Jean 12:31 - Nyanmien nde Ufle

³¹ Sien'n wa dyu men nga nunfue'm bé dyole difue'n i dyasu fa kole, sien'n bé wa kan swran ng'o sié men nga'n i bô.

NYANMIƐN NDƐ'N 1998

³¹ Siɛn'n, ɔ'a ju mɛn nga nunfuɛ'm be jɔlɛ difuɛ'n i ja su fa kɔlɛ, siɛn'n, be wa kan sran ng'ɔ sie mɛn nga'n i bo.

Jean 12:31 ပူးပေါင်းရင်းမြစ်များ

Matthieu 12:28

Sannge se Nyanmien Wawe'n i dunman nun ye n fuan asie usu mun'n, wuun Nyanmien siéle'n wa tô amun wa.

Jean 14:30

Min nin amun é su idyo'a kpanngban kun, afin swran ng'o sié men nga'n o su ba. O kwla yô'a n liké fi mlonmlon,

Jean 3:19

Anh nian sa ti ye o bu bé fo so'n ye, i b'o ti ke wia'n sa'n, o baa men'n nun, sannge swran'm bé klô aôsin'n tra wia'n bé nzuen tete'n ti.

Jean 9:39

Ye Jésus sé ke: M baa men'n nun swran'm bé nun kpale nan bé nga bé wu'an asé'n bé wun asé, ye bé nga bé wun asé'n, bé katyi anyansifue.

Sa nga bé yôli'n 26:18

Nh sunmonh o ke a tiké bé nyin, ke bé dyaô aôsin'n nun, bé bla wéiin nun, bé dyaô Satan sa nun, bé bla Nyanmien sin, nan o yatyi bé wun sa'n tye bé, ye liké nga bé nga bé lafi n su'n bo i ti ye bé katyi n lie'n bé nyen'n béh nyanh bé lie.

1 Korɛntfuɛ Mun 1:20

?Ngwlele sifue'n wô nin? ?Mmla sifue'n wô nin? ?Ble nga nun bé bo bé kunnde ke béh sih sa'm bé bô'n bé ô nin? ?Swran nga bé ti ngwlelefue men nga nun'n Nyanmien bu'a bé sinnglinfue?

1 Korɛntfuɛ Mun 1:21

Nyanmien wun ke o ti kpa ke o fa sinnzin nde so'n dé bé nga bé fa su'n, afin Nyanmien b'o si sa'n kwlaa'n, o wun ke swran'm bé nin bé ngwlele bo bé sii'n, ba simen.

2 Korɛntfuɛ Mun 4:4

Bé lie'n bé lafi'a su yele ke men nga i min'n o satyii bé akunndan'n, nan ba wu'an Christ b'o fa Nyanmien Kpli'n i wafa kwlaa ng'o ti'n i dyasin fe'n i wle.

Efɛzfuɛ Mun 6:12

Afin nanh é nin klo swran ye é kuon, sannge é nin mmusu mun, nin aôsin tuun nga é ô nun ye'n i min'n i kpenngben mun, ye mmusu tete'm bo bé ô nglô lo'n ye é kuon.

Kolɔsfuɛ Mun 2:15

Christ i waka so'n ti, o bu mmusu nin kpenngben'm bé kwlale'n i bué, ke o fa bé yii kwlale'n nglô'n, o man bé wun bé wafa nga bé ti'n.

Hébreu 2:14

Ke bo ba so'm bé ti klo swran'n ti, Jésus kusu katyii i wun klo swran ke bé sa. O yôô i so nan se o wu'n, oh kwlah mmusu'm bé si Satan'n b'o man wié'n kwla swran mun'n.

1 Jean 3:8

Swran ng'o yô sa te'n, o ti mmusu'm bé si Satan'n i lie, afin ke o fin i bôbôle nun'n, mmusu'm bé si Satan'n ti sa te yôfue. Nyanmien Wa'n baa sa nga mmusu'm bé si Satan'n yô'n i nuan nnya bule.

1 Jean 4:4

M mma mun, amun lie'n, an ti Nyanmien lie, o man an kwlali bé, afin Swran ng'o dyran amun sin'n ti dan tra nga b'o dyran men'n nunfue'm bé sin'n.

1 Jean 5:19

É si ke é ti Nyanmien lie, ye Klunwifue'n sié men wunmuan'n.