Hébreu 7:25 - Nyanmien nde Ufle

²⁵ I so'n ti, o man bé bo i ti bé mantan Nyanmien béh kwlah nyan bé ti mlonmlon, afin o ô le titi o sre Nyanmien ke o nian bé su.

NYANMIƐN NDƐ'N 1998

²⁵ I sɔ'n ti'n, ɔ man be bɔ i ti be mantan Nyanmiɛn'n, be ´kwla nyan bé ti mlɔnmlɔn, afin ɔ o lɛ titi ɔ srɛ Nyanmiɛn kɛ ɔ nian bé su.

Hébreu 7:25 ပူးပေါင်းရင်းမြစ်များ

Jean 14:13

Liké kwlaa nga an fa n dunman sre'n, nh yôh nan m bo n ti é Si i Wa'n m men i komin su.

Jean 14:16

Nh kôh sre é Si'n, oh bleh amun swran ufle b'o uka amun, yele Nyanmien Wawe'n b'o ti nanwlefue'n, o nin amunh tranh titi. Men nunfue'm bé kwla nyenmen, yele ke bé wunmen ye bé simen, sannge amun lie'n, an sii, afin o nin amun ye o traan, ye o wa tran amun awlen'n nun.

Jean 14:6

Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.

Rɔmfuɛ Mun 5:10

Afin se laa bo é ti Nyanmien i kpofue'n b'o fe i Wa'n siésié é afien'n, sien'n bo é nin i é afien a se'n, i Wa'n i nyin b'o ô su'n ti, oh déh é ti kpe blu.

Rɔmfuɛ Mun 5:2

I ye man é sii ke Nyanmien yô é yéo, i su bo é lafi'n ti, sien'n é su di yé so'n. Anyrunnyan bo Nyanmien waan oh manh é bo é nyin ô i sin'n ti, é wun blibli é.

Rɔmfuɛ Mun 8:34

?Wan ye o kwla sé ke ba di foo? Christ-Jésus ye o wulio, kusu o tyennin, o ô Nyanmien Kpli'n i fama su, o kpete man é.

1 Korɛntfuɛ Mun 1:21

Nyanmien wun ke o ti kpa ke o fa sinnzin nde so'n dé bé nga bé fa su'n, afin Nyanmien b'o si sa'n kwlaa'n, o wun ke swran'm bé nin bé ngwlele bo bé sii'n, ba simen.

Efɛzfuɛ Mun 2:18

afin é kwlaa, se é ti Juif ô, se é ti'a Juif ô, Christ ti é kwla ko é Si Nyanmien wun lo i Wawe'n i fanngan nun.

Efɛzfuɛ Mun 3:12

Swran wunmuan bo é nin i a katyi, nin i su bo é lafi'n ti, é kwla ko Nyanmien wun lo, é klun ti'a é kaan sa.

Efɛzfuɛ Mun 3:20

Ke é wun sa nga Nyanmien Kpli'n yô man yé'n, o man é si ke o kwla yô sa dan tra liké kwlaa nga é sre i ke o yô'n, o nin liké kwlaa nga é bu i akunndan'n.

Filipfuɛ Mun 3:21

O wa fa é wunnen b'o ti'a liké fi'n o yô man oh katyih ke i wunnen b'o fa oo lika ng'o le nyrun lo'n nun'n sa. I kwlale b'o fa sié liké'n kwlaa'n ye oh fah katyi io.

1 Timote 2:5

Afin Nyanmien'n ti kun, ye kpatafue ng'o dyran swran'm bé nuan kpata Nyanmien'n ti kun kusu, yele Christ-Jésus, o ti swran.

2 Timote 1:12

I so'n ti ye n wun nyrennen ngaa, sannge o nin i so'n ngba nyannzuen ku'an min, afin n si swran nga n fa n wla'n guee i su'n. N sii wéiin ke liké kwlaa nga o fa wlaa n sa nun'n, i bobo kwla nian su lélé fa dyu tyen so'n nun.

Hébreu 11:6

Afin se bé lafi'e i su'n, i klun dyo'a bé wun mlonmlon. O man swran nga i waan oh feh i wun mantan Nyanmien'n, mon o lafi su ke o ô le, ye bé nga bé kunndee'n, oh yih i wun klé bé.

Hébreu 13:15

I so'n ti, man manmanle nga é manman Nyanmien titi'n yô ke asénna liké bo é fa man Jésus ke o fa men'n sa. Ke éh yôh so'n, é bô i dunman.

Hébreu 2:18

Afin ke o wunnin nyrennen lakale bo bé lekelii'n ti'n, i kusu kwla uka bé nga bé bé'n.

Hébreu 2:9

Sannge é wun Jésus bo Nyanmien yôli man ange'm bé kpa'n trelii lé nnyon kun'n, ke bé siéli i famien, o man bé menmen, nyrennen wié'n b'o wuli'n ti. Ke o yôô so'n, é wun ke Nyanmien i aklunyé'n ti ye o wuu swran'n kwlaa bé tio.

Hébreu 5:7

Ke Christ so'n wô asie'n su wa'n, o kpannin, i nyinmuen guali, nan wa sre Nyanmien b'o kwla déé wié'n nun'n ke o nien i su, o dyran su kpa. Srôle b'o srô Nyanmien'n ti o tili.

Hébreu 7:16

Ke béh siééh'n, ba nia'an mmla ng'o klé swran wafa'n su ye bé siéé io, sannge anannganman nguan'n b'o le b'o man o kwla'n ti ye bé fe siélio.

Hébreu 7:19

o man liké fi kwla yô'a kpa, ye bé fa liké ufle bo i kpa tre, bo é kwla fa é wla'n gua su'n siéé i ôsu, o man é kwla mantan Nyanmien.

Hébreu 7:24

sannge Jésus lie'n, ke o wuman'n ti, i Nyanmien nyrun dyranle'n bé su fa ma'an swran ufle

Hébreu 7:8

Nyanmien nyrun dyranfue bo bé fa ninngé'm bé blusu'n, bé ti swran bo bé wu, sannge Melchisédek lie'n, bé klee Nyanmien Nde'n nun ke i b'o wuman'n, ye o faa ninngé'm bé blusu nion.

Hébreu 9:24

Afin nanh Nyanmien lika b'o ti swran sa nuan b'o ti kpafue'n i sonnzon su'n i nun ye Christ wlulio, sannge o oo nyanmien bobo su lo Nyanmien wun o, o man ke é sé ye'n, o dyran é nuan.

Jude 1:24

Nyanmien b'o kwla nian amun su b'o man an fonman'n, bo ke o man amunh koh i wun lo'n, sa kaan sa bo'an amun wun, amun klun dyo'n,