Jean 10:1 - Nyanmien nde Ufle

¹ Nanwle, swran ng'o si'an bua'm bé tuin'n i anuan'n nun b'o sin lika ufle wlu lo'n, o ti awiéfue nin kakadyéfue.

NYANMIƐN NDƐ'N 1998

¹ Nanwlɛ, sran ng'ɔ sin-man bua'm be tuin'n i anuan'n nun b'ɔ sin lika uflɛ wlu lɔ'n, ɔ ti awiefuɛ nin kakajefuɛ.

Jean 10:1 ပူးပေါင်းရင်းမြစ်များ

Matthieu 7:15

Anh sasa amun wun bé nga bé ton bé wun suen ke bé ti Nyanmien nuan idyofue'n bé lika. Bé fa bua kplô wla bé wun, bé ba amun wun, sannge bé ti gbôklô bé satyi nnen mun.

Jean 10:7

Jésus sé bé ékun ke: Nanwle, n ti bua'm bé tuin'n i anuan.

Jean 3:3

Jésus sé i ke: Nanwle, swran nga ba wu'e ékun'n, o su kwla yô'a men nga Nyanmien sié'n i nunfue mlonmlon.

Rɔmfuɛ Mun 10:15

?Se ba sunma'an swran'n, oh yôh se ye oh kenh i ndeo? Afin bé klee ke: «Bé bo bé ba dyasin fe bôle'n, Bé bale'n yô swran'm bé fe.»

Rɔmfuɛ Mun 16:18

Afin swran wafa so mun, nanh Christ b'o ti é Min'n i dyunman ye bé dio. Bé bobo bé klun sa lie'n ye bé yôo. Bé kan nde fe, bé fa bé nuan laka bé nga bé nian wu'an sa wle'n.

Tite 1:11

Sé i sofue mun ke bé yatyi bé nde so'm bé kanle. Bé klé liké ng'o ti'e i su'n, bé fa kunnde sika ng'o ti'e i kunndewle'n, o man bé bô awlô'n wié sékésékéséké.

Hébreu 5:4

Swran fi dyaô sé'a ke o kunnde dunman ke bé fe sié Nyanmien nyrun dyranfue dan, Nyanmien bobo ye o fle swran ke bé siéé i nyrun dyranfue daan, ke o fleli Aaron'n sa.

1 Piɛr 1:10

Nyanmien nuan idyofue bo bé kaan yé dan nga Nyanmien wa yô amun'n i nde'n, bé bobo bé buu ti nyanle wafa so'n i akunndan kpa, bé kunnde ke béh wunh i wle wéiin kpa.

2 Piɛr 2:1

Ke bé nga bé ton bé wun suen ke bé ti Nyanmien nuan idyofue'n bé traan swran'm bé nun'n, bé nga bé ton bé wun suen ke bé ti liké kléfue'n ke bé wa tran amun nun soo. Béh kléh amun liké nga bé ti atô, b'o satyi swran'n gble nun. Ke bé bu'a bé Min'n b'o kpo bé ti'n liké kun'n, o man béh kah le mlin.

2 Piɛr 2:3

Bé nyin b'o blô ninngé'm bé su'n ti, béh kpeh bé ti nun kan nde mun, béh fah amun kunnde bé sika. Bé buu bé fo wa tye, san béh mlinh.

1 Jean 4:1

N swran kpa mun, nanh an lafi bé nga bé sé ke bé idyo Nyanmien Wawe'n nuan'n, bé ngba su, anh sa bé nian, se bé idyo Nyanmien nuan sakpa ô, annze se liké wié ye bé idyo i nuan ô. Afin bé nga bé ton bé wun suen ke bé ti Nyanmien nuan idyofue'n, bé kpanngban kpa ba ba men'n nun.