Hébreu 4:2 - Nyanmien nde Ufle

² Afin dyasin fe nga bé kan kléé bé'n, bé ken i kunngba'n kléli é kusu, sannge nde nga bé tili'n bo ba lafi'a su'n ti, ba yô'a kpa.

NYANMIƐN NDƐ'N 1998

² Afin jasin fɛ nga be kan kleli be nga be trannin aawlɛ flɛnnɛn nun lɔ'n, be kɛnnin i kunngba'n kleli ye kusu, sanngɛ ndɛ nga be tili'n bɔ b'a lafi-man su'n ti'n, b'a yo-man kpa.

Hébreu 4:2 ပူးပေါင်းရင်းမြစ်များ

Sa nga bé yôli'n 13:46

Sannge Paul nin Barnabas bé tra bé awlen bé kan klé bé wéiin ke: Amun ye bé waan, é dun mmua kan Nyanmien nde'n klé amuon, sannge ke amuan faman'n, bo an bu ke anannganman nguan'n nin amun fataman'n, i so'n ti, éh kpeh é nyin ko bé bo bé ti'a Juif'n bé sin.

Sa nga bé yôli'n 3:26

Ke Nyanmien fe i swran'n siélii so'n, amun sin ye o sunmeen kliklio, ke o yô amun yé, nan amun kwlaklwaklwa an yatyi amun nzuen tete'n.

Rɔmfuɛ Mun 2:25

Nanwle, se an fa mmla'n su'n, klen wlale'n ti kpa, sannge se an fa'a su'n, klen wlale'n yô'a sa fi yé.

Rɔmfuɛ Mun 3:3

?O man é sé se? ?Se swran wié'm bé lafi'a Nyanmien su'n, i su bo bé lafiman'n ti, o man i nanwlefue b'o ti'n o katyi?

1 Korɛntfuɛ Mun 13:3

Man n fa n sa nun ninngé'n kwlaa n fa ta yalefue mun, ye n fa m bobo nannan su nan n nyan su dunman, se n klô'a swran'n, o yô'a sa fi yé ma'an min.

Galasifuɛ Mun 3:2

Sa kunngba nga n klô ke nh wusah amun'n yele ke: ?Mmla'n bo an fa su'n ti ye Nyanmien fe i Wawe'n maan amuon, annze dyasin fe'n bo an tili an fa su'n ti ye o fe maan amuon?

Galasifuɛ Mun 3:8

Ye bé bôô su Nyanmien Nde nga bé kleli'n nun ke, tyen wié bé nga bé ti'a Juif bo bé lafi Nyanmien su'n, oh buh bé swran kpa, o man o bôô nde fe so'n su kléé Abraham, o sé ke: «O ti, nh yôh nvlénvlé'n kwlaa bé yé.»

Galasifuɛ Mun 4:13

An si ke, dyasin fe bo n kan kléé amun kliklikli'n tukpatye'n b'o too n su'n ti ye n nyan n ti n kannion.

1 Tɛsalonikfuɛ Mun 1:5

Afin ke é kan dyasin fe'n i nde kléé amun'n, é kenmen é nuan nun ngben, Nyanmien Wawe'n ye o tin yéo, o man é wun i wle kpa ke nde nga é kan'n ti nanwle. Ke é ô amun wun lo'n, an si é wun wafa nga é yôli'n, amun ti ye é yô é wun soo.

1 Tɛsalonikfuɛ Mun 2:13

I so'n ti, é kusu é la Nyanmien asé titi, afin i nde bo é kan kléli amun'n, an tili ye an fa su. Amuan bu'e i ke o ti swran lie, sannge an wun i ke o ti Nyanmien nde sakpa b'o kwla yô amun bo an lafi Christ su'n, amun wun sa yé.

1 Timote 4:8

Afin bé wun kpinngbinle'n o ti kpa, sannge bé wun bo bé fa mantan Nyanmien'n o ti kpa sa'n kwlaa nun tre, o man se bé yô so'n, bé si ke béh nyanh nguan ke é ô ye'n nin ble ng'o ba lo'n nun.

Hébreu 11:6

Afin se bé lafi'e i su'n, i klun dyo'a bé wun mlonmlon. O man swran nga i waan oh feh i wun mantan Nyanmien'n, mon o lafi su ke o ô le, ye bé nga bé kunndee'n, oh yih i wun klé bé.

Hébreu 3:12

Aniaan mun, i so'n ti anh nian amun wun, nanh man amun nun wié i awlen'n yô te, ye o yô ke o lafi'a Nyanmien su, b'o man o yatyi Anannganman Nyanmien nion.

Hébreu 4:6

Bé nga bé dun mmua tii dyasin fe so'n, ba dyu'a lika so'n nun, yele ke ba lafi'a su. Bé wié kusu ô le bo Nyanmien man bé di aladyé so'n.

Jacques 1:21

I so'n ti, anh wla nzuen tete'n nin klunwi'n kwlaa bé asé. Anh yô amun wun aénvue, anh fa nde nga Nyanmien kan klé amun'n su. I ye man amunh nyanh amun tio.

1 Piɛr 1:12

Nyanmien kan kléé bé ke i nde ng'o fa wla bé nuan ke bé kan'n o ti'a bé bobo bé lie, sannge amun lieo. Bé nga bé kan dyasin fe'n Nyanmien Wawe'n b'o sunmenniin'n i fanngan nun'n, nde so'n ye bé kan kléé amun ye'n. Ange'm bé bobo bé klô ke béh wunh sa so'm bé wle.