Hébreu 7:16 - Nyanmien nde Ufle

¹⁶ Ke béh siééh'n, ba nia'an mmla ng'o klé swran wafa'n su ye bé siéé io, sannge anannganman nguan'n b'o le b'o man o kwla'n ti ye bé fe siélio.

NYANMIƐN NDƐ'N 1998

¹⁶ Kɛ be ´sie i'n, b'a nian-man mmla ng'ɔ kle sran'm be wafa bɔ be ti i su yɛ be sieli i-ɔ, sanngɛ anannganman nguan'n bɔ lɛ i b'ɔ man ɔ kwla'n ti yɛ be fɛ i sieli-ɔ.

Hébreu 7:16 ပူးပေါင်းရင်းမြစ်များ

Rɔmfuɛ Mun 7:14

É si ke mmla'n ti Nyanmien Wawe liké, sannge n lie'n, n ti klo swran, se sa te b'o ti min nzuen'n ti swran'n, nh séh ke ba yô min ate i sa nun.

Galasifuɛ Mun 4:3

É kusu, se é kwla sé ke ninngé nga é nannan'm bé klé'n ti swran'n, wuun éh séh ke, ke é te yô ke bakan sa'n, é ti i akua.

Galasifuɛ Mun 4:9

?Sannge sien'n, ke amuan si Nyanmien'n, annze bo Nyanmien bobo a si amun'n, nzu ti ye an klô ke amunh sah amun sin ko ninngé ngbenngben bo bé kwla yô'a liké fi'n bé sin ékun ke amunh kôh yô bé akuaa?

Kolɔsfuɛ Mun 2:14

O nunnuun mmla'n i nun nde ng'o ti é wun nde b'o man é di'a aladyé'n. O gueli i asé, afin o ti ke o bôbôlii waka'n su sa.

Kolɔsfuɛ Mun 2:20

?Se amun nin Christ ye an wuli'n, bo amun nin asie'n su ninngé'm ba bu'n, nzu ti ye an te yô amun wun ke an ti asie'n sufue sa bo an di bé mmla'n suo?

Hébreu 10:1

Afin mmla'n ti ke liké kpakpa nga béh bah'n bé wawe sa, o klé'a bé wafa kpa'n. I so'n ti ye ke bé fa su bo bé so Nyanmien i wafa kunngba'n afue nuan'n kwlaa'n, o kwla yôman man bé nga bé fa bé wun mantan Nyanmien so'n, bé yô'a swran kpa mlonmlon nion.

Hébreu 7:15

Ke Nyanmien nyrun dyranfue ufle b'o ti ke Melchisédek sa'n bali'n, o man sa so'n i nyin fitéé wéiin.

Hébreu 7:17

Afin bé klelii Nyanmien Nde'n nun ke: «A ti Nyanmien nyrun dyranfue bo ah kah le titi ke Melchisédek lie'n sa.»

Hébreu 7:21

sannge bé nga'm bé lie'n, wa ta'a nda ye bé siéé béo. Sannge Jésus lie'n, Nyanmien b'o fe siéli'n, o taa nda ye o fe siélio, afin o sé ke: «É Min'n wa ta nda, o su katyi'e i akunndan'n, a ti Nyanmien nyrun dyranfue bo ah fah le tititi.»

Hébreu 7:28

Bé nian mmla'n su bé fa swran'm bo bé kwla yô'a liké fi'n sié Nyanmien nyrun dyranfue dan, sannge ke mmla'n wô le lélé'n, nde nga Nyanmien wa ta nda kannin'n ti o fe i Wa'n b'o ti kpa lélé gue i ti nin i bô'n, siéé i nyrun dyranfue dan.

Hébreu 7:3

Bé si'e i si, nin i nin, nin i nannan, ya kenngenmen i nde ke bé wulii, ye o wuli. O ti ke Nyanmien Wa'n sa, o man oh keh i Nyanmien nyrun dyranle'n su tititi.

Hébreu 9:14

Se o ti so'n, Christ kwla fe i mmôdya lie'n kusu yô liké b'o tra wun asô bôle'n fatifati! Ke o ti aôlia nun swran b'o ti anannganman'n ti'n, o fe i bobo bo fien kaan nu'en i wun'n maan Nyanmien. O man liké nga bé yô'a liké fi yé bo é yô bé man é klun titi yé'n, oh wiéh nan é kwla su Anannganman Nyanmien'n!

Sa nglô yile 1:18

N ti anannganman, n wuli, sannge n tyennin, sien'n min nyin ô su, ye nh kah le tititi. Min ye n sié Wié nion, ye blolo lo la clé'n wô n sa nun.