Jean 1:45 - Nyanmien nde Ufle

⁴⁵ Philippe kô tôô Nathanaël, o sé i ke: Ya wun swran nga é kenngen i nde Moïse mmla fluwa'n nin Nyanmien nuan idyofue'm bé lie'n nun'n, yele Jésus b'o fin Nazareth, Joseph wa'n.

NYANMIƐN NDƐ'N 1998

⁴⁵ Filip ko toli Natanaɛl, yɛ ɔ seli i kɛ: «Y'a wun sran nga e kɛnngɛn i ndɛ Moiz mmla fluwa'n nin Nyanmiɛn nuan ijɔfuɛ'm be liɛ'n nun'n, yɛlɛ Zozɛf i wa Jésus b'ɔ fin Nazarɛt.»

Jean 1:45 ပူးပေါင်းရင်းမြစ်များ

Matthieu 10:3

nin Philippe, nin Barthélemy, nin Thomas, nin Matthieu guabô sika défue'n, nin Jacques Alphée wa'n, ye Thadée,

Matthieu 13:55

?Nanh adyuin difue'n i wa nion? ?Bé flemen i nin Marie? ?Nenh i niaan yele Jacques, nin Joseph, nin Simon, ye Jude?

Matthieu 2:23

Nan wa tran klo kun bo bé flee Nazareth'n su nan nde nga Nyanmien nuan idyofue'm bé kenniin ke: Bé wa flee Nazarethfue'n, o kpen su.

Matthieu 21:11

Swran nga bé su i su'n bé sé ke: Jésus Nyanmien nuan idyofue b'o fin Nazareth Galilée men'n nun nion.

Marc 14:67

Ke o wuun Pierre ke o su ton sin'n, o nieen siin, o séé i ke: O kusu, a ô Jésus b'o fin Nazareth'n i sin wié.

Marc 6:3

?Nanh Marie wa b'o ti adyuin difue b'o ti Jacques, nin Joses, nin Jude, nin Simon bé niaan bian nion? ?I niaan bla'm bé nu'an é nun wa? O man ba lafi'e i su.

JÉSUS-CHRIST I DYASIN FE'N BO LUC KLELI'N 18:37

Ye bé sé i ke: Jésus b'o fin Nazareth'n ye o su sion.

JÉSUS-CHRIST I DYASIN FE'N BO LUC KLELI'N 2:4

Joseph kusu fin Nazareth, Galilée men'n nun o oo Judée men'n nun David i klo bo bé flee Bethléhem'n su, yele ke o ti David awlôfue, ye o ti i ôsufue,

JÉSUS-CHRIST I DYASIN FE'N BO LUC KLELI'N 2:48

Ke i si nin i nin bé wunniin'n, bé nuan bô bé wun, ye i nin sé i ke: ?N wa, nzu ti ye a yô é soo? Min nin o si ya kunnde o lélé, é nyin a blô dan kpa.

JÉSUS-CHRIST I DYASIN FE'N BO LUC KLELI'N 24:27

Ye o yiyi i bobo wun nde bo bé klelii Nyanmien Nde'n kwlaa nun'n i nun kléé béo. O bôô i bô Moïse nin Nyanmien nuan idyofue'n kwlaa bé nde'n nun.

JÉSUS-CHRIST I DYASIN FE'N BO LUC KLELI'N 24:44

I sin o sé bé ke: Nde nga ye ke min nin amun te ô le'n n kan kléé amun nion, ke min wun nde kwlaa nga bé klee Moïse mmla'n nun'n, o nin Nyanmien nuan idyofue'm bé nde'n nun'n, nin psaume'm bé nun'n san oh kpenh su.

JÉSUS-CHRIST I DYASIN FE'N BO LUC KLELI'N 3:23

Ke Jésus bôh i dyunman'n bô'n, m bu i ke wa di afue ablasan. Bé bu i ke o ti Joseph wa, Joseph ti Héli wa,

JÉSUS-CHRIST I DYASIN FE'N BO LUC KLELI'N 4:22

Bé kwlaa bé sé ke i wun yô bé fe, nde fe b'o kan'n o bô bé nuan, ye bé sé ke: ?Nanh Joseph wa nion?

Jean 1:44

Philippe fin André nin Pierre bé klo Bethsaïda lo.

Jean 12:21

Bé wa tôô Philippe b'o fin Bethsaïda Galilée men'n nun'n, bé sé i ke: Ndya, é waan éh wunh Jésus wun.

Jean 14:8

Philippe sé i ke: Nannan, se a klé é é Si'n, é su kunnde'a liké ufle kun.

Jean 18:5

Ye bé waan: Jésus b'o fin Nazareth nion. O sé bé ke: Min ye. Judas b'o fe maan swran mun'n, o nin bé ye bé ô leo.

Jean 18:7

Jésus usa bé ékun ke: ?An su kunnde wan? Bé sé ke: Jésus b'o fin Nazareth nion.

Jean 19:19

Pilate kle nde wié siéé waka'n su, o kle i ke: Jésus Nazarethfue'n b'o ti Juif'm bé famien'n ye.

Jean 21:2

Simon Pierre, nin Thomas bo bé flee Nda'n, nin Nathanaël b'o fin Cana Galilée men'n nun'n, nin Zébédée mma mun ye Jésus sonnzonfue nnyon ékun bé ô lika kun.

Jean 6:42

sé ke: ?Nanh Jésus bo é si i si Joseph nin i nin nion? ?O yô se ye i waan o fin nyanmien su ye o balio?

Jean 6:5

Jésus meen i ti su, o wuun swran kpanngban kpa bé su bé i wun le, ye o usa Philippe ke: ?Nin ye éh nyanh liké é tô man minnien nga mun bé dio?

Jean 6:7

Philippe sé i ke: Se é fa denier (*f10*) ya nnyon tô kpaun é kpekpe nun bo kannganngan'n, o su dyu'a bé ngba.

Sa nga bé yôli'n 10:38

Nyanmien fe i Wawe'n maan Jésus b'o fin Nazareth'n, o tinniin, o ko lika'n kwlaa o yô swran'm bé kpa, o yô bé kwlaa bo asie usu'm bé si Satan'n klé bé yale'n bé dyuédyué, afin Nyanmien dyin i sin.

Sa nga bé yôli'n 2:22

Israëlfue mun, anh tié nde nga kpa! Amun bobo an si ke Jésus b'o fin Nazareth'n, o ti swran kun bo Nyanmien man o yô sa kéklééklé nin abônuan sa, ye o yi atre amun nyrun wa b'o klé ke o dyin i sin.

Sa nga bé yôli'n 22:8

N wusee i ke: Nannan, bé fle o se? Ye o sé n ke: Min Jésus bo n fin Nazareth nion, min ye a klé n yale nion.

Sa nga bé yôli'n 26:9

N lie'n, n dyaôli kpa ke nh nunnunh Jésus b'o fin Nazareth'n i dunman'n su.

Sa nga bé yôli'n 3:6

Sannge Pierre sé i ke: Dyete ufué'n nin sika okwle'n lie'n n le'a wié, sannge liké nga n le'n nh fah man o. Jésus-Christ b'o fin Nazareth'n i dunman nun, dyaô nanti!