Hébreu 8:8 - Nyanmien nde Ufle

⁸ Sannge Nyanmien kputu i swran mun, afin bé klee Nyanmien Nde'n nun ke: «É Min'n sé ke: Tyen wié lélé M ma kan sa ufle nga n waan nh yôh man Israël nin Juda bé ôsufue mun'n klé bé,

NYANMIƐN NDƐ'N 1998

⁸ Sanngɛ Nyanmiɛn kputu i sran mun, afin be klɛli i Nyanmiɛn Ndɛ'n nun kɛ: «E Min'n seli kɛ: ‹Cɛn wie lele'n, e nin Izraɛl nvle'n nin Zida nvle'n e wa tra aenguɛ uflɛ.

Hébreu 8:8 ပူးပေါင်းရင်းမြစ်များ

Matthieu 26:28

Amun kwlaa anh non, du vin ng'o ô ye'n o ti min mmôdya b'o man amun nin Nyanmien amunh dih anuanse. Swran sunman bé ti ye béh gueh i aséo, o man Nyanmien yatyih bé sa bo bé yôlii'n tye bé.

Marc 14:24

Ye o sé bé ke: Du vin ng'o ô ye'n o ti min mmôdya b'o man amun nin Nyanmien amunh dih anuanse. Swran kpanngban bé ti ye béh gueh i aséo.

JÉSUS-CHRIST I DYASIN FE'N BO LUC KLELI'N 17:22

Ye o sé i sonnzonfue'm bé ke: Tyen wié amun wla wa lô m bo n katyii Swran'n ke amunh wunh min tyen ba kunngba tye, sannge an su wu'an min.

JÉSUS-CHRIST I DYASIN FE'N BO LUC KLELI'N 22:20

Ke bé wiéé liké'n di'n, o fa klôwa'n maan bé, o sé ke: Liké ng'o ô klôwa nga nun'n, o ti min mmôdya b'o man amun nin Nyanmien amunh dih anuanse ufle, amun ti ye bé su wa gue i aséo.]

JÉSUS-CHRIST I DYASIN FE'N BO LUC KLELI'N 5:38

Sannge bé fa du vin lofle'n gua kôtôkun ufle'n nun.

1 Korɛntfuɛ Mun 11:25

Ke bé wiéé liké'n di'n, o faa klôwa nga nun'n o ti min mmôdya b'o man amun nin Nyanmien amunh dih anuanse. Tyen kwlaa nga amunh nonh nun'n, anh yôé ke nga n yôé ye'n sa, man amun wla kpen n su.

2 Korɛntfuɛ Mun 3:6

I kunngba'n ye man é kwla di sa ufle nga i waan oh yôh man swran'n i dyunman nion. O ti'a mmla bo bé klelio, sannge o ti Nyanmien Wawe'n lie. Afin mmla nga bé kleli'n o man swran wu, sannge Nyanmien Wawe'n lie'n o man swran nyan nguan.

Hébreu 12:24

nin Jésus b'o ti sa ufle nga Nyanmien waan oh yôh man swran'n i nun dyranfue'n bé wun. Jésus mmôdya b'o fa kpentenkpenten'n, se o kwla idyo'n, wuun oh kanh nde ke tra Abel lie'n.

Hébreu 7:22

I so'n ti, Jésus man é si ke sa nga Nyanmien sé ke oh yôh man yé'n ti kpa, tra laa lie ng'o yôli'n.

Hébreu 8:13

Ke Nyanmien kanh ke, oh yôh sa ufle man swran'n, o klé ke laa lie'n i ble'n wa sin, afin nga bo wa tye, bo i ble lie'n su sin'n, o tye kaan bé su di'a su kun.

Hébreu 8:6

Sannge sien'n, ba fa Christ a sié Nyanmien nyrun dyranle dyunman b'o ti kpa tra bé nga'm bé lie'n su, afin o ti sa kpa nga Nyanmien waan oh yôh man swran mun'n i nun dyranfue. Sa so'n i kpa tra laa lie'n, afin sa nga Nyanmien waan oh yôh bé sien'n ti kpa tra laa lie'n.

Hébreu 9:15

I so'n ti ye o ti sa ufle nga Nyanmien waan oh yôh man swran'n i nun dyranfue nion. I wule b'o wuli'n ti o dé bé nga bé fa sa klikli nga Nyanmien waan oh yôh man swran'n su'n bo bé yô sa te'n, i sae'n nun. O man bé nga Nyanmien flee bé'n béh nyanh liké kpakpa ng'o wiéman mlonmlon bo i waan oh fah man bé'n.