Hébreu 8:10 - Nyanmien nde Ufle

¹⁰ É Min'n sé ke: Nian sa nga n waan tyen wié lélé nh yôh Man Israël ôsufue mun'n ye: M man min mmla'n tranh bé klun, Ye nh fah kle bé awlen'n nun. Nh yôh bé Nyanmien, Ye bé kusu béh yôh n swran

NYANMIƐN NDƐ'N 1998

¹⁰ E Min'n seli ekun kɛ: ‹Aenguɛ nga cɛn wie e nin Izraɛl nvle'n e ´tra'n yɛ: N man min mmla'n ´tran be klun, yɛ n ´fa min mmla'n klɛ be anwlɛn'n nun. N ´yo be Nyanmiɛn, yɛ be kusu be ´yo min sran.

Hébreu 8:10 ပူးပေါင်းရင်းမြစ်များ

Matthieu 22:32

«o ti Abraham, nin Isaac, nin Jacob bé Nyanmien'n» i lé? Nyanmien ti'a bé nga bé wuli'n bé lie, sannge o ti bé nga bé ô nguan nun'n bé Nyanmien.

Rɔmfuɛ Mun 11:27

Nian sa nga n sé bé ke nh yôh man bé Tyen nga nh yatyih sa nga bé yô min'n tye bé'n ye.»

1 Korɛntfuɛ Mun 6:16

?An si'a ke swran b'o nin téklé bla kun bé san nun'n, wuun ba katyi swran wunmuan? Afin bé klee ke «bé nnyon'n béh katyih swran wunmuan.»

2 Korɛntfuɛ Mun 3:3

Bé wun ke an ti fluwa bo Christ kle fa sunmaan é. Wa fa'a crayon a klemen yebue paplapa wié su, sannge o fa Anannganman Nyanmien Wawe'n ye o fa klee swran'm bé awlen'n nuon.

Tite 2:14

É ti o fe i wun mannin, nan oh yih é sa tete'n kwlaa nun, nan é katyi i sa ti swran bo é wun sa tete'n kwlaa wa wié, bo é tu é klun yô swran yé.

Hébreu 11:16

Ba yô'a so, sannge bé kunnde nvlé nga i kpa tra nvlé so'n, yele nyanmien su lo lie'n. I so'n ti, ke bé sé ke o ti bé Nyanmien'n, nyannzuen kunmen, afin wa yô klo kun a sié bé.

Jacques 1:18

I nde nanwle'n ti o fa é katyi i wa i klun klô su, nan ya yô liké kwlaa ng'o yii bé'n, bé nun klikli.

Jacques 1:21

I so'n ti, anh wla nzuen tete'n nin klunwi'n kwlaa bé asé. Anh yô amun wun aénvue, anh fa nde nga Nyanmien kan klé amun'n su. I ye man amunh nyanh amun tio.

1 Piɛr 1:23

Nyanmien nde b'o katyimen, b'o ô le titi'n ti, o wuu amun ufle, o man amun si'n ti'a swran b'o wu, o ô le tititi.

1 Piɛr 2:9

Sannge amun lie'n, an ti swran bo Nyanmien faa amun, an ti Famien Nyanmien'n i nyrun dyranfue, an ti Nyanmien nvlé'n nun swran, an ti i lie mlonmlon. O faa amun ke an yi i b'o flee amun ke an dyaô aôsin nun, an bla lika ng'o kpadya kpa'n nun'n i aye.