Hébreu 4:12 - Nyanmien nde Ufle

¹² Afin Nyanmien nde nga o kô kan'n, wuun wa kan o katyimen, o man swran'm bé katyi. Se é kwla sa'n

NYANMIƐN NDƐ'N 1998

¹² Afin Nyanmiɛn i ndɛ nga ɔ ko kan'n, wuun ɔ'a kan ɔ kaci-mɛn i, ɔ man sran'm be kaci. Sɛ e kwla se'n, wuun e ´se kɛ ɔ la tra tokofi. Ɔ wɔ ɔ wlu lele ɔ ju be wawɛ'n, nin be anwlɛn'n, nin be akpɔlɛ'n, ɔ nin be owie i klun lui'm be nun, ɔ si be klun akunndan'n, ɔ nin be klun sa'n.

Hébreu 4:12 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 8:11

Nyanndra so'n i bô'n ye: Awié'n yele Nyanmien nde'n.

Jean 12:48

Swran ng'o so'a min nun b'o fa'a min nde'n su'n, swran ng'o nin i béh dih'n wo le. Nde nga n kannin'n su ye bé wa dyran bu i fo men'n i awiélieo.

Jean 6:51

M bobo n ti kpaun b'o man nguan, n fin nyanmien su lo ye m balio. Swran ng'o di kpaun so'n wié'n, o su wu'a mlonmlon, min nnen'n ye o ti kpaun so'n bo nh fah man nion. Nh fah man so nan menmenfue'm béh nyanh nguan.

Sa nga bé yôli'n 2:37

Ke bé tii nde so'n o yô bé ya, nan ba usa Pierre nin i wiéngu mun ke: ?Nnya mun, éh yôéh se?

Sa nga bé yôli'n 4:31

Ke bé kan nde so'n klé Nyanmien wiéli'n, lika nga bé yiaa nun'n kédyéli, Nyanmien Wawe'n fuu bé kwlaa, nan ba kan Nyanmien nde'n yakpa su.

Sa nga bé yôli'n 5:33

Ke bé tii nde so'n, ya kuun bé dan kpa, i so'n ti, bé waan bé kun bé.

Sa nga bé yôli'n 7:38

I ye ke é nannan'm bé yiaa blô lo'n, o kan nde nga ange'n kan klélii Sinaï Ôka'n su lo'n kléé bé nion. Ye Nyanmien meen nde bo lélé nde bé te di su, ke o kan klé amun.

Rɔmfuɛ Mun 1:16

Dyasin fe'n ti nyannzuen ku'an min, afin i ye Nyanmien Kpli fa dé swran kwlaa nga bé lafi i su muon, Juif mun ye bé ti kliklio, i sin bé nga mun.

1 Korɛntfuɛ Mun 1:24

Sannge é nga Nyanmien flee yé'n, se Juif ô, se Grec ô, Christ ti é si ke Nyanmien ti kpli, ye o si sa'n kwlaa.

2 Korɛntfuɛ Mun 2:17

É ti'a ke swran wié'm bo bé yô Nyanmien nde'n ke bé nga bé yô ninngé sukusuku'n bé ate'n bé lie'n sa. Sannge ke Nyanmien sunmaan é, bo i nyin ta é, bo é nin Christ é ti swran wunmuan'n, o man é ken i nde'n nanwle su.

2 Korɛntfuɛ Mun 4:2

É wla liké nga bé yô nyannzuen ti bé fiafia su'n bé asé, é yô'a liké gblegble nun, é sannga'an Nyanmien nde'n, sannge ke é kan nde wéinwéin Nyanmien nyrun'n, o man swran'n kwlaa bé wun é wafa nga é ti'n.

Efɛzfuɛ Mun 5:13

Ke bé kô wun sa so'n kwlaa bé wle'n, bé wun bé wafa nga bé ti'n wéiin,

Efɛzfuɛ Mun 5:26

Afin Asonun'n ti, o fe i wun mannin nan ke o wunnziin b'o yô yeiin i nde'n ti'n, o katyi Nyanmien lie mlonmlon.

Efɛzfuɛ Mun 6:17

Man déle bo Nyanmien dé amun'n o yô ke kpôngbô klé sa, anh fa wla amun ti. Anh fa Nyanmien nde'n b'o ti i Wawe'n i kaka'n b'o fa man amun'n.

1 Tɛsalonikfuɛ Mun 2:13

I so'n ti, é kusu é la Nyanmien asé titi, afin i nde bo é kan kléli amun'n, an tili ye an fa su. Amuan bu'e i ke o ti swran lie, sannge an wun i ke o ti Nyanmien nde sakpa b'o kwla yô amun bo an lafi Christ su'n, amun wun sa yé.

1 Tɛsalonikfuɛ Mun 5:23

Man Nyanmien b'o man swran di aladyé'n, o yô man an katyi i lie mlonmlon, man o nian amun wunmuan'n su, amun klun akunndan'n, nin amun wawe'n, nin amun wunnen'n, nan tyen nga é Min Jésus-Christ bah'n, ba kputu'a amun!

Hébreu 13:7

Anh bu amun kpenngben bo laa bé kan Nyanmien nde kléé amun'n bé akunndan. Anh nian bé nzuen'n nin bé agualie'n, anh nian ke bé fa lafi Nyanmien su'n, anh lafi i su so wié.

Hébreu 6:5

b'o wun Nyanmien nde'n i fe'n, b'o si sa kéklééklé nga tyen wié lélé béh yôh'n,

Jacques 1:18

I nde nanwle'n ti o fa é katyi i wa i klun klô su, nan ya yô liké kwlaa ng'o yii bé'n, bé nun klikli.

1 Piɛr 1:23

Nyanmien nde b'o katyimen, b'o ô le titi'n ti, o wuu amun ufle, o man amun si'n ti'a swran b'o wu, o ô le tititi.

Sa nglô yile 1:16

Nzraama nsô ô i sa fama'n nun, kaka nnana kpa kun ô i nuan nun. I nyrun'n ti ke wia'n b'o fi kpa'n sa.

Sa nglô yile 19:15

Kaka nnana kpa kun ô i nuan nun, o fa kun nvlénvlé mun. Oh fah blale kponman kankan bé, o wa tyuen du vin i tyuenwle'n nun. I tyuenwle so'n yele ya bo Nyanmien Kpli'n fa'n.

Sa nglô yile 19:21

Bé fa kaka'n b'o ô swran ng'o fu nnenkpanngo'n su'n i nuan nun'n kuun bé nga mun, ye anunman'n kwlaa bé dii bé, bé ku yili.

Sa nglô yile 2:16

I so'n ti, anh katyi amun nzuen'n, se wa yô'a so'n, nh tôh amun lo ityra'n, nh fah kaka ng'o ô n nuan nun'n, min nin bé éh kunh.

Sa nglô yile 2:23

Nh kunh i mma mun, o man asonun'n kwlaa béh sih ke min ye n si swran'm bé akunndan'n nin sa ng'o ô bé klun lo nion. Liké nga an yôli'n, nh fah swran kun lie ng'o yôli'n i nuan liké men.

Sa nglô yile 20:4

N wuun bia mun, bé nga bé ti bé su'n, bé sié bé ke bé di dyole. Ye n wuun bé nga bé kan nde nanwle bo Jésus yii nglô'n, nin Nyanmien nde'n ti bé kuun bé'n, bo ba kôtô'a nnen'n i wunsu bo bé yôli'n i bô, bo nnen'n i nzolie'n nu'an bé ngban su nin bé sa'n su'n, bé wawe'n. Bé tyennin, nan bé nin Christ a di famien afue akpi.