 7:33

Jésus sé ke: N te ô amun wun wa kan, o yô kan'n, nh koh swran ng'o sunmaan min'n i sin.

Jean 8:21

Jésus sé bé ékun ke, o su ko, bé wa kunndee, sannge bé sa te'n kah bé wun béh wuh. Lika ng'o ko lo'n, bé su kwla ko'a lo wié.

Sa nga bé yôli'n 10:41

sannge swran ngba a wunmen, san é nga Nyanmien dun mmua siéé é ke é wuin'n, bo ke a tyennin'n, é nin i é di liké'n, é ye é wunnin io.

Rɔmfuɛ Mun 5:10

Afin se laa bo é ti Nyanmien i kpofue'n b'o fe i Wa'n siésié é afien'n, sien'n bo é nin i é afien a se'n, i Wa'n i nyin b'o ô su'n ti, oh déh é ti kpe blu.

Rɔmfuɛ Mun 8:34

?Wan ye o kwla sé ke ba di foo? Christ-Jésus ye o wulio, kusu o tyennin, o ô Nyanmien Kpli'n i fama su, o kpete man é.

1 Korɛntfuɛ Mun 15:20

O ti'a so mlonmlon, sannge Nyanmien tyennin Christ sakpa, o man o yô bé nga bé wu bé tyen'n bé nun klikli.

1 Korɛntfuɛ Mun 15:45

I so'n ti ye bé klelii ke: «Adam b'o ti swran klikli'n o nyaan nguan o yô swran.» Adam kasienfue'n yôô aôlia nun'n swran b'o man nguan.

Hébreu 7:25

I so'n ti, o man bé bo i ti bé mantan Nyanmien béh kwlah nyan bé ti mlonmlon, afin o ô le titi o sre Nyanmien ke o nian bé su.

Sa nglô yile 20:4

N wuun bia mun, bé nga bé ti bé su'n, bé sié bé ke bé di dyole. Ye n wuun bé nga bé kan nde nanwle bo Jésus yii nglô'n, nin Nyanmien nde'n ti bé kuun bé'n, bo ba kôtô'a nnen'n i wunsu bo bé yôli'n i bô, bo nnen'n i nzolie'n nu'an bé ngban su nin bé sa'n su'n, bé wawe'n. Bé tyennin, nan bé nin Christ a di famien afue akpi.