Hébreu 6:2 - Nyanmien nde Ufle

² bé yô swran'm bé baptême wafawafa'n, bé sié bé sa swran'm bé su, swran'm bé tyen, ye Nyanmien bu ndeo o katyimen'n.

NYANMIƐN NDƐ'N 1998

² be `yo sran'm be batɛm wafa-wafa'n, be `sie bé sa sran'm bé su'n, sran'm be cɛn'n, yɛ Nyanmiɛn bu ndɛ-ɔ ɔ kaci-mɛn i'n.

Hébreu 6:2 ပူးပေါင်းရင်းမြစ်များ

Matthieu 28:19

I so'n ti, anh wo kô klé nvlénvlé'n kwlaa bé liké, man bé katyi n sonnzonfue, ye anh yô bé baptême é Si Nyanmien, nin i Wa'n, nin i Wawe'n bé dunman nun.

Matthieu 3:14

Sannge Jean waan o kpli'an su, nan wa sé ke: Min ye o fata ke a yô min baptêmeon, sannge a su ba n sin ke n yô o baptême.

Marc 16:16

Swran ng'o lafi su nan bé yô i baptême'n, oh fitéh nun, sannge ng'o lafi'a su'n béh séh ke wa di fo.

Marc 7:4

Ke bé fin guabô ba'n, se bé nian wunnzinman'n, bé di'a liké mlonmlon. Bé le nzuen ufle kpanngban bo bé yô bé ékun, klôwa, nin ôndôman, nin aaba'm bé nun wunnzinle.

Marc 7:8

Ye Jésus sé ke: An yatyi Nyanmien mmla'n, an dyran lalafue'm bé nzuen'n su.

JÉSUS-CHRIST I DYASIN FE'N BO LUC KLELI'N 11:38

Ke Pharisifue'n wuun ke wa wunnzi'en i sa nan wa di liké'n, o bô i nuan kpa.

JÉSUS-CHRIST I DYASIN FE'N BO LUC KLELI'N 12:50

Baptême wafa kun ô le bo san nh yôh, o ka n ngunmin'n ba yô min man nyan n ti!

JÉSUS-CHRIST I DYASIN FE'N BO LUC KLELI'N 14:14

Se a yô so'n, Nyanmien wa yô o lie yé. Bé lie'n bé le'a liké nan ba yô wié a man o, Nyanmien bobo ye, ke swran kpa'm bé tyen'n, oh yôh o lie'n man o.

JÉSUS-CHRIST I DYASIN FE'N BO LUC KLELI'N 3:16

N lie'n, n yô amun baptême nzué'n nun, sannge swran ng'o le nyrun tra min'n, o su ba, min nin i ngbabua nyanman'n i nyanndyile fataman.

Jean 1:33

Laa n simen, sannge Nyanmien b'o sunmaan n ke m ma yô baptême so'n, o sé n ke: Swran nga a wun ke n Wawe'n o dyra o wa tren i su'n, i ye oh fah n Wawe'n yô swran'm bé baptême nion.

Jean 5:29

béh fiah ndia'n nun fité. Bé nga bé yôô sa kpa'n, béh tyenh béh nyanh nguan, bé nga bé yôô sa te'n, béh tyenh, béh fah bé ko dyole difue'n i dyasu.

Sa nga bé yôli'n 10:47

Ye Pierre maan nde'n su ékun ke: ?Bé nga Nyanmien fe i Wawe'n maan bé ke é lie'n sa'n, é kwla sé bé ke, nanh man bé yô bé baptême nzué'n nun?

Sa nga bé yôli'n 13:3

Ke bé kpe sre nun bo bé nin Nyanmien kôkô yale wiéli'n, bé fa bé sa fuaa bé su, nan ba man bé atin ke bé wo.

Sa nga bé yôli'n 16:15

Ke bé yôô i nin i ôsufue'm bé baptême'n, o fle é, o sé ke: Se an bu n ke man lafi é Min'n su sakpa'n, an bla é kô sié liké. O dyraan su kpa.

Sa nga bé yôli'n 16:33

O fa bé kô mianmian bé kannin'n kongue so'n, kpekuun bé yôô i nin i awlôfue'n kwlaa bé baptême.

Sa nga bé yôli'n 17:18

Fluwa sifue dandan wié'm bo bé fle bé épicurefue nin stoïquefue'n bé nin Paul kaan nde. Bé wié'm bé sé ke: ?Fiaifue nga i wannze? Ye wié'm bé sé ke: O su kan nvlé wié'm bé amuen nde. Sa ti bo bé ken i so'n yele ke o kan Jésus nde nin swran'm bé tyenle nde.

Sa nga bé yôli'n 2:38

Ye Pierre séé bé ke: Anh katyi amun nzuen'n man bé yô amun kwlakwlakwla amun baptême Jésus-Christ dunman nun, man Nyanmien yatyi sa nga an yôlii'n tye amun, ye o fe i Wawe'n man amun.

Sa nga bé yôli'n 2:41

Bé bo bé fe i nde'n su'n, bé yôô bé baptême, tyen so'n nun swran bo bé dyu bo akpi-nsan kun bé ukaa bé su.

Sa nga bé yôli'n 23:6

Ke Paul si ke bé bo bé yiaa le'n bé ti akpasua nnyon'n, akpasua kun ti Pharisifue (*f4*), ye kun ékun ti Sadducéfue'n (*f5*), o kpan dyole difue'm bé nyrun le ke: Nnya mun, n ti Pharisifue, Pharisifue'm bé wa yele min, n wla bo n fa gua swran nga bé wu'n bé tyenle nde'n su'n, i ti ye bé sanmaan mion.

Sa nga bé yôli'n 24:15

N lafi Nyanmien su ke swran kpa ô, swran te ô, béh tyenh, ye bé kusu bé lafi i so'n su wié.

Sa nga bé yôli'n 24:21

Se o ti'a kpanle bo tyen so'n nun n kpan sé bé ke, bé sanmaan min bé dyasu swran'm bé tyenle bo n lafi su'n ti'n, wuun bé le'a nde fi.

Sa nga bé yôli'n 24:25

Sannge ke Paul su kan nanwle dile'n nin bé wun su nianle'n nin dyole dile b'o wa ba'n bé nde'n, sre kunnin Félix, nan wa sé ke: Nde lie'n ko, se n nyan n tio, tyen ufle n kô fle o.

Sa nga bé yôli'n 26:8

?Nzu ti ye an lafi'a su ke bé nga bé wuli'n Nyanmien kwla tyen béo?

Sa nga bé yôli'n 4:2

Ke bé wuun ke bé su klé swran'm bé liké'n, o yôô bé ya kpa yele ke, ke béh kanh Jésus nde'n, bé sé bé ke swran'm bé tyen.

Sa nga bé yôli'n 6:6

Bé fa bé kléé bé bo Jésus sunmaan bé'n. Ke bé sree Nyanmien ke o dyran bé sin'n, bé fa bé sa fuaa bé su.

Rɔmfuɛ Mun 2:16

Dyasin fe'n bo n kan'n, o klé ke bé wa wun i wle so tyen nga Nyanmien man Christ-Jésus wa nian sa nga swran'm bé yô fia'n, se o ti kpa ô, se o ti te ô.

1 Korɛntfuɛ Mun 10:2

Ke bé wluu dyénvié'n nin nyanmien blé'n nun'n, o ti ke bé baptême yôle sa, o man bé nin Moïse bé katyii swran wunmuan.

1 Korɛntfuɛ Mun 12:13

Afin Nyanmien fe i Wawe'n yôô é baptême, se Juif ô, Grec ô, kanga ô, diéwa ô, o man é kwlaa ya katyi swran wunmuan, ye i Wawe'n ti é kwlaa é lie.

2 Korɛntfuɛ Mun 5:10

Afin wafa kwlaa nga é ti'n, béh fah é ko Christ dyasu, nan swran kun ke o ô wa'n i liké ng'o yôli'n, se o ti kpa ô, se o ti te ô, o nyen i nuan liké.

Filipfuɛ Mun 3:21

O wa fa é wunnen b'o ti'a liké fi'n o yô man oh katyih ke i wunnen b'o fa oo lika ng'o le nyrun lo'n nun'n sa. I kwlale b'o fa sié liké'n kwlaa'n ye oh fah katyi io.

Kolɔsfuɛ Mun 2:12

Ke bé yôli amun baptême'n, o ti ke bé siéli amun nin Christ, o man amun nin i tyennin, afin an lafi Nyanmien Kpli b'o ti kwlafue b'o tyenniin'n su.

2 Timote 2:18

bo ba yatyi nde nanwle'n, bé sé swran'm bé ke, bé nga bé wuli'n ba tyen o man bé wié'm bé lafi'a Nyanmien su kpa kun.

Hébreu 11:35

Bla wié'm bé swran nga bé wuli'n bé tyennin, bé wun bé ékun. Bé klé wié'm bé nyrennen lélé bé kun bé, bé klô'a ke bé dé bé, afin bé klô ke béh tyenh nan béh nyanh nguan kpa.

Hébreu 9:10

Afin bé ti swran liké dile, nin liké nonnonle, nin wunnzinle fanunfanun bé su mmla bo bé di su lélé fa dyuu tyen nga Nyanmien katyi liké'n kwlaa ufle'n.

2 Piɛr 3:7

Nyanmien kunngba'n ye o séé ékun ke, man bé sié nyanmien su lo'n nin asie nga bé ô le nde'n bé le, nan sin di bé. Béh siéh bé le lélé fa dyu tyen nga béh buh swran nga bé srô'a Nyanmien'n bé fo, bo béh satyih bé'n.