Jean 1:10 - Nyanmien nde Ufle

¹⁰ O ô men'n nun laa, i ye Nyanmien man o yii men nion, sannge menfue'm ba simen.

NYANMIƐN NDƐ'N 1998

¹⁰ Ɔ o mɛn'n nun lalaa, i yɛ Nyanmiɛn man ɔ yili mɛn nin-ɔn, sanngɛ mɛnfuɛ'm b'a si-mɛn i.

Jean 1:10 ပူးပေါင်းရင်းမြစ်များ

Matthieu 11:27

N Si ye o fa liké'n kwlaa maan mion. Swran fi si'a Nyanmien Wa'n san i Si kunngba ye o si io, ye swran fi si'a Nyanmien Wa'n i Si'n, san Ba'n bobo o nin swran ng'o klô ke oh feh i Si'n kléé'n, bé ye bé si io.

Jean 1:11

O bee i bobo nvlé'n nun, ba so'e i nun.

Jean 1:18

Swran fi nian wu'an Nyanmien lé. San i Wa kunngba'n b'o nin i ti kun b'o ti i awlen su ba'n, i ye man é sii io.

Jean 1:3

I ye Nyanmien man o yii ninngé'n kwlaaa, liké fi nu'an le bo nenh i ye o yilio.

Jean 1:5

Ye i kpadyale'n kpadya lika'n b'o ti aôsin'n nun, aôsin'n wa kwla nuenmen.

Jean 17:25

N Si bo a ti swran kpa, men nunfue'm bé simon, sannge n si o, ye bé nga bé ô ye'n, bé si ke wo ye a sunmaan mion.

Jean 5:17

Sannge Jésus sé bé ke: Tyen kwlakwlakwla n Si di dyunman, n kusu n di dyunman.

Sa nga bé yôli'n 14:17

O nin i so'n ngba, wa yatyi'e i wun nglô yile sa kpakpa b'o yô bé'n bé nun, o man nzué'n to, amun fié'm bé yô yé, o man amun alie kpanngban, ye o man amun klun dyo.

1 Korɛntfuɛ Mun 1:21

Nyanmien wun ke o ti kpa ke o fa sinnzin nde so'n dé bé nga bé fa su'n, afin Nyanmien b'o si sa'n kwlaa'n, o wun ke swran'm bé nin bé ngwlele bo bé sii'n, ba simen.

1 Korɛntfuɛ Mun 2:8

Men'n nun wléngbi'm bé wié fi ba simen, se o ti ke bé silii'n, wuun ba bôbô'a é Min'n b'o i nyrun yô srô'n waka'n su.

1 Korɛntfuɛ Mun 8:6

sannge é lie'n, é Si Nyanmien Kpli'n ti kunngba tye. I ye o yii liké'n kwlaaa, i ti ye é ô leo. Ye é Min'n ti kunngba, yele Jésus-Christ, i ye Nyanmien man o yii liké'n kwlaa, i fanngan nun ye man é ô leo.

Kolɔsfuɛ Mun 1:16

Afin i ye Nyanmien man o yii ninngé'n kwlaa bo bé ô nyanmien su lo nin asie'n su wa muon, liké nga bé wun bé'n nin nga bé wu'an bé'n, bé nga bé ô bia su ô, bé nga bé sié swran mun ô, mmusu mun ô, kpenngben mun ô. Nyanmien man o yii ninngé'n kwlaa, i bobo ti ye o man o yii béo.

Hébreu 11:3

Nyanmien su bo e lafi'n ti ye é si ke i nuan nun nde'n ye o fa yii men nion, o man o fa liké nga bé wunmen'n ye o fa yii liké nga é wun bé ye nion.

1 Jean 3:1

Anh nian klôle nga é Si Nyanmien fa klô yéo! Klôle dan so'n ti ye bé fle é i wa nion. Ye é ti i wa sakpa. Anh nian sa nga ti ye men'n nunfue'm bé si'a yé'n, yele ke bé si'a Nyanmien.