Hébreu 7:19 - Nyanmien nde Ufle

¹⁹ o man liké fi kwla yô'a kpa, ye bé fa liké ufle bo i kpa tre, bo é kwla fa é wla'n gua su'n siéé i ôsu, o man é kwla mantan Nyanmien.

NYANMIƐN NDƐ'N 1998

¹⁹ Mmla sɔ'n man like fi kwla yo-man kpa, yɛ like uflɛ bɔ i kpa trɛ i'n, bɔ e kwla fa é wla'n gua su'n, be fa sieli i osu, ɔ man e kwla mantan Nyanmiɛn.

Hébreu 7:19 ပူးပေါင်းရင်းမြစ်များ

Jean 1:17

Moïse ye Nyanmien man o fa mmla'n maan yéo, Jésus-Christ kusu ye o fa yé yôle'n nin nanwle'n balio.

Jean 14:6

Jésus sé i ke: Min ye n ti atin nin nanwle nin nguan nion. Swran nga wa si'an min nun'n, o dyu'a é Si wun lo.

Sa nga bé yôli'n 13:39

Sa nga ke an fa Moïse mmla'n su'n amuan nya'an amun ti bé nun'n, sien'n swran kwlaa nga bé lafi Christ su'n, béh nyanh bé ti sa so'm bé nun.

Rɔmfuɛ Mun 5:2

I ye man é sii ke Nyanmien yô é yéo, i su bo é lafi'n ti, sien'n é su di yé so'n. Anyrunnyan bo Nyanmien waan oh manh é bo é nyin ô i sin'n ti, é wun blibli é.

Rɔmfuɛ Mun 7:7

?O man é sé se? ?É sé ke mmla'n ti sa te? O ti'a so mlonmlon! Afin se o ti'a mmla'n ti'n, n si'a ke sa te'n ti te, yele ke se o ti'a ke bé klee mmla'n nun ke: «Nanh o nyin blô swran liké su'n,» wuun n si'a liké nga bé flee ke bé nyin blô liké su'n.

Rɔmfuɛ Mun 8:3

Liké nga Moïse mmla'n kwle'e i yô'n klo swran i nzuen'n ti'n, Nyanmien bobo yôli. Ke o man i bobo Wa'n katyi ke klo swran b'o yô sa te'n sa, b'o sunmenniin ke o yô te nnen'n, o klé ke sa te b'o ti klo swran nzuen'n ti te, o man se o wié'n, o ti su.

Galasifuɛ Mun 2:16

Kannze é ti so'n, é si ke Nyanmien bu'a swran fi swran kpa mmla'n b'o fa su'n ti, san Christ-Jésus su bo swran lafi'n ti ye man Nyanmien bui swran kpaa. É kusu, ke o kô yô nan Nyanmien a bu é swran kpa Christ bo é lafi su'n ti, nan wa yô'a ke mmla'n bo é fa su'n ti ye o bu é swran kpa'n, i ti ye é lafii Christ-Jésus suo. Afin Nyanmien su bu'a swran fi swran kpa mmla'n b'o fa su'n ti.

Galasifuɛ Mun 3:21

?Liké nga Nyanmien waan oh yôh'n, mmla'n ti o yô'e kun? O ti'a so mlonmlon! Se Nyanmien kwla fa mmla kun man swran b'o man bé nyan nguan'n, wuun o mannin, ye mmla so'n su fale'n ti oh buh swran swran kpa.

Galasifuɛ Mun 3:24

O man mmla'n ti ke swran kun b'o klé é atin nga é fa su'n lélé Christ bali, nan Nyanmien a bu é swran kpa i su bo é lafi'n ti.

Efɛzfuɛ Mun 3:12

Swran wunmuan bo é nin i a katyi, nin i su bo é lafi'n ti, é kwla ko Nyanmien wun lo, é klun ti'a é kaan sa.

Kolɔsfuɛ Mun 1:27

Afin Nyanmien klô ke i swran'm bé si nvlénvlé'n kwlaa bé wun akunndan kpa ng'o buli b'o fie swran'm bé wun'n. Akunndan kpa so'n yele ke, Christ tran amun awlen'n nun, o man amun wla ô su ke Nyanmien man amunh nyanh nyrun.

1 Timote 1:1

M Paul bo é Défue Nyanmien nin Christ-Jésus bo é fa é wla gue i su'n bé waan béh sunmanh min bo Christ-Jésus so'n sunmaan min'n,

Hébreu 10:1

Afin mmla'n ti ke liké kpakpa nga béh bah'n bé wawe sa, o klé'a bé wafa kpa'n. I so'n ti ye ke bé fa su bo bé so Nyanmien i wafa kunngba'n afue nuan'n kwlaa'n, o kwla yôman man bé nga bé fa bé wun mantan Nyanmien so'n, bé yô'a swran kpa mlonmlon nion.

Hébreu 11:40

Afin Nyanmien siéé liké nga i kpa tra bé lie'n lo sié é, o man se é nu'an nun'n, bé su yô'a kpa.

Hébreu 11:6

Afin se bé lafi'e i su'n, i klun dyo'a bé wun mlonmlon. O man swran nga i waan oh feh i wun mantan Nyanmien'n, mon o lafi su ke o ô le, ye bé nga bé kunndee'n, oh yih i wun klé bé.

Hébreu 3:6

Christ kusu, ke o ti i Wa'n, o nien i bobo i awlô'n su kpa so. Se é tra é awlen dyran kéklé lafi liké nga é wla ô su ke éh nyenh'n su kpa'n, é ti i awlô.

Hébreu 4:16

I so'n ti, man é fa é wla gua Nyanmien su é wunngé i bia'n bo bé ko loo bé nyan yé'n i wun lo nan o si é aunnvue, nan ble nga é sa mian'n, o yô é yé, o ti é wun nyanman nun.

Hébreu 6:18

O man nde ng'o kannin'n nin nda ng'o tali'n, liké nnyon so'n o katyi'a bé, o bua'a atô. I so'n ti, o wla é bo é talôlii'n é fanngan ke é kplin é nyin nan é nyan liké ng'o sié é nyrun lo siéli é, bo é wla ô su ke éh nyenh'n.

Hébreu 7:11

Mmla nga Nyanmien fa maan Israël mun'n o taka Lévifue'm bé Nyanmien nyrun dyranle'n su. Se o ti ke bé dyunman nga bé dili'n o yôô yé, b'o man swran'm bé yô kpa'n, wuun Nyanmien nyrun dyranfue ufle b'o fi'an Aaron ôsu'n nun, b'o ti ke Melchisédek sa'n wa ba'a kun.

Hébreu 7:20

Nyanmien taa nda ye o fe siéé i nyrun dyranfue nion,

Hébreu 7:25

I so'n ti, o man bé bo i ti bé mantan Nyanmien béh kwlah nyan bé ti mlonmlon, afin o ô le titi o sre Nyanmien ke o nian bé su.

Hébreu 8:6

Sannge sien'n, ba fa Christ a sié Nyanmien nyrun dyranle dyunman b'o ti kpa tra bé nga'm bé lie'n su, afin o ti sa kpa nga Nyanmien waan oh yôh man swran mun'n i nun dyranfue. Sa so'n i kpa tra laa lie'n, afin sa nga Nyanmien waan oh yôh bé sien'n ti kpa tra laa lie'n.

Hébreu 9:9

O ti ble nga é ô nun ye'n lie'n i sonnzon su. O klé ke liké nga bé fa man Nyanmien'n nin nnen ng bé fa soe'n, o man bé nga bé men i so liké'n bé klun titile'n wiéman.

Jacques 4:8

Anh fa amun wun mantan Nyanmien, ye i kusu feh i wun mantan amuon. Sa te yôfue mun, anh wunnzin amun sa, akunndan nnyonnyonfue mun, anh yatyi akunndan tete'n.