Hébreu 8:5 - Nyanmien nde Ufle

⁵ Bé Nyanmien nyrun dyranle dyunman nga bé di'n, o ti nyanmien su lo le kpa'n i sonnzon su, o nin i wawe. Ke Moïse lie'n kusu ti soo. I nun nga o wa kplan tannin sua'n, Nyanmien séé i ke, «o nien i wafa kwlaa ng'o klélii ôka'n su lo'n su yô.»

NYANMIƐN NDƐ'N 1998

⁵ Be Nyanmiɛn nyrun jranlɛ junman nga be di'n, ɔ ti nyanmiɛn su lɔ liɛ kpa'n i nzɔliɛ ɔ nin i wawɛ. Kɛ Moiz liɛ'n kusu ti sɔ-ɔ. I nun nga ɔ wa kplan tannin sua'n, Nyanmiɛn seli i kɛ: «I wafa nga n kleli wɔ oka'n su lɔ'n, niɛn i kwlaa'n su kpa yo .»

Hébreu 8:5 ပူးပေါင်းရင်းမြစ်များ

Matthieu 2:12

I sin bé fa atin ufle bé oo bé oo bé men nun, afin Nyanmien séé bé lalie nun ke, nanh man bé sa bé sin Hérode wun lo kun.

Sa nga bé yôli'n 7:44

Ke é nannan'm bé ô blô lo'n, bé le tannin sua b'o klé ke Nyanmien nin bé ô le. Moïse yôli i wafa nga Nyanmien klélii ke o yô'n.

Kolɔsfuɛ Mun 2:17

Liké so'n kwlaa ti liké ng'o wa yô'n bé wawe, i kpafue'n yele Christ.

Hébreu 10:1

Afin mmla'n ti ke liké kpakpa nga béh bah'n bé wawe sa, o klé'a bé wafa kpa'n. I so'n ti ye ke bé fa su bo bé so Nyanmien i wafa kunngba'n afue nuan'n kwlaa'n, o kwla yôman man bé nga bé fa bé wun mantan Nyanmien so'n, bé yô'a swran kpa mlonmlon nion.

Hébreu 11:7

Nyanmien su bo Noé lafi'n ti, ke o bôô liké nga bé nian wu'en lé'n su klélii'n, o bôbôô mméli kun o fa dé i ôsufue mun, srôle b'o srôé'n ti. Ke o yôô so'n, o buu menfue'm bé fo, ye o yôô swran kpa i su b'o lafi'n ti.

Hébreu 12:25

Anh nian amun wun kpa, nanh an kpalô nde nga bé kan klé amun'n. Bé nga bé kpalô swran ng'o kan nde kléé bé asie'n su wa'n i nde'n, ba fité'a nun. Se é kusu é katyi é sin si swran ng'o ô nyanmien su lo b'o kan nde klé yé'n, é su fité'a nun mlonmlon.

Hébreu 13:10

Nyanmien nyrun dyranfue bo bé di dyunman Juif'm bé tannin sua'n nun'n, bé kwla di'a é Nyanmien su.

Hébreu 9:9

O ti ble nga é ô nun ye'n lie'n i sonnzon su. O klé ke liké nga bé fa man Nyanmien'n nin nnen ng bé fa soe'n, o man bé nga bé men i so liké'n bé klun titile'n wiéman.

Sa nglô yile 15:5

I sin n wuun nyanmien su lo Nyanmien sua bo i nun ye o yi i wun nglô'n. Nyanmien lika'n b'o ô i klun lo'n i anuan'n la su.