Jean 1:29 - Nyanmien nde Ufle

²⁹ Ke alie tyennin'n, Jean wuun Jésus o su be i wun le, o sé ke: Anh nian Nyanmien Bua Gbanflen'n b'o wa fe i wun yi men'n i ti te'n ye.

NYANMIƐN NDƐ'N 1998

²⁹ Kɛ aliɛ cɛnnin'n, Zan wunnin kɛ Jésus su bɛ i wun lɛ nan ɔ'a se kɛ: «An `nian Nyanmiɛn Bua Gbanflɛn'n bɔ wa fɛ i wun yi mɛn'n i ti tɛ'n yɛ .»

Jean 1:29 ပူးပေါင်းရင်းမြစ်များ

Matthieu 1:21

O wa wu ba yasua, ah tonh i dunman Jésus, (bo i bô yele Défue), afin i ye o wa dé i nvlé'n bé sa bo bé yô Nyanmien'n i nuon.

Matthieu 20:28

Ke m bo n katyii Swran'n m bale'n ke o ti soo, afin man baman ke bé su min, sannge m baa ke n su swran, nan n fa min wun kpo swran sunman bé ti.

Jean 1:35

Ke i alie tyeen ékun'n, Jean nin i sonnzonfue'm bé nun nnyon bé ô le ékun.

Jean 1:36

Ke o wuun Jésus b'oh sinh'n, o sé bé ke: Anh nian Nyanmien Bua Gbanflen'n ye.

Jean 1:43

Ke i alie tyeen ékun'n, Jésus waan oh koh Galilée men'n nun, nan wa wun Philippe, o sé i ke: Bla'a su n su.

Jean 2:1

Ke o yô so b'o dii lé nsan'n, swran wié waan o su fa atonvle Cana Galilée men'n nun. Jésus nin'n wô le wié.

Jean 3:16

Afin Nyanmien klôô men'n lélé o fe i Wa kunngba tye'n mannin nan swran kwlaa ng'o lafi i su'n, wa mlinman, sannge o nyan anannganman nguan.

Jean 4:42

ye bé sé bla'n ke: Nanh nde nga a kannin'n ngunmin ti ye ya lafi i suo, afin ya ti i bobo nuan nun nde, o man é si ke o ti men'n i Ti Défue sakpa.

Jean 6:51

M bobo n ti kpaun b'o man nguan, n fin nyanmien su lo ye m balio. Swran ng'o di kpaun so'n wié'n, o su wu'a mlonmlon, min nnen'n ye o ti kpaun so'n bo nh fah man nion. Nh fah man so nan menmenfue'm béh nyanh nguan.

Sa nga bé yôli'n 13:39

Sa nga ke an fa Moïse mmla'n su'n amuan nya'an amun ti bé nun'n, sien'n swran kwlaa nga bé lafi Christ su'n, béh nyanh bé ti sa so'm bé nun.

Sa nga bé yôli'n 8:32

Nyanmien nde nga bé kleli'n b'o kanngan'n ye: «Bé fe oo ke bua bo bé fe ko nnen kunwle lo sa, Ke bua gbanflen bo ke béh kpekpeh i ndre'n o kpanman sa, O uké'e i nuan.

1 Korɛntfuɛ Mun 15:3

Sa nga bé fa kléé min'n, bo n kusu n fa kléé amun'n o ti tyinndyin kpa. Bé klee Nyanmien Nde'n nun ke Christ o wa wu sa te bo é yôli'n ti, ye o wuli.

2 Korɛntfuɛ Mun 5:21

Ke o kô yô nan é nin Christ ya katyi swran wunmuan nan ya yô swran kpa Nyanmien nyrun'n ti, o man Christ b'o wa yô'a sa te fi lé'n o dyraan é sa te'n i nuan.

Galasifuɛ Mun 1:4

Ke o kô yô nan Christ wa dé é ti men te kain nga nun'n ti, o fe i bobo wun mannin é sa te'n ti. I so'n ti é Si Nyanmien klun su.

Galasifuɛ Mun 3:13

Ke Christ katyii swran bo Nyanmien bôé sannzan é ti'n, o fe i wun kpoo é ti sannzan nga Nyanmien bôô é mmla'n bo ya fa'a su'n ti, afin bé klee ke: «Swran kwlaa nga bé bô i komin'n, wuun Nyanmien bôlii sannzan.»

1 Timote 2:6

O fe i wun maan ke oh kpoh swran'n kwlaa bé ti. Ke o yôô so ble nga Nyanmien siéli'n su'n, ye o klé ke Nyanmien klô ke oh déh swran'n kwlaa nion.

Tite 2:14

É ti o fe i wun mannin, nan oh yih é sa tete'n kwlaa nun, nan é katyi i sa ti swran bo é wun sa tete'n kwlaa wa wié, bo é tu é klun yô swran yé.

Hébreu 1:3

I ye o man é wun Nyanmien b'o yi i wun nglô nyannyannyan nion, o fa Nyanmien Kpli'n i wafa kwlaa ng'o ti'n, i nuan nun nde'n ye man ninngé'n kwlaa ô leo. Ke o yôli bo swran'm bé wun sa'n wiéli'n, o kô traan Nyanmien Kpli b'o ti Wléngbi'n i fama su nyanmien su lo.

Hébreu 2:17

Ke o yô nan wa yô Nyanmien nyrun dyranfue dan, wa si i niaan'm bé aunnvue, wa si Nyanmien dyunman'n di kpa, nan wa kwla yatyi swran'm bé wun sa'n wa tye bé'n, san oh katyih i wun ke bé sa.

Hébreu 9:28

I kunngba'n, ke o yô nan Christ a fa swran kpanngban bé wun sa'n, i kusu fe i wun soo Nyanmien kpe kun. Bale nga o wa ba ékun'n, nanh sa te'n tio, sannge oh bah bé nga be nyin te i sin'n bé déle.

1 Piɛr 1:19

Sannge Christ b'o ti ke bua gbanflen bo le fi nu'en i wun'n i mmôdya'n b'o ti kpa'n ye bé fa tôô amun tio.

1 Piɛr 2:24

Christ bobo dyraan é sa te'n i nuan bé bôbôé waka'n su, nan é nin sa te'n é bu, ye é yô sa ng'o ti kpa'n. I wunnen sule'n ti ye man ya yô dyuédyuéo.

1 Piɛr 3:18

Amun ti te ye Christ fe i wun yilio. O yôé kpe kunngba o su yô'e kun. I b'o ti swran kpa'n, sa te yôfue'm bé ti o wuli, nan oh fah amun man Nyanmien. Bé kunniin, sannge Nyanmien Wawe'n tyenniin.

1 Jean 2:2

Afin i bobo fe i wun yii é ti te, nan Nyanmien yatyi sa nga é yôlii'n tye é. Nanh é ngunmin é ti te ye o yilio, swran'n kwlaa bé lieo.

1 Jean 3:5

Afin an si ke Christ baa sa te'n i nuan nnya bule, ye sa te kaan sa bo'en i wun.

1 Jean 4:10

Klôle so'n, nanh é ye é klôô Nyanmieon, i ye o klôli yéo, nan wa sunmen i Wa kunngba'n ke o fe i wun yi é ti te.

Sa nglô yile 12:11

Bua Gbanflen'n i mmôdya'n nin nde nanwle bo bé kan'n ti bé kwlelii, ye ba bu'a bé bobo bé wun liké fi, ba srô'a wié'n.

Sa nglô yile 13:8

Bé kwlaa nga bé ô men'n nun, bo ke bé bô men'n i bô'n, ba kle'a bé dunman Bua Gbanflen bo bé kunniin'n i nguan fluwa'n nun'n, béh kôtôh i bô.

Sa nglô yile 14:1

Ke n tôô n nyin'n, nh niaanh… Bua Gbanflen'n dyin Sion (*f14*) Ôka'n su, o nin swran akpiakpi-ya-ablanan-nin-nnan bo i dunman'n nin i Si dunman'n kle bé ngban su'n bé ô le.

Sa nglô yile 14:10

oh nonh Nyanmien i nzan muen b'o fa gue i ya klôwa'n nun'n wié. Nzan so'n yele Nyanmien i ya'n b'o fa'n. Bé kwlaa nga bé yô so'n, béh kléh bé nyrennen sin bo soufre (*f26*) ô nun'n nun, Nyanmien i ange nin Gua Gbanflen'n bé nyrun le.

Sa nglô yile 14:4

Swran so mun yele bé nga ba fonndo'an bé wun bla kunndele nun'n, afin bé niaan bé wun su kpa. Lika kwlaa nga Bua Gbanflen'n koh'n, bé su i su. Bé kpoo bé ti swran'm bé nun ke bé yô Nyanmien nin Bua Gbanflen'n bé swran'm bé nun klikli.

Sa nglô yile 15:3

Bé tô Moïse b'o ti Nyanmien i swran'n nin Bua Gbanflen'n bé dyué'n, bé sé ke: É Min Nyanmien Kpli, sa dandan nga a yô bé'n, bé ti abônuan! Nvlénvlé'm bé Famien, a ti nanwlefue ye a yô sa i nuan su!

Sa nglô yile 17:14

Bé nin Bua Gbanflen'n béh kunh, sannge Bua Gbanflen'n nin bé nga o flee bé, o faa bé, bo bé fa bé wun menten kpa'n, béh kwlah bé, afin i ye o sié bé kwlaa nga bé sié swran'n nin famien muon.

Sa nglô yile 19:7

Man é si ablé, é klun bo wa dyo'n ti, man é kpan, man é yi i aye, afin Bua Gbanflen'n i atonvle fale'n wa dyu, ye i atonvle'n wa fefe i wun.

Sa nglô yile 19:9

Ange'n sé n ke: Kle ke: Bé nga bé yiaa bé Bua Gbanflen'n i atonvle fale'n i alie dile'n bô'n, bé lie su ti yé! Ye o sé n ke: Nde so'm bé ti Nyanmien nde sakpa.

Sa nglô yile 21:14

I wun nga bé sili'n, bé wlee i bô asé nin yebue blu-nin-nnyon. Bé klee swran blu-nin-nnyon bo Bua Gbanflen'n sunmaan bé'n, bé dunman'n bé su.

Sa nglô yile 21:27

Liké fien fi nin swran ng'o fe i wun man tété sa yôle, b'o bua atô'n, bé su dyu'a lo. San bé nga bé klee bé dunman Bua Gbanflen'n i nguan fluwa'n nun, bé tye ye béh dyuh loo.

Sa nglô yile 21:9

Ye ange nsô bo klôwa nsô bo nyrennen kasien nsô'n wô bé sa nun'n, bé nun kun wa sé n ke: Bla man n klé a atonvle'n, Bua Gbanflen'n i yi'n.

Sa nglô yile 5:6

Ye n wuun Bua Gbanflen kun o dyin bia'n, nin liké nnan bo bé ti ke nnen sa'n, nin kpenngben'm bé afien le, o ti ke ba kuin sa. I wue'n ti nsô, i nyinma nsô, bé ye bé ti Nyanmien Wawe nsô b'o sunmaan bé men wunmuan'n nun nion.

Sa nglô yile 5:8

Ke Bua Gbanflen'n soo fluwa'n nun'n, liké nnan bo bé ti ke nnen sa'n, nin kpenngben ablaon-nin-nnan'n bé wa kôtôô i bô. Aluku nin sika klôwa bo ayré fannin ô nun'n bé ô bé kwlakwla bé sa nun. Ayré fannin'n yele yale nga Nyanmien swran'm bé kôkô kléé'n.

Sa nglô yile 6:1

N niaan lo ékun, ke Bua Gbanflen'n kpee liké nsô nga bé fa tyityi fluwa'n kun nun'n, n tii liké nnan bo bé ti ke nnen sa'n bé nun kun nen, i nen'n te ke nyanmien su kpla sa, o sé ke: Bla.

Sa nglô yile 6:16

Bé sé ôka nin yebue dandan'm bé ke: Anh to é su, anh fa é fia nan swran ng'o ti bia'n su'n wa wu'an é, ye Bua Gbanflen'n wa fa'a é wun ya.

Sa nglô yile 7:14

N sé i ke: Nannan, wo ye a si béo. Ye o sé n ke: Bé nga bé fin afe dan'n nun muon. Bé kpuu bé trale mun Bua Gbanflen'n i mmôdya'n nun ye bé fiélio.

Sa nglô yile 7:17

Afin Bua Gbanflen'n b'o ô bia'n i afien le'n, i ye oh tah béo, oh fah bé ko nzué ti'm bo bé man nguan'n bé nuan, ye Nyanmien nunnunh bé nyinmuen'n kwlaa.