Jacques 3:17 - Nyanmien nde Ufle

¹⁷ Ngwlele b'o fin nyanmien su'n, se o ti swran'n, wuun éh séh ke, sa te kaan sa nu'en i wun. O klô'a ndengan, o ti wetee fue, bé nin i kwla kôkô yale, o si aunnvue dan, o yô sa kpa, o bu'a swran'n wié kpa tra'a wié, o klô'a dunman.

NYANMIƐN NDƐ'N 1998

¹⁷ Ngwlɛlɛ b'ɔ fin nyanmiɛn su'n, sɛ ɔ ti sran'n, wuun e ´se kɛ sa tɛ kaan sa nun-mɛn i wun. Ɔ klo-man ndɛnngan, ɔ ti wɛtɛfuɛ, be nin i kwla koko yalɛ, ɔ si aunnvuɛ dan, ɔ yo sa kpa, ɔ bu-man sran'n wie kpa tra-man wie, yɛ ɔ klo-man dunman.

Jacques 3:17 ပူးပေါင်းရင်းမြစ်များ

Matthieu 23:28

Amun kusu ke an ti soo. Ke swran'm bé wun amun'n, an fa swran kpa, sannge dunman klôle'n nin sa tete'n kwlaa bé ô amun awlen'n nun.

Matthieu 5:8

Bé nga sa te fi nu'an bé awlen'n nun'n, bé lie su ti yé, afin bé wa wun Nyanmien!

Matthieu 5:9

Bé nga bé ti nda siésiéfue'n, bé lie su ti yé, afin Nyanmien wa fle bé i mma mun!

JÉSUS-CHRIST I DYASIN FE'N BO LUC KLELI'N 21:15

Afin m bobo ye nh fah nde nga amunh kanh'n wla amun nuaan, ye nh kléh amun ngwlele, o man amun kpofue'm bé su kwla kpalôman amun nuan, ye bé su si'a amun akplôwa.

JÉSUS-CHRIST I DYASIN FE'N BO LUC KLELI'N 6:36

Anh si aunnvue, ke amun Si kusu si aunnvue'n sa.

Jean 1:14

Nde so'n katyii i wun swran, o nin é wa trannin, o ti aklunyéfue nin nanwlefue. É nieen i anyrunnyan'n, o ti anyrunnyan bo se Ba b'o ti kunngba'n i Si meon o ti su.

Jean 1:47

Ke Jésus wun Nathanaël ke o su be i wun le'n, o ken i nde ke: Anh nian, Israëlfue kpa kun ye oh bah ye'n, o ti'a gblefue kaan sa.

Sa nga bé yôli'n 9:36

Jésus sonnzonfue bla kun ô Joppé lo, bé flee Tabitha, Grec nun yele Dorcas, bo i bô yele wannzannin. O ti klun ufuéfue kpa ye o yô yalefue'm bé yé.

Rɔmfuɛ Mun 12:18

Anh yô liké kwlaa nga an yôo amun nin swran su ka'an nde'n.

Rɔmfuɛ Mun 12:9

Nanh amun swran klôle'n o yô amun nuan bui su. Se an wun liké kwlaa ng'o ti te'n, nanh an nian, sannge liké nga bé ti kpa'n, man bé lô amun.

Rɔmfuɛ Mun 15:14

N niaan mun, m bobo n lafi amun su kpa ke an ti klunufuéfue kpa, an wun sa'n kwlaa wle, ye an kwla tu amun wiéngu fo.

1 Korɛntfuɛ Mun 12:8

Afin Nyanmien Wawe'n man swran'n wié ngwlele o fa kan nde, ye i Wawe kunngba'n man swran'n wié kusu wun sa wle o kan klé swran wié mun.

2 Korɛntfuɛ Mun 10:1

M bobo m Paul m ma sre amun liké kun. Bé sé ke, ke n wô amun nyrun lo'n, n ti wetee kpé nun, sannge ke n nu'an lo'n, nde nga n kan klé amun'n, n ken yasua su. Christ b'o ti weteefue b'o ti swran kpa'n i dunman nun

2 Korɛntfuɛ Mun 6:6

Sa ng'o klé ke é ti Nyanmien dyunman difue'n bé ye, é yô'a sa sukusuku, é wun sa wle, é blu sa'm bé su, é klun ti ufué, Nyanmien Wawe'n sié é, é klô'a Nyanmien nin swran é nuan bui su,

2 Korɛntfuɛ Mun 7:11

Anh nian amun ngôkôe'n b'o yô Nyanmien fe'n ke i agualie ti kpaa. O man an nian amun wun su kpa, an kpli amun ti, an fa ya sa te'n ti, an srô Nyanmien, an dé min aulie kpa, an dyran n sin, an tu swran ng'o yô sa'n i fo kpa! Sa so'n kwlaa nun é wun ke amun wun sa so'n wa wié.

2 Korɛntfuɛ Mun 9:10

Nyanmien bo «O man awié guafue'n i awié b'o gua'n, B'o man swran nuan nun alie'n,» i kunngba'n oh manh amun liké nga amunh fah yô aklunyé'n, o man oh yôh kpanngban, ye i agualie'n oh guah amun kpa.

Efɛzfuɛ Mun 5:9

Afin bé nga bé ô wia'n nun'n, bé yô swran yé, bé yô sa kpa, bé di nanwle.

Filipfuɛ Mun 1:11

Ye Jésus-Christ man amunh yôh sa kpakpa Nyanmien manmanle nin i komin su manle'n ti.

Filipfuɛ Mun 4:8

Aniaan mun, min nde'n i atabô'n ye: man amun akunndan'n tran liké kwlaa ng'o ti kpa'n nin sa kwlaa bo swran yôo o ti kpa'n bé su, yele nde nanwle'n, nin liké nga bé bui liké kpa'n, nin liké ng'o ti i nuan su'n, nin sa ng'o ti a te mlonmlon'n, nin liké ng'o ti klaan'n, ye nde nga bé tio o dyo bé klun'n.

Kolɔsfuɛ Mun 1:10

I so'n nun, amun nyôlie'n manh é Min'n i komin su, ye sa kwlaa nga amunh yôh'n, oh dyoh i klun, ye amunh yôh sa kpakpa'n kwlaa, ye sile nga an si Nyanmien'n, oh yôh dan.

1 Tɛsalonikfuɛ Mun 2:7

Sannge ke Christ sunmaan yé'n ti, se é yô é wun ke é le nyrun'n, wuun ya bô'a aôsuon. Sannge ke é ô amun wun lo'n, ya yô'e i so, é yô weteefue ke bla ta b'o yeye i mma mun'n sa.

1 Timote 5:21

Fa nde nga man kan klé o ye'n su kpa, se a nian ti'a swran i nuan nun nde'n, nanh bu i fo, nanh bu swran'n wié kpa tra wié, Nyanmien Kpli'n, nin Christ-Jésus, nin Nyanmien i ange'm b'o kpaa bé'n bé ti n lalôfue ke n kan nde so'n kléé wo.

2 Timote 2:24

Afin é Min'n i swran'n nin utré'n fataman. Sannge mon o yô swran'n kwlaa bé kpa, mon o si liké klé, man sa nga bé yôé'n son i nun,

Tite 1:15

Swran nga bé akunndan'n ti kpa'n, liké kwlaa ti kpa bé nyrun, sannge swran nga bé akunndan'n ti'a kpa, bo bé lafi'a Nyanmien su'n, liké fi ti'a kpa bé nyrun. Afin bé akunndan'n ti tete, bé yô saa bé klun ti'a bé.

Tite 3:2

Nanh man bé kan swran wun nde, nanh man bé klô utré, man bé yatyi sa tye, man swran'n kwlaa bé wun ke bé ti weteefue.

Hébreu 12:11

Nanwle, fo tule'n kwlaa, ke béh tuh yé'n, i klikli'n nun o yô é ya, o yô'a é fe, sannge bé nga bé fa su bo bé katyi'n, o man bé yô kpa, bé di aladyé.

Hébreu 12:14

Man amun nin swran'n kwlaa amun nuan se amun wun, man amun nzuen'n fa Nyanmien lie'n, afin se o ti'e i tio, swran fi su wu'an é Min'n.

Jacques 1:17

Liké kpa kwlaa nga bé fa man swran'n, nin liké kpa kwlaa nga bé nyen'n, bé fin é Si b'o ô nglô lo, b'o yii anglô'n, nin nzraama, nin wia'n bo bé kpadya'n. I lie'n o katyi'a mlonmlon, o kpe'e i wun ke lôle b'o kpe i wun'n sa.

Jacques 1:5

Se ngwlele'n wa ti'a amun nun wié kpa'n, mon o kan klé Nyanmien bo i sa ti'a tankaan'n, b'o fa liké man swran'n kwlaa, o idyo'e i sin'n. O man swran so'n oh wunh sa wle.

Jacques 2:13

Afin ke Nyanmien dih bé nga bé si'a swran aunnvue'n bé dyole'n, o su si'a bé aunnvue. Se aunnvue sile'n nin fo bule'n bé ti swran'n, wuun aunnvue sile'n kwla fo bule'n.

Jacques 2:4

wuun an bu amun nun wié kpa tra wié, amuan yô akunndan te bufue.

Jacques 3:15

I so ngwlele lie'n fi'an nyanmien su, o ti asie'n su wa lie, o ti klo swran lie, o fin mmusu'm bé si Satan.

Jacques 4:8

Anh fa amun wun mantan Nyanmien, ye i kusu feh i wun mantan amuon. Sa te yôfue mun, anh wunnzin amun sa, akunndan nnyonnyonfue mun, anh yatyi akunndan tete'n.

1 Piɛr 1:22

Ke an faa nde nanwle'n su, bo amun wun sa'n wiéli'n, o man an klô'a amun niaan Christfue mun amun nuan bui su. I so'n ti, anh klô amun wun kpa, anh tu amun klun yô sa ng'o klé ke an klô amun wun'n.

1 Piɛr 2:1

I so'n ti, anh wla klunwi, nin gble'n kwlaa, nin dunman kunndele, nin amun nyin bo an fa tyi swran'n, nin swran wun nde kanle'n kwlaa bé asé.

1 Piɛr 2:18

Kanga mun, man amun nyin yi amun min mun kpa, anh bu bé swran. Nanh bé nga bé ti kpa bo bé ti wetee'n bé ngunmin ye an yô bé soo, sannge man amun nyin yi bé nga bé ti wle'n.

1 Jean 3:18

M mma mun, nanh man amun swran klôle'n yô amun nuan bui su, nin nuan nun fe su, sannge man bé wuin sakpa liké nga amun yôh'n nun.

1 Jean 3:3

Swran kwlaa nga i wla ô su so'n, o klô'a ke sa kaan sa tren i wun, afin sa fi nu'an Christ wun.