Jacques 2:1 - Nyanmien nde Ufle

¹ N niaan mun, ke an lafi é Min Jésus-Christ b'o le nyrun dan'n i su'n, nanh an bu swran'n wié kpa tra wié.

NYANMIƐN NDƐ'N 1998

¹ N niaan mun, kɛ an lafi e Min Jésus-Krist b'ɔ lɛ nyrun dan'n i su'n, nán an bu sran'n wie kpa tra wie.

Jacques 2:1 ပူးပေါင်းရင်းမြစ်များ

Matthieu 22:16

Bé sunmaan bé sonnzonfue nin Hérodefue mun Jésus wun lo, bé wa sé i ke: Ndya, é si ke a di nanwle, a klé swran mun Nyanmien atin'n nanwle nun. A srô'a swran fi, afin a nia'an swran nyrun.

Sa nga bé yôli'n 10:34

Ye Pierre kusu séé ke: Nanwle, man wun i wle ke Nyanmien lie'n, o kpa'a swran nun,

Sa nga bé yôli'n 20:21

N kan kléé Juif nin Grec mun ke bé yatyi nyin kéklé yôle'n Nyanmien su nan bé nyin yii, ye bé lafi é Min Jésus su.

Sa nga bé yôli'n 24:24

Ke o dii lé nnyon kun'n, Félix nin i yi Drusille Juif bla'n bé bali, o man bé kô flee Paul, nan wa tié bé Christ-Jésus sulafile nde'n.

Sa nga bé yôli'n 7:2

Ye Étienne sé i ke: Min niaan nin n si mun, an tié! I nun nga é nannan Abraham te ô Mésopotamie lo'n, Nyanmien Kpli yi i wun klélii, i sin nan wa kô tran Charran lo,

Rɔmfuɛ Mun 1:11

N klô ke nh wunh amun wun nan Nyanmien Wawe'n i liké nga n nyenniin'n, an nyan wié, nan an dyran kéklé.

1 Korɛntfuɛ Mun 2:8

Men'n nun wléngbi'm bé wié fi ba simen, se o ti ke bé silii'n, wuun ba bôbô'a é Min'n b'o i nyrun yô srô'n waka'n su.

Kolɔsfuɛ Mun 1:4

afin é tii Christ-Jésus su bo an lafi'n, nin klôle nga an fa klô Nyanmien swran'n kwlaa'n i nde bo bé kan'n.

1 Timote 1:19

Nyanmien su bo a lafi'n nin o klun b'o titimon'n ti. Swran wié'm bé yô'a sa kpa nga bé klun lo akunndan'n sé bé ke bé yô'n, o man bé lafi'a Nyanmien su kpa kun.

1 Timote 5:21

Fa nde nga man kan klé o ye'n su kpa, se a nian ti'a swran i nuan nun nde'n, nanh bu i fo, nanh bu swran'n wié kpa tra wié, Nyanmien Kpli'n, nin Christ-Jésus, nin Nyanmien i ange'm b'o kpaa bé'n bé ti n lalôfue ke n kan nde so'n kléé wo.

Tite 1:1

M Paul n ti Nyanmien i swran bo Jésus-Christ sunmaan min ke n wuka bé nga Nyanmien kpaa bé'n man bé lafi i su kpa, ye bé wun nde nanwle nga bé bo bé srô Nyanmien'n bé sii'n i wle kpa,

Tite 2:13

É yô so nan é minnde tyen kpa nga é wla ô su ke é Nyanmien Kpli'n nin é Défue Christ-Jésus bé wa yi bé wun nglô'n.

Hébreu 1:3

I ye o man é wun Nyanmien b'o yi i wun nglô nyannyannyan nion, o fa Nyanmien Kpli'n i wafa kwlaa ng'o ti'n, i nuan nun nde'n ye man ninngé'n kwlaa ô leo. Ke o yôli bo swran'm bé wun sa'n wiéli'n, o kô traan Nyanmien Kpli b'o ti Wléngbi'n i fama su nyanmien su lo.

Hébreu 12:2

Man é kpe é nyin nian Jésus, é Nyanmien sulafile'n fiin, i ye man é lafi i su lélé gue i ti nin i bôo. Ke o bu i klun b'o wa dyo'n i akunndan'n, o kplin su man bé kuin waka'n su, wa bu'e i nyin asé guale'n liké fi, nan wa kô tran Nyanmien bia'n i fama su.

Jacques 1:16

N niaan kpa mun, nanh an laka amun wun.

Jacques 1:19

N niaan kpa mun, anh bu nde nga akunndan! Man swran'n kwlakwla bé sié bé su bé tié nde nga bé kan'n kpa, nanh man swran fi kan nde ndende, nanh man bé fa ya ndende.

Jacques 2:3

Se an bu ng'o wla trale klaan'n i swran bo an sé i ke: Tran lika kpa nga nun wa! ye an sé yalefue'n kusu ke: O lie'n, dyran le! annze: Tran asie wun m bia'n wun le'n,

Jacques 2:9

Sannge se an bu swran'n wié kpa tra wié'n, wuun amuan yô sa te. Ke bé nian mmla'n nun'n, bé wun ke amuan ton mmla'n.

Jacques 3:17

Ngwlele b'o fin nyanmien su'n, se o ti swran'n, wuun éh séh ke, sa te kaan sa nu'en i wun. O klô'a ndengan, o ti wetee fue, bé nin i kwla kôkô yale, o si aunnvue dan, o yô sa kpa, o bu'a swran'n wié kpa tra'a wié, o klô'a dunman.

2 Piɛr 1:1

N Simon Pierre, bo n ti Jésus-Christ dyunman difue, b'o sunmaan min'n, nh kleh fluwa nga ble amun bo Nyanmien man amun lafi i su kpa ke é sa'n. I so'n fin é Défue Jésus-Christ b'o ti Nyanmien'n, afin o ti swran kpa.

Jude 1:16

Bé idyo bé kônviabô, bé fa sa'n kwlaa gua swran wié'm bé su, bé yô sa nga bé klun klô'n, bé di bé nuan, bé fa bé nuan nun fe kunnde liké swran'm bé sa nun.

Sa nglô yile 14:12

Wa ye béh wunh Nyanmien i swran bo bé tra bé awlen bé fe i mmla'n su, bo bé lafi Jésus su kpa nion.