Hébreu 5:14 - Nyanmien nde Ufle

¹⁴ Sannge alie'n ti bé nga ba yô swran bo bé kunnde sa ng'o ti kpa'n nin te'n bé ngbatyie lélé ba si i kpa'n bé lie.

NYANMIƐN NDƐ'N 1998

¹⁴ Sanngɛ be nga b'a yo sran bɔ be kunndɛ sa ng'ɔ ti kpa'n nin tɛ'n be ngbaciɛ lele b'a si i kpa'n, aliɛ'n ti be liɛ.

Hébreu 5:14 ပူးပေါင်းရင်းမြစ်များ

Matthieu 5:48

I so'n ti, anh yô swran kpa ke amun Si b'o ô nyanmien su lo'n ti kpa'n sa.

Rɔmfuɛ Mun 14:1

Swran nga ke o lafii Christ su'n o nian wu'an sa ng'o yôo o ti su'n i wle'n, anh bui amun niaan, nanh amun nin i si akplôwa.

1 Korɛntfuɛ Mun 2:6

Sannge ngwlele nde ye é kan klé swran bo bé nyin a ti muon. Ngwlele so'n fi'an é ble su, nin é wléngbi mun bo bé ble lie'n o wa wié'n.

Efɛzfuɛ Mun 1:18

N sre i ékun ke o man an wun sa wle wéiin kpa nan an si liké nga é nyin ô i sin'n, flele b'o flee yé'n ti. Ye an si ke i swran'm bé anyanbéun'n oh yôh dan, afin liké nga i waan oh fah man bé'n o ti liké kpa sakpa.

Efɛzfuɛ Mun 4:13

O man éh yôh swran lélé é kwlaa éh yôh kun Nyanmien Wa'n i su bo é lafi'n nin i sile bo é sii kpa'n ti, ye éh yôh swran lélé béh kwlah fa é sunnzun wafa kwlaa nga Christ ti'n.

Filipfuɛ Mun 3:15

I so'n ti, man é kwlaa nga ya yô swran'n, é bu akunndan so'n wié, sannge se amun nun wié mun amun akunndan'n ti ngunminngunmin'n, Nyanmien wa yi sa so'n nglô klé amun.

1 Tɛsalonikfuɛ Mun 5:21

sannge anh bu i kwlaa i akunndan nian, anh fa ng'o ti kpa'n,

1 Timote 4:7

Sannge nanh fa nde b'o ti'a Nyanmien lie b'o ti ke bla ôké'm bé nde sa'n bé su. Mion o nyin mantan Nyanmien kpa.

Hébreu 6:1

I so'n ti, man é yatyi Christ nde'n i bôbôle nga bé klé yé'n, é mian é nyin é yô swran. Nanh man é wla sua'n i bô asé kun. I bô asé wlale so'n yele nde nga é kan sé ke bé yatyi sa ngbenngben yôle, bé lafi Nyanmien su,

Jacques 3:2

É kwlaa é fon sa sunman nun. Swran nga i nuan fitéfité'a tete'n, o ti swran kpa b'o kwla nien i wun su.