Jacques 5:10 - Nyanmien nde Ufle

¹⁰ Aniaan mun, Nyanmien nuan idyofue bo bé kan nde é Min'n i dunman nun'n, ke béh kléh bé nyrennen'n bé tra bé awlen. Anh nian bé lie'n su.

NYANMIƐN NDƐ'N 1998

¹⁰ Aniaan mun, Nyanmiɛn nuan ijɔfuɛ bɔ be kannin ndɛ e Min'n i dunman nun'n, kɛ be ´kle be nyrɛnnɛn'n, be trali be anwlɛn. An `nian be liɛ'n su.

Jacques 5:10 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 13:34

Oô Jérusalem! Jérusalemfue mun bo an kun Nyanmien nuan idyofue mun'n, bo an fin bé nga bé sunman bé amun sin'n bé yebue'n, ble sunman n klô ke nh fleh amun mma mun, ke ako ta kun fle i mma mun o utu bé su'n sa, sannge amuan kpli'an su!

JÉSUS-CHRIST I DYASIN FE'N BO LUC KLELI'N 6:23

Ke béh yôh amun so'n, man amun klun dyo, anh si ablé, yele ke amun mô'n o wa yô dan nyanmien su lo, afin ke bé nannan'm bé yôô Nyanmien nuan idyofue'm bé soo.

Sa nga bé yôli'n 3:21

Ke é ô ye'n lie'n, béh treh i nun lélé san oh dyuh ble nga Nyanmien yôh ninngé'n kwlaa bé ufle ékun'n. O men i nuan idyofue'm bé dun mmua keen i so laa.

Sa nga bé yôli'n 7:52

?Nyanmien nuan idyofue ônin ye amun nannan'm ba klé'a bé yaleo? Bé kunnin bé nga bé dun mmua kaan Nanwlefue'n i bale nde'n, i ye an fe maan swran mun bo bé kunniin nion.

Hébreu 13:7

Anh bu amun kpenngben bo laa bé kan Nyanmien nde kléé amun'n bé akunndan. Anh nian bé nzuen'n nin bé agualie'n, anh nian ke bé fa lafi Nyanmien su'n, anh lafi i su so wié.

Jacques 4:11

Aniaan mun, nanh an kan amun wiéngu wun nde. Swran ng'o ken i niaan wun nde, annze o bu i fo'n, wuun mmla'n ye o ken i nde ke o ti sa o ti saa. O man se an sé ke mmla'n ti sa ti sa'n, wuun an fa'a su, i nde ye an kaan.

Jacques 5:13

Se nyrennen ô amun nun wié su'n, mon o kôkô klé Nyanmien. Se amun nun wié klun ti dyowa'n, mon o tô dyué manman Nyanmien.

Jacques 5:7

I so'n ti, aniaan mun, anh tra amun awlen lélé mon o fa dyu é Min'n i bale. Anh nian fié difue mun, bé tra bé awlen lélé bé nyan bé fié'n su liké kpakpa. Bé tra bé awlen lélé kôfié bôle nzué'n nin wawa nzué'n o to su.

Jacques 5:9

Aniaan mun, nanh an kan amun wiéngu wun nde, man Nyanmien bu amun fo, afin i ye o ti Dyole Difue nion, o dyin anuan'n sin.