Jacques 1:5 - Nyanmien nde Ufle

⁵ Se ngwlele'n wa ti'a amun nun wié kpa'n, mon o kan klé Nyanmien bo i sa ti'a tankaan'n, b'o fa liké man swran'n kwlaa, o idyo'e i sin'n. O man swran so'n oh wunh sa wle.

NYANMIƐN NDƐ'N 1998

⁵ Sɛ ngwlɛlɛ'n w'a ti-man amun nun wie kpa'n, man ɔ kan kle Nyanmiɛn bɔ i sa ti-man tankaan'n, b'ɔ fa like man sran'm be kwlaa ɔ ijɔ-mɛn i sin'n. Ɔ man sran sɔ'n ɔ ´wun sa wlɛ.

Jacques 1:5 ပူးပေါင်းရင်းမြစ်များ

Matthieu 11:20

Kpekuun o su idyo klo nga i sa kéklééklé b'o yô bé'n bé su ye o yôô i dan i lika'n, yele ke klo so'm bé sufue'm ba katyi'a bé nzuen'n.

Marc 16:14

I kasien su ke i sonnzonfue blu-nin-kun'n bé ô alie'n sin'n, o fe i wun kléé bé, nan wa idyo bé i su bo bé lafiman'n, nin kétéle bo ba kété'n bo ba fa'a bé nga bé wunniin ke o tyennin'n bé nde'n su'n ti.

Jean 14:13

Liké kwlaa nga an fa n dunman sre'n, nh yôh nan m bo n ti é Si i Wa'n m men i komin su.

Jean 15:7

Se amun nin min yô swran wunmuan bo é tran titi'n, bo an fa min nde'n su'n, liké nga an klôé'n, anh sé Nyanmien, oh fah man amun.

Jean 4:10

Jésus sé i ke: Se a si liké nga Nyanmien fa man swran mun'n, o nin swran ng'o sé o ke a men nzué'n, wuun o bobo ah sreh i wié ye oh manh o nzué b'o sôndyi.

2 Korɛntfuɛ Mun 2:16

Bé nga bé su mlin'n bé lie'n o ti ke duwle kpukpuwa sa, o kun swran, ye bé nga bé su fité nun'n bé lie'n o ti liké kpa, o man bé nyan nguan. ?Wan ye o kwla di i so dyunman nion?

Jacques 1:17

Liké kpa kwlaa nga bé fa man swran'n, nin liké kpa kwlaa nga bé nyen'n, bé fin é Si b'o ô nglô lo, b'o yii anglô'n, nin nzraama, nin wia'n bo bé kpadya'n. I lie'n o katyi'a mlonmlon, o kpe'e i wun ke lôle b'o kpe i wun'n sa.

Jacques 3:17

Ngwlele b'o fin nyanmien su'n, se o ti swran'n, wuun éh séh ke, sa te kaan sa nu'en i wun. O klô'a ndengan, o ti wetee fue, bé nin i kwla kôkô yale, o si aunnvue dan, o yô sa kpa, o bu'a swran'n wié kpa tra'a wié, o klô'a dunman.

Jacques 5:16

I so'n ti, ke o yô nan amuan yô dyuédyué'n, anh kan sa nga an yôli'n klé amun wiéngu, anh sre Nyanmien man amun wun ke o man amun dyasô. Se swran kpa kun sre liké Nyanmien sa nun b'o dyran su kpa'n, i srele so'n yô sa yé dan.

1 Jean 3:22

Liké kwlaa nga é sree'n, oh fah man é, yele ke é fe i nde'n su, ye é yô sa ng'o dyo i klun'n.