Jacques 3:13 - Nyanmien nde Ufle

¹³ ?Amun nun ônin ye o si ngwlele, o wun sa wleo? Man bé wun i so i nzuen kpa'n nin sa kpa ng'o yô bé'n bé nun, ye man bé wun ke o yô i wun aénvue, o ti ngwlelefue.

NYANMIƐN NDƐ'N 1998

¹³ ?Amun nun onin yɛ ɔ si ngwlɛlɛ b'ɔ wun sa wlɛ-ɔ? Man be wun i sɔ i nzuɛn kpa'n nin sa kpa ng'ɔ yo be'n nun, yɛ man be wun kɛ ɔ yo i wun aenvuɛ yɛ ɔ ti ngwlɛlɛfuɛ.

Jacques 3:13 ပူးပေါင်းရင်းမြစ်များ

Matthieu 11:29

Anh fa amun ti wla n komin su waka'n (*f8*) bô, ye anh fa min nzuen'n su, afin n ti swran weteefue ye min awlen'n ti flolo. Ye amun wla wa gua asé.

Matthieu 21:5

«Sé Sion (*f14*) wa bla'n ke: Nian, o famien'n su ba o sin. O ti weteefue dan kpa, o fu aflunmun su, Aflunmun gbanflen kun b'o ti nnen b'o sua tro'n i wa'n i su.»

Matthieu 5:5

Bé nga bé ti weteefue'n, bé lie su ti yé, afin men'n o wa yô bé lie!

Matthieu 7:24

I so'n ti, swran kwlaa ng'o tié nde nga n ken ye'n, nan o fa su'n, o ti ke ngwlelefue b'o kpleen i sua yebue su'n sa.

1 Korɛntfuɛ Mun 6:5

N ken i so fa gua amun nyin asé! ?Ngwlelefue bo kun nu'an amun nun b'o kwla siésié i niaan Christfue'm bé afieon?

2 Korɛntfuɛ Mun 10:1

M bobo m Paul m ma sre amun liké kun. Bé sé ke, ke n wô amun nyrun lo'n, n ti wetee kpé nun, sannge ke n nu'an lo'n, nde nga n kan klé amun'n, n ken yasua su. Christ b'o ti weteefue b'o ti swran kpa'n i dunman nun

2 Korɛntfuɛ Mun 8:24

Anh yô bé man asonun'm bé wun ke an klô swran, ye bé si kpa ke é nuan bo é fa amun di klé bé'n é di'e ngben.

Galasifuɛ Mun 5:23

bé yô wetee, bé yô sa i nuan su. Ba sié'a ninngé so'm bé su mmla fi.

Galasifuɛ Mun 6:1

Aniaan mun, se an wun ke amun niaan kun su yô sa wié b'o ti'a kpa'n, amun bo Nyanmien Wawe'n sié amun'n, anh klé i atin ng'o ti kpa'n amannien su. Sannge anh nian amun bobo amun wun nan amuan yô'a sa kunngba so'n wié.

Galasifuɛ Mun 6:4

Man swran kun nien i bobo i nyôlie'n, se o wun ke o ti kpa'n, oh yôh i fe, o man o su fa'a swran ufle lie'n sunnzu'en i lie'n.

Efɛzfuɛ Mun 4:2

Nanh an tu amun wun mlonmlon, anh yô weteefue, anh blu sa'm bé su, sa nga amun wiéngu yô bo an wuin'n, mon o son amun nun i klôle bo an klôé'n ti.

Filipfuɛ Mun 1:27

Sa'n kwlaa nun, anh yô sa ng'o nin Christ dyasin fe'n ti kun'n, nan se mh bah amun wun wunle ô, se m baman ô, man ti amun ngan ke amun kwlaa amun bô ti kun kpa amun dyran kéklé, ye amun akunndan'n ti kun, an mian amun nyin dyasin fe'n bo an lafi su'n ti.

Kolɔsfuɛ Mun 3:12

An ti Nyanmien i swran, o klô amun, o faa amun. I so'n ti, man swran'm bé yô amun annvo, anh yô bé kpa, anh yô amun wun aénvue, anh yô weteefue, anh blu sa'm bé su. Anh fa liké so mun fa tyityi amun ti.

1 Timote 4:12

Ke bo a ti gbanflen kaan'n ti, nanh yô man swran fi yô o finfin, sannge yô sa ng'o ti kpa'n, man bé nga bé lafi Christ su'n bé nian su yô, o idyole nun ô, o nzuen'n nun ô, o swran klôle nun ô, o Nyanmien sulafile nun ô, o nin sa te bo a yôman nin ô.

1 Timote 6:11

Sannge o bo a ti Nyanmien i swran'n, nanh fo o wun wle ninngé so'm bé yôle nun. Mion o nyin yô sa ng'o ti kpa'n, fo o wun mantan Nyanmien, lafi i su, klô Nyanmien nin swran, tro o awlen, yô weteefue.

2 Timote 2:25

mon o tu bé nga bé kpalô i nuan'n bé fo amannien su, wiénuon tyen wié lélé Nyanmien man beh katyih bé nzuen'n nan bé si sa ng'o ti nanwle'n.

Tite 3:2

Nanh man bé kan swran wun nde, nanh man bé klô utré, man bé yatyi sa tye, man swran'n kwlaa bé wun ke bé ti weteefue.

Hébreu 13:5

Liké nga amunh yôh'n, nanh an yôé sika klôle'n ti. Man amun nyin yi liké nga an lee'n, afin Nyanmien bobo sé ke, «o su yatyi'a o, o su kpotyi'a o mlonmlon.»

Jacques 1:21

I so'n ti, anh wla nzuen tete'n nin klunwi'n kwlaa bé asé. Anh yô amun wun aénvue, anh fa nde nga Nyanmien kan klé amun'n su. I ye man amunh nyanh amun tio.

Jacques 2:18

Wiénuon swran wié wa sé n ke: O lie'n, a lafi Nyanmien su, ye n kusu, n yô be'n m ma fa klé o ke n lafi Nyanmien su.

Jacques 3:1

N niaan mun, nanh amun nun kpanngban bé kunnde ke bé yô liké kléfue, afin an si ke, ke Nyanmien dih dyole'n é bo é ti liké kléfue'n, oh usausah é sa kpa tra bé nga mun.

Jacques 3:17

Ngwlele b'o fin nyanmien su'n, se o ti swran'n, wuun éh séh ke, sa te kaan sa nu'en i wun. O klô'a ndengan, o ti wetee fue, bé nin i kwla kôkô yale, o si aunnvue dan, o yô sa kpa, o bu'a swran'n wié kpa tra'a wié, o klô'a dunman.

1 Piɛr 1:15

Nyanmien b'o fleli amun'n i nzuen'n nin klo swran lie'n ti'a kun, man amun nzuen lie'n kusu fe i lie'n sa'n kwlaa nun.

1 Piɛr 2:12

Anh yô sa ng'o ti kpa'n bé nga bé ti'a Christfue'n bé nyrun, nan se bé satyi amun dunman ke an ti sa te yôfue'n, bé wun sa kpa nga an yô bé'n, nan tyen nga Nyanmien ba'n, béh menmenh.

1 Piɛr 2:9

Sannge amun lie'n, an ti swran bo Nyanmien faa amun, an ti Famien Nyanmien'n i nyrun dyranfue, an ti Nyanmien nvlé'n nun swran, an ti i lie mlonmlon. O faa amun ke an yi i b'o flee amun ke an dyaô aôsin nun, an bla lika ng'o kpadya kpa'n nun'n i aye.

1 Piɛr 3:4

Sannge man bé wun amun klaan'n amun nzuen'n, nin amun awlen wetee'n, nin diin bo an ti'n nun. Klaan so'n wiéman, o ti kpa Nyanmien nyrun.