Jacques 2:18 - Nyanmien nde Ufle

¹⁸ Wiénuon swran wié wa sé n ke: O lie'n, a lafi Nyanmien su, ye n kusu, n yô be'n m ma fa klé o ke n lafi Nyanmien su.

NYANMIƐN NDƐ'N 1998

¹⁸ Wienun-ɔn sran wie wa se n kɛ: «Ɔ liɛ'n, a lafi Nyanmiɛn su, yɛ n kusu'n, n yo sa kpakpa.» Yɛ n kusu n ´se i kɛ: «Man n nian ɔ Nyanmiɛn su bɔ a lafi bɔ a yo-man sa kpa'n, yɛ n kusu'n, sa kpakpa nga n yo be'n, m ma fa kle wɔ kɛ n lafi Nyanmiɛn su.»

Jacques 2:18 ပူးပေါင်းရင်းမြစ်များ

Rɔmfuɛ Mun 14:23

Sannge swran ng'o wu'an liké ng'o di'n i wle kpa se o ti kpa ô, se o ti'a kpa ô, nan o di'n, Nyanmien wa sé ke wa di fo, yele ke liké ng'o yô'n, o wu'en i wle. Afin liké kwlaa nga bé yô bo bé wu'en i wle ke o ti kpa nan ba yô'n, o ti sa te.

Rɔmfuɛ Mun 3:28

Afin é bu i ke, nanh mmla'n bo swran fa su'n ti ye Nyanmien bui swran kpaa, sannge i su b'o lafi'n ti ye o bui swran kpaa.

Rɔmfuɛ Mun 4:6

I kunngba'n David keen i ke, swran nga Nyanmien nie'en i nyôlie'n su ye o bui swran kpa'n, i lie su ti yé. O sé ke:

Rɔmfuɛ Mun 8:1

O man sien'n bé nga bé nin Christ-Jésus ba katyi swran wunmuan'n, bé wun sa lie'n wa wié.

Rɔmfuɛ Mun 9:19

Wiénuon swran wié wa usa n ke: ?Se o ti so'n, o yô se ti ye Nyanmien fa sa nga é yô'n gua é suo? Afin swran fi kwla kpalô'a Nyanmien nuan.

1 Korɛntfuɛ Mun 13:2

Man n yô Nyanmien nuan idyofue, man n si sa nga Nyanmien fiee swran'm bé nyrun'n i ngba, ye man n wun sa'n kwlaa wle, ye se n lafi Nyanmien su kpa bobo b'o man n kwla sé ôka'm bé ke bé tu bé bô wo'n, sannge se n klô'a swran'n, wuun man yô'a liké fi.

2 Korɛntfuɛ Mun 5:17

Se swran kun nin Christ bé katyi swran wunmuan'n wuun Nyanmien wa bôé ufle, i akunndan'n nin i nzuen laa'n wa wié, i akunndan'n nin i nzuen'n kwlaa a katyi.

2 Korɛntfuɛ Mun 7:1

N swran kpa mun, sa kwlaa nga Nyanmien séé ke oh yôh bé so'n ti, man é wla sa kwlaa ng'o satyi swran'n nin akunndan tete'n kwlaa bé asé. Se é waan é srô Nyanmien'n, man é nian é wun kpa ke nanh man sa kaan sa tran é nin i é afien.

Galasifuɛ Mun 5:6

Ke é nin Christ-Jésus ya katyi swran wunmuan'n, se é wla klen ô, ya wla'a klen ô, nenh i li ye bé niaan, sannge klôle bo é fa klô swran nin Nyanmien'n i su bo é lafi'n ti'n, i li ye bé niaan.

1 Timote 1:5

É waan, bé klô swran kpa ti ye é tu bé fo so nion. Klôle so'n fin swran bo sa te kaan sa nu'en i awlen'n nun, b'o man i klun titimen, b'o lafi Nyanmien su sakpa'n.

Tite 2:7

Sa'n kwlaa nun o bobo yô sa ng'o ti kpa'n, man bé nian o lie'n su yô. Liké nga a klé'n, kléé kpa, nanh fa yô aôwi.

Hébreu 11:31

Nyanmien su bo Rahab téklé bla'n lafi'n ti ye, ke bé bo bé nyin yi'a Nyanmien'n bé wuli'n wa wu'a wié nion, yele ke bé nga bé oo bé men'n i kpla nianle'n, o sikéé bé kpa.

Hébreu 11:33

Nyanmien su bo bé lafi'n ti, bé kwla nvlé mun, bé yô sa ng'o ti i nuan su'n, bé nyan liké nga Nyanmien waan oh manh bé'n, bé tyityi dyra'm bé nuan,

Hébreu 11:6

Afin se bé lafi'e i su'n, i klun dyo'a bé wun mlonmlon. O man swran nga i waan oh feh i wun mantan Nyanmien'n, mon o lafi su ke o ô le, ye bé nga bé kunndee'n, oh yih i wun klé bé.

Jacques 2:14

?N niaan mun, se swran kun sé ke o lafi Nyanmien su, sannge bé wu'en i so i nzuen'n nun'n, nzu yé ye o yô men io? ?I Nyanmien sulafile so'n kwla déé?

Jacques 3:13

?Amun nun ônin ye o si ngwlele, o wun sa wleo? Man bé wun i so i nzuen kpa'n nin sa kpa ng'o yô bé'n bé nun, ye man bé wun ke o yô i wun aénvue, o ti ngwlelefue.