Hébreu 6:1 - Nyanmien nde Ufle

¹ I so'n ti, man é yatyi Christ nde'n i bôbôle nga bé klé yé'n, é mian é nyin é yô swran. Nanh man é wla sua'n i bô asé kun. I bô asé wlale so'n yele nde nga é kan sé ke bé yatyi sa ngbenngben yôle, bé lafi Nyanmien su,

NYANMIƐN NDƐ'N 1998

¹ I sɔ'n ti'n, nán man e ka Krist i ndɛ'n i bo bolɛ nga be kle ye'n su, man e mian é nyin e yo sran. Nán man e wla sua'n i bo ase kun. I bo ase wlalɛ sɔ'n yɛlɛ ndɛ nga e kan se kɛ be `yaci sa ngbɛn-ngbɛn yolɛ be lafi Nyanmiɛn su'n,

Hébreu 6:1 ပူးပေါင်းရင်းမြစ်များ

Matthieu 21:29

O sé i ke: N koman. I sin o bu akunndan nan wa o.

Matthieu 21:32

Afin Jean wa kléé amun atin ng'o ti kpa'n, amuan lafi'e i su. Sannge guabô sika défue nin téklé mmla'm bé lafili i su, ye amun bo an wunnin sa so'n, amuan katyi'a amun nzuen'n ke amunh lafih i su.

Matthieu 3:2

O sé bé ke: Anh katyi amun nzuen'n, afin Nyanmien i siéle ble'n wa mantan.

Matthieu 4:17

Ke o fin le'n, Jésus bôô Nyanmien nde kanle'n bô, o sé ke: Anh katyi amun nzuen'n, afin Nyanmien i siéle ble'n wa mantan.

Matthieu 5:48

I so'n ti, anh yô swran kpa ke amun Si b'o ô nyanmien su lo'n ti kpa'n sa.

Matthieu 7:25

Nzué'n toli, o yii lika'n, ye aunngban'n fitaa sua so'n, sannge wa buman, yele ke bé kpleen yebue su.

Marc 1:1

Jésus-Christ, [Nyanmien Wa'n] i dyasin fe'n i bôbôle'n ye.

Marc 6:12

Bé oli, bé kaan nzuen katyile nde.

JÉSUS-CHRIST I DYASIN FE'N BO LUC KLELI'N 6:48

O ti ke swran kun b'o su kplan sua sa. O kpe kunman kplôuun, o kpen yebue su, o wle i bô asé yebue so'n su. Nzué dan kun yi ba kpuu, o dii sua so'n, sannge wa yômen liké fi, yele ke bé kpleen kpa.

Jean 12:44

Jésus kpan séé ke: Swran ng'o lafi n su'n, nanh n su ye o lafio, sannge swran ng'o sunmaan min'n, i su ye o lafio.

Jean 14:1

Nanh amun wla bô. Anh lafi Nyanmien su, ye anh lafi n su wié.

Jean 5:24

Nanwle, swran ng'o tié min nde'n b'o lafi swran ng'o sunmaan min'n su'n, o le anannganman nguan, bé su fe ko'a dyole difue'n i dyasu. Wa nyen i ti wié'n sa nun, wa nyan nguan.

Sa nga bé yôli'n 11:18

Ke bé tii nde so'n, o man bé too nun, ye bé yi Nyanmien aye, bé sé ke: Se o ti so'n, wuun Nyanmien man bé bo bé ti'a Juif'n bé kusu ba katyi bé nzuen'n nan bé nyan nguan wié.

Sa nga bé yôli'n 17:30

I nun'n bo swran'm bé wu'an sa wle'n, sa nga bé yôli'n, Nyanmien a fa sié'e i klun, sannge sien'n, o kan klé swran ti blé'n kwlaa ke bé katyi bé nzuen'n.

Sa nga bé yôli'n 2:38

Ye Pierre séé bé ke: Anh katyi amun nzuen'n man bé yô amun kwlakwlakwla amun baptême Jésus-Christ dunman nun, man Nyanmien yatyi sa nga an yôlii'n tye amun, ye o fe i Wawe'n man amun.

Sa nga bé yôli'n 20:21

N kan kléé Juif nin Grec mun ke bé yatyi nyin kéklé yôle'n Nyanmien su nan bé nyin yii, ye bé lafi é Min Jésus su.

Sa nga bé yôli'n 26:20

N dun mmua kan nde kléé Damasfue mun, i sin Jérusalemfue mun, ye Judée men wunmuan'n nun, ye bé nga bé ti'a Juif'n ke bé katyi bé nzuen'n, nan bé sa bé sin Nyanmien wun, ye bé yô sa b'o klé ke ba katyi bé nzuen'n.

Sa nga bé yôli'n 3:19

O man anh katyi amun nzuen'n, ye anh sa amun sin Nyanmien wun, man o yatyi sa nga an yôlii'n tye amun mlonmlonmlon, nan ble ng'o ba lo'n é Min Nyanmien'n o man amun wla gua asé,

1 Korɛntfuɛ Mun 13:10

Sannge ke bé kô nyan liké ng'o ti klonnglon'n, béh guah buébuéfue'n blô.

1 Korɛntfuɛ Mun 2:6

Sannge ngwlele nde ye é kan klé swran bo bé nyin a ti muon. Ngwlele so'n fi'an é ble su, nin é wléngbi mun bo bé ble lie'n o wa wié'n.

2 Korɛntfuɛ Mun 7:1

N swran kpa mun, sa kwlaa nga Nyanmien séé ke oh yôh bé so'n ti, man é wla sa kwlaa ng'o satyi swran'n nin akunndan tete'n kwlaa bé asé. Se é waan é srô Nyanmien'n, man é nian é wun kpa ke nanh man sa kaan sa tran é nin i é afien.

2 Korɛntfuɛ Mun 7:10

Afin kôkôle nga Nyanmien man swran kôkô'n i agualie yele nzuen katyile b'o man swran nyen i ti'n, i so lie'n yô'a ya. Sannge klo swran kôkôle lie'n i agualie yele wié.

Efɛzfuɛ Mun 2:1

Laa amun fonle'n nin amun sa te yôle'n ti, Nyanmien nyrun an ti ke amuan wu sa,

Efɛzfuɛ Mun 4:12

Ke o kô yô nan i swran'm ba yô kpa nan ba di i dyunman'n nan Christ i wunnen'n wa yô kpa'n ti, ye man bé nun kunngun bé dyunman'n ti wafawafa so nion.

Kolɔsfuɛ Mun 1:28

Christ so'n i nde ye é kan klé swran'n kwlaa nion, é tu bé kwlakwla bé fo, é fa ngwlele kwlaa nga é sii'n é fa klé bé liké. É yô so nan swran'n kwlaa yô swran Nyanmien nyrun, swran wunmuan bo bé nin Christ ti'n ti.

Kolɔsfuɛ Mun 3:14

Ye sa ng'o ti tyinndyin tre i ngba b'o man i kwlaa so'n kwla yô yé'n yele ke an klô amun wiéngu.

Kolɔsfuɛ Mun 4:12

Épaphras b'o ti amun nun kun'n i waan oh yôh amun liké. Christ-Jésus i dyunman difue so'n o mien i nyin sre Nyanmien ke an yô swran an wun sa ng'o ti klun sa'n i wle kpa, nan an dyran kéklé.

1 Timote 3:16

Nanwle, é kwlaa é si ke, ke o yôli bo é yô Nyanmien lie'n, o ti abônuan dan, swran wu'en i wle. O yô i wun swran o yii i wun nglô, Nyanmien Wawe'n klé ke o ti swran kpa, Ange'm bé wunniin, Bé ken i nde nvlé'm bé nun, Bé lafii i su men wunmuan'n nun, Bé yôô i kuaa, bé yô i mô nyanmien su lo.

1 Timote 6:19

Se bé yô so'n, wuun tro kpa kun b'o satyiman'n ye ba kpe a siéo, ye béh nyanh nguan sakpa.

2 Timote 2:19

Sannge Nyanmien i sua'n i bô asé b'o wlali'n o dyran kéklé, bé klee su ke: «É Min'n si bé ti i lie'n,» ye: Swran kwlaa nga i waan o ti é Min'n i lie'n, mon o yatyi sa te yôle'n.

Hébreu 11:6

Afin se bé lafi'e i su'n, i klun dyo'a bé wun mlonmlon. O man swran nga i waan oh feh i wun mantan Nyanmien'n, mon o lafi su ke o ô le, ye bé nga bé kunndee'n, oh yih i wun klé bé.

Hébreu 12:13

Anh kpe atin nga an sin nun'n kpa nan swran nga i dya ti'a kpa'n i dya'n wa fonndonman, sannge wa yô dyuédyué'n ti.

Hébreu 7:11

Mmla nga Nyanmien fa maan Israël mun'n o taka Lévifue'm bé Nyanmien nyrun dyranle'n su. Se o ti ke bé dyunman nga bé dili'n o yôô yé, b'o man swran'm bé yô kpa'n, wuun Nyanmien nyrun dyranfue ufle b'o fi'an Aaron ôsu'n nun, b'o ti ke Melchisédek sa'n wa ba'a kun.

Hébreu 9:14

Se o ti so'n, Christ kwla fe i mmôdya lie'n kusu yô liké b'o tra wun asô bôle'n fatifati! Ke o ti aôlia nun swran b'o ti anannganman'n ti'n, o fe i bobo bo fien kaan nu'en i wun'n maan Nyanmien. O man liké nga bé yô'a liké fi yé bo é yô bé man é klun titi yé'n, oh wiéh nan é kwla su Anannganman Nyanmien'n!

Jacques 1:4

Anh tra amun awlen lélé gue i ti nin i bô nan amuan yô swran, ye liké fi su mia'an amun.

1 Piɛr 1:21

I ti ye amuan lafi Nyanmien b'o tyenniin'n, b'o man o nyaan nyrun'n i suo, o man Nyanmien su ye amuan lafio, i su ye amuan fa amun wla'n ba guaa.

1 Piɛr 5:10

Ke an wun nyrennen lé nnyon kun'n, Nyanmien Aklunyéfue Kpli'n b'o flee amun ke an nyan nyrun titi, swran wunmuan bo amun nin Christ a katyi'n ti'n, i bobo man amunh yôh swran kpa mlonmlon. Oh yôh man amunh dyranh kéklé, oh wlah amun fanngan, o man amun wun su usu'a amun.

1 Jean 4:12

Swran fi nian wu'an Nyanmien lé. Se é klô é wun'n, wuun é nin Nyanmien é ti kun, ye klôle ng'o man é fa klô swran'n i nyin fitéh wéiin.