Jacques 5:16 - Nyanmien nde Ufle

¹⁶ I so'n ti, ke o yô nan amuan yô dyuédyué'n, anh kan sa nga an yôli'n klé amun wiéngu, anh sre Nyanmien man amun wun ke o man amun dyasô. Se swran kpa kun sre liké Nyanmien sa nun b'o dyran su kpa'n, i srele so'n yô sa yé dan.

NYANMIƐN NDƐ'N 1998

¹⁶ I sɔ'n ti, kɛ ɔ ´yo nan amu'an yo juejue'n, an `kan sa nga an yoli'n kle amun wiengu, an `srɛ Nyanmiɛn man amun wun kɛ ɔ man amun jaso. Sɛ sran kpa kun srɛ like Nyanmiɛn sa nun b'ɔ jran su kpa'n, i srɛlɛ sɔ'n yo sa ye dan.

Jacques 5:16 ပူးပေါင်းရင်းမြစ်များ

Matthieu 21:22

Liké kwlaa nga an kan klé Nyanmien ke o yô bo an lafi i su ke oh yôh'n, oh yôh man amun.

Matthieu 3:6

Ke bé di sa nga bé yôli'n i nanwle'n, o yô bé baptême nzué ba bo bé flee Jourdain'n nun.

Marc 1:5

Judée men wunmuan'n nin Jérusalemfue'n kwlaa bé oo Jean wun lo. Ke bé kaan sa te nga bé yôli'n, o yô bé baptême Jourdain nzué ba'n nun.

JÉSUS-CHRIST I DYASIN FE'N BO LUC KLELI'N 9:6

Bé oli, bé wlan klo'm bé su, bé kan dyasin fe'n, bé yô tukpatyefue'm bé dyuédyué lika kwlaa.

Jean 9:31

É si ke se sa te yôfue sé Nyanmien ke yô sa'n, o te'a su, sannge swran ng'o bu i swran bo i nyin yi'n, i sofue'n ye o te i suo.

Sa nga bé yôli'n 10:38

Nyanmien fe i Wawe'n maan Jésus b'o fin Nazareth'n, o tinniin, o ko lika'n kwlaa o yô swran'm bé kpa, o yô bé kwlaa bo asie usu'm bé si Satan'n klé bé yale'n bé dyuédyué, afin Nyanmien dyin i sin.

Sa nga bé yôli'n 19:18

Bé nga bé faa Nyanmien nde'n su'n, bé kpanngban bé wa di sa nga bé yôli'n i nanwle nzra'n nun.

Sa nga bé yôli'n 8:24

Ye Simon sé bé ke: Amun bobo anh kpata é Min Nyanmien'n man min, nanh man sa nga an ken i nde'n i wié fi to n su.

Rɔmfuɛ Mun 3:10

Afin bé klee ke: «Swran kpa bo kun sa nu'an le, O le'a bé nun bo kun,

Rɔmfuɛ Mun 5:19

Ke swran kun i nyin kéklé'n ti o man swran kpanngban bé katyii sa te yôfue'n, swran kun kusu i ainyie'n ti, o man swran kpanngban béh katyih swran kpa.

Kolɔsfuɛ Mun 1:9

I so'n ti, é kusu ke o fin tyen nga é tii amun nde bo bé kan'n, é sre Nyanmien titi ke o nian amun su. É sre i ke o man an si ngwlele, an wun sa nga i Wawe'n klé amun'n i wle, nan an si i klun sa'n kpa.

1 Tɛsalonikfuɛ Mun 5:17

Anh kôkô yale klé Nyanmien titi, nanh an yatyi.

1 Tɛsalonikfuɛ Mun 5:23

Man Nyanmien b'o man swran di aladyé'n, o yô man an katyi i lie mlonmlon, man o nian amun wunmuan'n su, amun klun akunndan'n, nin amun wawe'n, nin amun wunnen'n, nan tyen nga é Min Jésus-Christ bah'n, ba kputu'a amun!

1 Tɛsalonikfuɛ Mun 5:25

Aniaan mun, anh sre Nyanmien ke o nian é su wié.

Hébreu 11:4

Nyanmien su bo abel lafi'n ti ye i liké nga o fa solii'n i kpa tra Caïn lie nion. I su b'o lafi'n ti, Nyanmien bobo sé ke o ti swran kpa, afin o soo liké nga o fa menniin'n nun. O wuli, sannge Nyanmien su b'o lafi'n ti, o te idyo.

Hébreu 11:7

Nyanmien su bo Noé lafi'n ti, ke o bôô liké nga bé nian wu'en lé'n su klélii'n, o bôbôô mméli kun o fa dé i ôsufue mun, srôle b'o srôé'n ti. Ke o yôô so'n, o buu menfue'm bé fo, ye o yôô swran kpa i su b'o lafi'n ti.

Hébreu 12:13

Anh kpe atin nga an sin nun'n kpa nan swran nga i dya ti'a kpa'n i dya'n wa fonndonman, sannge wa yô dyuédyué'n ti.

Hébreu 13:18

Anh sre Nyanmien titi ke o nian é su. É si é klun lo wéiin ke ya yô'a sa fi, afin sa'n kwlaa nun é klô ke éh yôh sa ng'o ti kpa'n.

1 Piɛr 2:24

Christ bobo dyraan é sa te'n i nuan bé bôbôé waka'n su, nan é nin sa te'n é bu, ye é yô sa ng'o ti kpa'n. I wunnen sule'n ti ye man ya yô dyuédyuéo.

1 Jean 3:22

Liké kwlaa nga é sree'n, oh fah man é, yele ke é fe i nde'n su, ye é yô sa ng'o dyo i klun'n.