Jacques 1:25 - Nyanmien nde Ufle

²⁵ Sannge swran ng'o nian Nyanmien mmla'n b'o ti niannun kpa, b'o man swran'm bé nyan bé ti'n nun'n, b'o nian nun tititi'n, bo ke o ti mmla'n i wla fiman, sannge o fa su'n, Nyanmien man liké ng'o yô'n, oh yôh yé.

NYANMIƐN NDƐ'N 1998

²⁵ Sanngɛ Nyanmiɛn mmla'n b'ɔ ti niannun kpa'n, b'ɔ man sran'm be nyan bé ti'n, sran ng'ɔ nian nun'n, b'ɔ nian nun tititi'n, bɔ kɛ ɔ ti mmla'n i wla fi-man sanngɛ ɔ fa su'n, Nyanmiɛn man like ng'ɔ yo'n ɔ ´yo ye.

Jacques 1:25 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 11:28

Jésus a kpli'an su, nan wa sé ke: Sé ke, swran ng'o tié Nyanmien nde'n b'o fa su'n, i lie su ti yé!

Jean 13:17

Se an si sa so'n nan an fa su'n, amun lie su ti yé.

Jean 8:36

Se Nyanmien Wa'n kpo amun ti'n, amunh nyanh amun ti mlonmlon.

Sa nga bé yôli'n 13:43

Ke anyiafue'm bé sanndili'n, Juif kpanngban bé nin bé bo bé katyii Juif'n, bé suu Paul nin Barnabas bé su, bé nin bé kôkô yale, ye Paul'm bé wla bé fanngan bé sé bé ke, Nyanmien i kpa b'o yô bé'n ti, bé fa bé wla gue i su.

Sa nga bé yôli'n 2:42

Bé fa bé bo Jésus sunmaan bé'n bé nde'n su kpa, bé tran aniaan tranle, bé di liké lika wle, bé nin Nyanmien bé kôkô yale tititi.

Sa nga bé yôli'n 26:22

Sannge Nyanmien b'o dyran n sin'n ti ye man man tran lélé wa dyu ndeo, n kan nde klé swran ngbléwa mun, nin bé nga bé le'a nyrun'n. Sa bo Nyanmien nuan idyofue'm bé nin Moïse bé séé ke o wa yô'n man ka'an nde ufle fi a uka'a su, sen i kunngba tye ye n kaan.

Rɔmfuɛ Mun 11:22

I so'n ti, nian, Nyanmien ti kpa, ye kusu nde ng'o kan'n o le'a katyiwle. Ke a nien i bué kun'n a wun ke nde ng'o kan klé bé nga ba nia'an bé lika'n su kpa'n o le'a katyiwle, ye ke a nien i bué kun ékun'n a wun ke, se a yô ke o yô o kpa'n, oh yôh o kpa. Se a yô'e i so'n, oh kpeh o yi.

Rɔmfuɛ Mun 2:13

Nanh bé nga bé ti mmla'n ye bé ti swran kpa Nyanmien nyruon, sannge bé nga bé fa su'n bé ye Nyanmien buh bé swran kpaa.

Rɔmfuɛ Mun 7:12

I so'n ti, mmla wunmuan'n ti Nyanmien lie, ye mmla kun so'n kusu ti Nyanmien lie. Mmla kun so'n i siéle'n ti su, o ti kpa.

Rɔmfuɛ Mun 8:15

Afin Nyanmien i Wawe'n b'o fa mannin amun'n, i lie'n o fa'a amun katyi'a kanga, o wla'a amun sre, sannge o fa amun katyi ke Nyanmien klun ba sa. I so'n ti, é kwla kpan fle Nyanmien ke: Baba!

Rɔmfuɛ Mun 8:2

Afin Nyanmien Wawe'n klé sa ufle b'o man bé bo bé nin Christ-Jésus ba katyi swran wunmuan'n béh nyanh nguan. O man man nyan n ti sa te'n nin wié'n bé sa nun.

1 Korɛntfuɛ Mun 15:58

I so'n ti, n niaan kpa mun, anh dyran kéklé, nanh amun wun usu amun, anh di é Min'n i dyunman'n kpa o amun nyrun tititi. Man an si kpa ke liké nga é yô man é Min'n, o su ka'a ngben.

2 Korɛntfuɛ Mun 13:5

Amun bobo anh bu amun klun lo nian se an lafi Christ su sakpa ô. Se an yô i so'n, nan se an wun ke an nu'an bé bo ba lafi'a Christ su'n bé nun wié'n, amunh wunh i wle ke Christ nin amun ye o wôo.

Galasifuɛ Mun 2:4

San bé nga bé ton bé wun suen ke bé ti é niaan'n, bé ye bé klô ke o yô soo. Bé wluu é nun blelelele ke béh kplah é nian é ti bo é bo é nin Christ-Jésus ya katyi swran wunmuan'n ya nyen'n ti, nan béh fah é wla kanga'n nun.

Galasifuɛ Mun 5:1

Aladyé dile ti ye Christ kpoo é tio. I so'n ti, anh dyran kéklé, nanh an fa amun wun wla kanga'n nun.

Galasifuɛ Mun 6:2

Se an wun amun niaan kun bo i tro'n su tii'n, anh wuke. Se an yôé so'n, wuun amuan wié Christ mmla'n su fa.

Kolɔsfuɛ Mun 1:23

Se an dyran kéklé bo an lafi Christ su kpa, bo an yatyi'a liké nga ke an tii dyasin fe'n an fa amun wla gua su'n, ye amunh yôh soo. Dyasin fe so'n ye bé kan kléé asie'n sufue'n kwlaa, bo m Paul man fa katyi n dyunman n di nion.

1 Timote 2:15

Sannge se bla lafi Nyanmien su kpa, o klô swran titi, o yô Nyanmien lie mlonmlon, b'o nien i wun su kpa'n, se o kô wu ba'n, oh fitéh nun.

1 Timote 4:16

Nion o bobo o wun su o nin o ninngé bo a klé'n su kpa, afin se a yô so tititi'n, ah déh o bobo nin bé nga bé ti o nde'n bé ti.

Hébreu 12:15

Anh nian amun wun kpa, nanh man yé nga Nyanmien yô swran'n o tô fuan swran fi nan klunwi'n i ôlui'n wa fefeman, wa satyi'a amun nan wa sa'a swran kpanngban'n ti.

Jacques 2:12

Ke bé wa dyran mmla b'o man é nyan é ti'n su di dyole'n ti, o man nde nga amunh kanh'n, nin liké nga amunh yôh'n, anh yôé i nuan su.

1 Piɛr 2:16

Amuan nyan amun ti, i so'n ti, anh yô sa ng'o ti kpa'n. Nanh amun ti nyanle so'n katyi sa te, sannge man bé wun ke an ti Nyanmien i swran.

1 Jean 2:24

I so'n ti, nde nga ke o fin i bôbôle nun'n an tili'n, anh fa sié amun klun kpa. Se o tran amun klun kpa'n, wuun amun nin é Si'n nin i Wa'n an ti kun tititi.

Sa nglô yile 14:13

N tii swran kun nen nyanmien su lo, o sé ke: Kle nde nga: Ke o fin nde'n, bé nga bé nin é Min'n ba katyi swran wunmuan bo bé wu'n, bé lie su ti yé! Nyanmien Wawe'n sé ke o ti so. Bé wa yatyi bé dyunman kéklé bo bé di'n béh déh wunmien, afin bé nin bé nyôlie kpa'n ye béh kooh.

Sa nglô yile 22:14

Bé nga bé kpu bé trale'n, b'o man bé kwla di waka ng'o man nguan'n i mma'n, bo bé kwla sin klo'n i anuan'n nun'n, bé lie su ti yé!