Jean 13:31 - Nyanmien nde Ufle

³¹ Ke Judas fitéli'n, Jésus sé ke: Sien'n m bo n katyii Swran'n, n swran wafa nga n ti'n i nglô yile'n wa dyu, ye n ti Nyanmien a yi i wun nglô.

NYANMIƐN NDƐ'N 1998

³¹ Kɛ Zidas fitɛli'n, Jésus seli kɛ: «Siɛn'n, m bɔ n kacili Sran'n, n sran wafa nga n ti'n i nglo yilɛ'n ɔ'a ju, yɛ min ti, Nyanmiɛn a yi i wun nglo.»

Jean 13:31 ပူးပေါင်းရင်းမြစ်များ

Matthieu 8:20

Jésus séé i ke: Sôlôngbi'm bé le kunman la nun, ye anunman'm bo bé tu sin'n bé le lawle, sannge m bo n katyii Swran'n n le'a lika bo n la nun dé wunmien bo kaan.

JÉSUS-CHRIST I DYASIN FE'N BO LUC KLELI'N 12:50

Baptême wafa kun ô le bo san nh yôh, o ka n ngunmin'n ba yô min man nyan n ti!

Jean 11:4

Ke Jésus tii i so'n, o sé ke: Tukpatye so'n ti'e i wié lie, sannge o too tukpatye so'n nan Nyanmien dunman'n fu ye i ti Nyanmien man i Wa'n nyan nyrun.

Jean 12:23

Jésus sé bé ke: M bo n katyii Swran'n n swran wafa nga n ti'n i nglô yile tyen'n wa dyu.

Jean 12:28

N Si, yô mon o dunman'n fu. Ke o yôô so'n, bé ti swran kun nen nyanmien su lo, o sé ke: Man dun mmua yô man n dunman'n wa fu, ye m man o wa fu ékun.

Jean 14:13

Liké kwlaa nga an fa n dunman sre'n, nh yôh nan m bo n ti é Si i Wa'n m men i komin su.

Jean 16:14

O man n dunman'n fuh, afin min nde'n ye oh kanh klé amuon.

Jean 7:39

Sa ti b'o séé so'n yele Nyanmien Wawe'n bo bé nga bé wa lafi i su'n béh nyenh'n. Ke oh yôh so'n, wuun Nyanmien nian fe'e i Wawe'n nian manman, afin o nian yi'a Jésus i wafa ng'o ti'n i nglô.

Sa nga bé yôli'n 2:36

I so'n ti man Israël ôsufue'n kwlaa bé si kpa ke Jésus so'n bo an bôbôlii waka'n su'n, i ye Nyanmien siéé ke o ti é Min nin Christ nion.

Sa nga bé yôli'n 3:13

Abraham, nin Isaac, nin Jacob bé Nyanmien'n, é nannan'm bé Nyanmien'n, o man i Swran Jésus nyaan nyrun. I ye an fe maan swran mun, ye ke Pilate waan, oh yatyih i nun'n, amuan kpli'an su, an yii i blô nion.

2 Korɛntfuɛ Mun 3:18

É kwlaa nga Nyanmien a yi é nyrun tannin ng'o kata é nyrun'n, é wun wafa kwlaa nga é Min'n i dan'n ti'n ke niannun nun sa. É katyi ke i wafa nga é fa wuin'n sa tititi lélélé éh feh kpa. É Min'n i Wawe'n ye man é yô soo.

Efɛzfuɛ Mun 1:12

O yô é so nan é bo é dun mmua fa é wla guaa Christ su'n, é men i komin su.

Efɛzfuɛ Mun 2:7

nan ble ng'o ba lo'n nun, ke oh yih i kpa b'o yôli é Christ-Jésus ti'n, i nglô'n, béh wunh ke i yé b'o yôô yé'n i dan'n le'a wunsu.

Efɛzfuɛ Mun 3:10

nan ke o fin nde'n, nyanmien su lo mmusu nin ngbenngben'm bé wun Nyanmien i ngwlele'n, ninngé kwlaa ng'o yô bé Asonun'n nun'n, bé nun.

Filipfuɛ Mun 2:11

ye o fité bé kwlaa bé nuan ke Jésus-Christ ti bé Min, nan é Si Nyanmien'n nyan nyrun.

1 Piɛr 1:21

I ti ye amuan lafi Nyanmien b'o tyenniin'n, b'o man o nyaan nyrun'n i suo, o man Nyanmien su ye amuan lafio, i su ye amuan fa amun wla'n ba guaa.

1 Piɛr 2:12

Anh yô sa ng'o ti kpa'n bé nga bé ti'a Christfue'n bé nyrun, nan se bé satyi amun dunman ke an ti sa te yôfue'n, bé wun sa kpa nga an yô bé'n, nan tyen nga Nyanmien ba'n, béh menmenh.

1 Piɛr 4:11

Swran ng'o kan Nyanmien nde'n mon o kan nde nga Nyanmien klélii'n, ye nga kusu b'o di i dyunman'n, mon o fa wunmien ng'o menniin'n, di dyunman so'n, nan sa'n kwlaa nun Jésus-Christ b'o ti kpli bo bé yi i aye tititi'n ti, bé yi Nyanmien aye. Mon o yô so!