Jean 11:25 - Nyanmien nde Ufle

²⁵ Jésus sé i ke: Min ye n tyen swran muon, m bobo min ye bé fle min nguan nion. Swran kwlaa ng'o lafi n su'n, se o wu'n, oh nyanh nguan ékun.

NYANMIƐN NDƐ'N 1998

²⁵ Jésus seli i kɛ: «Min yɛ n cɛn sran mun-ɔn, m bɔbɔ min yɛ be flɛ min nguan nin-ɔn. Sran kwlaa ng'ɔ lafi n su'n, sɛ ɔ wu'n, ɔ ´nyan nguan ekun.

Jean 11:25 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 23:43

Ye Jésus kusu sé i ke: Nian, man n kan nde kun klé o, ndeken min nin wo éh dyuh Nyanmien i lika klaan'n nun lo.

Jean 1:4

I sa nun ye nguan'n wôo, nguan so'n ti ke wia'n sa, o man swran'm bé wun asé.

Jean 14:19

O tye kan'n, men nunfue'm bé su wu'an n kun, sannge amun lie'n, amunh wunh min. N wunman, o man amun kusu amunh kah le tititi.

Jean 14:6

Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.

Jean 3:16

Afin Nyanmien klôô men'n lélé o fe i Wa kunngba tye'n mannin nan swran kwlaa ng'o lafi i su'n, wa mlinman, sannge o nyan anannganman nguan.

Jean 3:36

Swran ng'o lafi i Wa'n su'n, o le anannganman nguan, sannge swran nga i nyin yimen'n o nya'an nguan lé, sannge i wun ya ô Nyanmien klun.

Jean 5:21

Ke i Si'n tyen swran b'o man bé nyan nguan'n, Ba'n kusu man swran ng'o klô ke o nyan nguan'n, o nyen.

Jean 5:26

Ke nguan'n wô i Si sa nun'n, o man nguan so'n wô i Wa'n sa nun wié.

Jean 6:35

Jésus sé bé ke: M bobo n ti kpaun b'o man nguan. Swran ng'o ba n sin'n, awé su ku'en lé, ye swran ng'o lafi n su'n, nzué wé su ku'en kun.

Jean 6:44

Swran fi kwla ba'a n sin, san bé nga n Si b'o sunmaan min'n o man bé ba n sin'n, bé ye nh tyenh bé men'n i awiélieo.

Sa nga bé yôli'n 3:15

An man bé kuun swran ng'o man nguan'n, sannge Nyanmien tyenniin. Sa so'n yôô é bobo é nyrun.

Rɔmfuɛ Mun 4:17

Afin bé klee ke: «M man ah yôh nvlé kpanngban kpa bé si.» Nyanmien b'o lafi i su'n b'o tyen swran nga wa wu'n, b'o bô liké nga bé nu'an le'n bé dunman ke liké bo bé ô le sa'n, i nyrun'n, o ti é si.

Rɔmfuɛ Mun 8:2

Afin Nyanmien Wawe'n klé sa ufle b'o man bé bo bé nin Christ-Jésus ba katyi swran wunmuan'n béh nyanh nguan. O man man nyan n ti sa te'n nin wié'n bé sa nun.

1 Korɛntfuɛ Mun 15:18

ye Christfue nga bé wuli'n, bé kusu ba mlin.

1 Korɛntfuɛ Mun 15:29

?Se o ti'a so'n, bé bo bé yô baptême bé bo bé wuli'n bé ti'n, béh yôéh se? ?Se swran wuo o su tye'an mlonmlon'n, nzu ti ye bé yô baptême bé tio?

2 Korɛntfuɛ Mun 4:14

É si ke Nyanmien b'o tyeen é Min Jésus'n o wa tyen é wié ke o tyeen Jésus'n sa, ye oh fah é nin amun éh kôh yie i nyrun lo.

Filipfuɛ Mun 1:23

N ti mianfue i bué nnyon'n nun, sa ng'o yô n fe kpa tra su'n, yele ke nh koh nan min nin Christ é kô tran, i so'n ye o ti kpaa.

Filipfuɛ Mun 3:10

Min akunndan kpa'n yele ke, man n si Christ nin i kwlale b'o man o tyennin'n, nan nyrennen ng'o wunniin'n nh wunh wié lélé se n wu'n, man n yô ke i sa,

1 Tɛsalonikfuɛ Mun 4:14

Afin é lafi su ke Jésus wuli, o tyennin, o man é lafi su ke Nyanmien man bé nga bé lafi i su bo bé wuli'n bé nin Jésus béh bah.

Sa nglô yile 1:18

N ti anannganman, n wuli, sannge n tyennin, sien'n min nyin ô su, ye nh kah le tititi. Min ye n sié Wié nion, ye blolo lo la clé'n wô n sa nun.

Sa nglô yile 20:5

Bé nga'm bé lie'n ba tyenman lélé san afue akpi'n wiéli. Tyenle so'n ye o ti tyenle klikli nion.

Sa nglô yile 21:4

Oh nunnunh bé nyinmuen'n kwlaa, wié'n nu'an le kun. Bé su yô'a se kun, bé su su'an kun, bé su wu'an nyrennen kun, afin laa ninngé so'm bé nu'an le kun.

Sa nglô yile 22:1

O kléé min nzué ba bo i nun nzué'n man nguan'n, o ti nyannyannyan ke la glace sa. O fin Nyanmien nin Bua Gbanflen'n bé bia'n nun ye o fitéo.

Sa nglô yile 22:17

Nyanmien Wawe'n nin Atonvle'n bé sé ke: Bla! Swran ng'o ti'n, mon o sé ke: Bla! Swran nga nzué wé kuin'n, mon o bla, man swran ng'o klô ke oh fah nzué ng'o man nguan'n, o fa, déin su fité'a nun!