Hébreu 8:3 - Nyanmien nde Ufle

³ Nyanmien nyrun dyranfue dan kwlaa nga bé sié bé'n, bé sié bé ke bé fa liké nga swran'm bé waan béh fah man Nyanmien'n nin nnen nga béh fah soe'n bé fa men. O man é lie'n, kusu o fata ke o nyan liké wié fa men.

NYANMIƐN NDƐ'N 1998

³ Nyanmiɛn nyrun jranfuɛ'm be su kpɛn kwlaa nga be sie be'n, be sie be kɛ be `fa like nga sran'm be waan be ´fa man Nyanmiɛn'n nin nnɛn nga be ´fa sɔ i'n, be fa mɛn i. Ɔ man e liɛ'n kusu, ɔ fata kɛ ɔ nyan like wie fa mɛn i.

Hébreu 8:3 ပူးပေါင်းရင်းမြစ်များ

Jean 6:51

M bobo n ti kpaun b'o man nguan, n fin nyanmien su lo ye m balio. Swran ng'o di kpaun so'n wié'n, o su wu'a mlonmlon, min nnen'n ye o ti kpaun so'n bo nh fah man nion. Nh fah man so nan menmenfue'm béh nyanh nguan.

Rɔmfuɛ Mun 4:25

Nyanmien yii i ke o wa wu sa nga é yôli'n ti, ye é swran kpa bule ti ye o tyennin io.

Rɔmfuɛ Mun 5:6

Afin ke é bobo é nian kwla yô'a sa fi'n, ke ble nga Nyanmien siéli'n dyuli'n, bé nga bé srômen'n bé ti Christ wuli.

Rɔmfuɛ Mun 5:8

Sannge Nyanmien klé é ke o klô é, afin ke é te ti sa te yôfue'n, é ti o man Christ wuli.

Galasifuɛ Mun 2:20

o man ôle nga n wô ye'n nanh n ngunmin ye n wôo, min nin Christ ye é wôo, ye sulafile bo n lafi Nyanmien i Wa b'o klôli min b'o fe i wun mannin min ti'n, i ti ye n wô leo.

Efɛzfuɛ Mun 5:2

Sa kwlaa nga amunh yôh'n, anh yôé swran klôle'n ti, ke Christ kusu klôli é b'o fe i wun maan Nyanmien é ti ke te nnen bo bé yre'n (*f41*) b'o bon fannin Nyanmien bué nun'n sa.

Tite 2:14

É ti o fe i wun mannin, nan oh yih é sa tete'n kwlaa nun, nan é katyi i sa ti swran bo é wun sa tete'n kwlaa wa wié, bo é tu é klun yô swran yé.

Hébreu 2:17

Ke o yô nan wa yô Nyanmien nyrun dyranfue dan, wa si i niaan'm bé aunnvue, wa si Nyanmien dyunman'n di kpa, nan wa kwla yatyi swran'm bé wun sa'n wa tye bé'n, san oh katyih i wun ke bé sa.

Hébreu 3:1

I so'n ti, aniaan bo an ti Nyanmien lie b'o flee amun wié'n, anh bu Jésus bo Nyanmien sunmeen i ke o yô i nyrun dyranfue dan i su bo é lafi'n ti'n, i akunndan.

Hébreu 5:1

Nyanmien nyrun dyranfue dan kwlaa nga bé fa bé'n, bé sié bé ke bé dyran swran'm bé nuan Nyanmien nyrun nan bé fa liké nga swran'm bé waan béh fah men'n nin nnen nga bé fa soe'n, bé fa men.

Hébreu 7:27

O nin Nyanmien nyrun dyranfue dandan nga mun ti'a kun, o yô'a sa te fi, o man o bô'a e so'a Nyanmien i bobo ti nan wa soe swran'm bé ti, ke bé nga'm bé yôé tyen'n kwlaa'n sa. Ke o fe i wun mannin'n, o soli Nyanmien kpe kunngba o wiéli.

Hébreu 8:4

Se o ti asie'n su wafue'n, wuun o su yô'a Nyanmien nyrun dyranfue, afin bé nga bé klee mmla'n nun ke bé fa liké nga swran'm bé waan béh fah man Nyanmien'n bé fa men'n, i sofue'm bé ô le.

Hébreu 9:14

Se o ti so'n, Christ kwla fe i mmôdya lie'n kusu yô liké b'o tra wun asô bôle'n fatifati! Ke o ti aôlia nun swran b'o ti anannganman'n ti'n, o fe i bobo bo fien kaan nu'en i wun'n maan Nyanmien. O man liké nga bé yô'a liké fi yé bo é yô bé man é klun titi yé'n, oh wiéh nan é kwla su Anannganman Nyanmien'n!