Jean 10:28 - Nyanmien nde Ufle

²⁸ M man bé anannganman nguan, bé su nunnu'an lé, ye swran fi su dé'a bé n sa nun.

NYANMIƐN NDƐ'N 1998

²⁸ M man be anannganman nguan, be su nunnun-man le, yɛ sran fi su de-man be ń sa nun.

Jean 10:28 ပူးပေါင်းရင်းမြစ်များ

Marc 13:22

Afin bé bo bé ton bé wun suen ke bé ti Christ'n (*f1*), o nin bé bo bé ton bé wun suen ke bé ti Nyanmien nuan idyofue'n, bé wa dyaô, béh yih atre, béh yôh abônuan sa mun lélé ke bé fa laka bé bo Nyanmien faa bé'n, se béh kwlah nyan bé ô.

JÉSUS-CHRIST I DYASIN FE'N BO LUC KLELI'N 23:46

Jésus kpaan kéklé kpa o sé ke: «N Si, wa fa min ô.» Ke i nuan too tye'n ye o kaa nuon.

Jean 10:29

N Si b'o fa bé maan min'n i dan'n tra liké'n kwlaa, ye swran fi kwla dé'a bé i sa nun.

Jean 11:25

Jésus sé i ke: Min ye n tyen swran muon, m bobo min ye bé fle min nguan nion. Swran kwlaa ng'o lafi n su'n, se o wu'n, oh nyanh nguan ékun.

Jean 14:19

O tye kan'n, men nunfue'm bé su wu'an n kun, sannge amun lie'n, amunh wunh min. N wunman, o man amun kusu amunh kah le tititi.

Jean 17:2

Afin a faa swran'n kwlaa wle i sa nun ke o sié bé nan o man bé kwlaa nga a fa bé menniin'n bé anannganman nguan.

Jean 18:9

O ken i so nan o kpen nde ng'o keen i ke: «Bé nga a fa bé maan min'n, bé wié fi a mlinman'n» su.

Jean 3:36

Swran ng'o lafi i Wa'n su'n, o le anannganman nguan, sannge swran nga i nyin yimen'n o nya'an nguan lé, sannge i wun ya ô Nyanmien klun.

Jean 4:14

sannge swran ng'o non nzué nga nh fah men'n, nzué wé su ku'en kun lé, afin nzué nga nh fah men'n oh katyih ke nzué ti sa i nun b'o nyren piaa lélé o man oh nyanh anannganman nguan.

Jean 5:24

Nanwle, swran ng'o tié min nde'n b'o lafi swran ng'o sunmaan min'n su'n, o le anannganman nguan, bé su fe ko'a dyole difue'n i dyasu. Wa nyen i ti wié'n sa nun, wa nyan nguan.

Jean 6:27

Nanh an di dyunman alie b'o satyi'n ti, sannge anh di dyunman alie ng'o satyiman b'o man swran nyan anannganman nguan'n ti. Alie so'n, m bo n katyii Swran'n min ye nh fah man amuon, afin min ye n ti swran bo é Si Nyanmien klé wéiin ke o dyin n sion.

Jean 6:37

Swran kwlaa nga n Si fa bé man min'n béh bah n sin, o man swran ng'o ba n sin'n, n su fuenmen,

Jean 6:47

Nanwle, swran ng'o lafi n su'n, o le anannganman nguan.

Jean 6:68

Ye Simon Pierre sé i ke: ?Wan sin ye é koo? O nde'n ye man é nyan anannganman nguaan.

Sa nga bé yôli'n 7:59

Ke béh finfinh Étienne yebue'n, o sé é Min'n ke: Nannan Jésus, wa fa min!

Rɔmfuɛ Mun 5:17

Nanwle, swran kun i sa ng'o yôli'n ti, wié'n kwla swran'n kwlaa swran kunngba so'n ti. Sannge sa kpa nga Jésus-Christ kusu yôli'n ti dan kpa tre, afin bé kwlaa nga Nyanmien yô bé yé b'o katyi bé swran kpa'n, béh nyanh nguan béh dih famien Christ fanngan nun.

Rɔmfuɛ Mun 5:2

I ye man é sii ke Nyanmien yô é yéo, i su bo é lafi'n ti, sien'n é su di yé so'n. Anyrunnyan bo Nyanmien waan oh manh é bo é nyin ô i sin'n ti, é wun blibli é.

Rɔmfuɛ Mun 5:21

O man ke sa tete'n yô swran'm bé nzuen lélé o man bé wu'n, i kunngba'n Nyanmien i aklunyé'n o man sa kpa'n katyi bé nzuen lélé béh nyanh anannganman nguan é Min Jésus-Christ fanngan nun.

Rɔmfuɛ Mun 5:9

I so'n ti, se nde i mmôdya'n ti Nyanmien a bu é swran kpa'n, tyen nga Nyanmien i ya'n dyaô'n, i ti éh nyanh é ti kpe blu.

Rɔmfuɛ Mun 6:23

Afin sa te'n i akatua'n yele wié, sannge liké nga Nyanmien fa tye yé'n yele anannganman nguan'n bo é nyen é Min Christ-Jésus bo é nin i ya katyi swran wunmuan'n ti'n.

Rɔmfuɛ Mun 8:1

O man sien'n bé nga bé nin Christ-Jésus ba katyi swran wunmuan'n, bé wun sa lie'n wa wié.

Rɔmfuɛ Mun 8:29

Afin é bo Nyanmien dun mmua si yé'n, o siéé é ke é katyi ke i Wa'n ti'n sa, nan i Wa'n nyan niaan kpanngban, nan o yô bé nyrun kpen.

Filipfuɛ Mun 1:6

N si wéiin kpa ke Nyanmien b'o bô liké nga b'o man an yô kpa'n i bô'n, oh yôh i so lélé oh gueh i bô Christ-Jésus i bale tyen'n nun.

2 Tɛsalonikfuɛ Mun 2:13

Aniaan mun, amun bo an ti é Min'n i swran kpa'n, amun ti o fata ke é la Nyanmien asé tititi. Afin ke o fin i bôbôle nun'n, o faa amun ke i Wawe'n man an katyi i lie ye an lafi nanwle'n su, nan an nyan amun ti.

1 Timote 1:16

Nyanmien si min bo n sa te lie'n tra swran'n kwlaa bé lie'n, min aunnvue nan Christ-Jésus fe i awlen b'o tre swran wun'n klé bé nga bé wa lafi i su bo béh nyanh anannganman nguan'n, man bé wun ke o tre i awlen bé wun wié.

2 Timote 1:12

I so'n ti ye n wun nyrennen ngaa, sannge o nin i so'n ngba nyannzuen ku'an min, afin n si swran nga n fa n wla'n guee i su'n. N sii wéiin ke liké kwlaa nga o fa wlaa n sa nun'n, i bobo kwla nian su lélé fa dyu tyen so'n nun.

Hébreu 7:25

I so'n ti, o man bé bo i ti bé mantan Nyanmien béh kwlah nyan bé ti mlonmlon, afin o ô le titi o sre Nyanmien ke o nian bé su.

1 Piɛr 1:5

Nyanmien Kpli siéé i lo sié amun i su bo an lafi'n ti, oh nianh amun su lélé amunh nyanh amun ti, afin wa dun mmua sié i ke men'n i awiélie oh yih amun ti nyanle so'n i nglô.

1 Jean 1:2

Ke i bo bé flee Nguan'n o yii i wun nglô'n, é wunniin, o man é ken i nde, ye é ken i bo bé fle i Anannganman Nguan so'n, b'o ô é Si'n i wun lo, b'o yi i wun nglô kléé yé'n, i nde klé amun.

1 Jean 2:19

Swran so'n, ke bo bé ti'a éfue sakpa'n, i so'n ti ye bé yatyi é oli nion. Se bé ti éfue'n, wuun bé kaa é wun wa. Sannge bé yii bé wun so, nan swran'm bé si wéiin ke bé nun wié fi ti'a éfue.

1 Jean 2:25

Anh nian liké nga Christ waan oh fah man yé'n, yele anannganman nguan'n.

1 Jean 5:11

Anh nian nde so'n ye, Nyanmien maan é anannganman nguan, i Wa'n ti ye man é nyaan nguan so nion.

Jude 1:1

Amun bo é Si Nyanmien flee amun, b'o klô amun titi b'o fa amun siéé Jésus-Christ'n, min Jude bo n ti Jésus-Christ swran nin Jacques niaan'n, nh kleh fluwa nga ble amun.

Jude 1:21

Ke amunh minndeh ke é Min Jésus-Christ si amun aunnvue nan o man amun anannganman nguan'n, anh yô sa nga an yôo an si ke Nyanmien klô amun'n.

Jude 1:24

Nyanmien b'o kwla nian amun su b'o man an fonman'n, bo ke o man amunh koh i wun lo'n, sa kaan sa bo'an amun wun, amun klun dyo'n,