Jean 14:10 - Nyanmien nde Ufle

¹⁰ ?A lafi'a su ke min nin é Si'n é ti swran wunmuan? Nde nga n kan klé amun'n, n kpe'a n ti nun ye n kaan. É Si b'o nin min ti kun titi'n, i bobo ye o di i dyunman nion.

NYANMIƐN NDƐ'N 1998

¹⁰ ?A lafi-man su kɛ min nin e Si'n e ti sran wunmuan? Ndɛ nga n kan kle amun'n, n kpɛ-man n ti nun yɛ n kan-an. E Si b'ɔ nin min ti kun titi'n, i bɔbɔ yɛ ɔ di i junman nin-ɔn.

Jean 14:10 ပူးပေါင်းရင်းမြစ်များ

Jean 10:30

Man nin n Si é ti kun.

Jean 10:38

Se n yô bé'n, kannze an lafi'a m bobo n su'n, sannge anh lafi sa so'm bé su nan amuan wun i wle kpa ke min nin n Si é ti swran wunmuan.

Jean 11:26

Ye swran nga i nyin ô su b'o lafi n su'n, o su wu'a lé. ?A lafi nde so'n su?

Jean 12:49

Afin nde nga n kan'n, n kpe'a n ti nun ye n kaan, sannge n Si b'o sunmaan min'n, i bobo ye o kléé min nde nga n kan'n nin ninngé wafa nga n klé nion.

Jean 14:11

Ke n sé ke min nin é Si'n é ti kun'n, anh lafi su. Se an lafi'e i so'n su'n, anh lafi su liké nga n yô bé'n bé ti.

Jean 14:20

I tyen so'n nun, amunh wunh i wle ke min nin n Si é ti swran wunmuan, ye min nin amun kusu ya katyi swran wunmuan.

Jean 14:24

Swran ng'o klô'a min'n, o fa'a min nde'n su. Nde nga amun ti'n, n kpe'a n ti nun ye n kaan, sannge n Si b'o sunmaan min'n, ye man n kaan.

Jean 17:8

afin nde nga a kan kléé min'n, n kan kléé bé, bé faa su. Ba wun i wle wéiin ke n fin o wun lo, ye ba lafi su ke wo ye a sunmaan mion.

Jean 5:17

Sannge Jésus sé bé ke: Tyen kwlakwlakwla n Si di dyunman, n kusu n di dyunman.

Jean 5:19

O man Jésus keen i bobo nde, o sé bé ke: Nanwle, liké nga Ba'n wun ke i Si yô'n, ye o nian su yôo. Ba'n bobo kwla kpe'e i ti nun yô'a liké fi. Liké kwlaa nga i Si'n yô'n, ye i kusu yôo.

Jean 7:16

Jésus sé bé ke: N liké nga n klé'n, o fi'an m bobo, o fin swran ng'o sunmaan min'n.

Jean 8:28

I so'n ti, o sé bé ke: Tyen nga an man m bo n katyii Swran'n su su'n, i tyen so'n nun ye amunh sih n wafa nga n ti nion. Ye amunh sih ke m bobo n kpe'a n klun n yô'a liké fi, san nde nga n Si kan klé min'n ye n kaan.

Jean 8:38

Liké nga n wuin n Si wun lo'n, i nde ye n kaan, ye amun kusu, liké nga amun si lie'n kléé amun'n, ye an yôo.

Jean 8:40

N kan nde nanwle nga Nyanmien kan kléé min'n klé amun, sannge an klô ke amunh kunh min. Abraham a yô'a sa nga lé.

Sa nga bé yôli'n 10:38

Nyanmien fe i Wawe'n maan Jésus b'o fin Nazareth'n, o tinniin, o ko lika'n kwlaa o yô swran'm bé kpa, o yô bé kwlaa bo asie usu'm bé si Satan'n klé bé yale'n bé dyuédyué, afin Nyanmien dyin i sin.

2 Korɛntfuɛ Mun 5:19

Nyanmien nin Christ bé swran kun bo bé ti'n ti, wa nia'an sa nga swran'm bé yôli'n ti, o yôli man menmenfue'n kwlaa bé nin i bé afien a se. Ye o fa afien siésiéle nde so'n wlaa é sa nun.

Kolɔsfuɛ Mun 1:19

Nyanmien wun ke o ti kpa ke i wafa kwlaa ng'o ti'n, Christ kusu yô so,

Kolɔsfuɛ Mun 2:9

Afin ke é wun Christ b'o katyii swran'n, é wun wafa kwlaa nga Nyanmien ti'n.

1 Jean 5:7

Lalôfue'm bé ti nsan,