Hébreu 3:7 - Nyanmien nde Ufle

⁷ Afin Nyanmien Wawe'n séé ke: «Se ndeken an ti nde nga Nyanmien kan'n,

NYANMIƐN NDƐ'N 1998

⁷ Afin Nyanmiɛn Wawɛ'n seli kɛ: «Sɛ ndɛkɛn an ti ndɛ nga Nyanmiɛn kan'n,

Hébreu 3:7 ပူးပေါင်းရင်းမြစ်များ

Matthieu 17:5

Ke i nuan te ô nde'n su'n, nyanmien ufué fuaii kun wa kataa bé su, bé tii swran kun nen nyanmien ufué so'n nun, o sé ke, Min awlen su ba ye, i su ye n wla'n kwlaa wôo, anh tié nde ng'o kan'n.

Matthieu 22:43

Ye Jésus sé bé ke: ?Se o ti so'n, wuun o yô se ye man Nyanmien Wawe'n fanngan nun David flee i Min, b'o séé ke:

Marc 12:36

Nyanmien Wawe'n man David bobo séé ke: «É Min Nyanmien'n séli min Min lie'n ke: Tran asé n fama su Lélé m man ah tioh o kpofue'm bé su.»

Jean 10:16

M bua'm bé wié ô le bo bé nu'an tuin nga nun. San nh fah bé sofue mun ba, béh tih min nen, bé akpasua'n yôh kun ye bé tafue kun.

Jean 10:27

M bua'm bé ti n nen, n si bé, ye bé su n su.

Jean 10:3

Swran ng'o nian anuan'n su'n, o tiké i anuan, bua'm bé ti i nen'n. Bua'm bé ti i lie, o fa bé dunman'n flefle bé, o fa bé fité guasu lo.

Jean 5:25

Nanwle, tyen wié lélé — tyen so'n wa dyu bobo — bo bé nga bé wuli'n béh tih Nyanmien Wa'n i nen. Bé nga bé kô ti'n, béh nyanh nguan.

Sa nga bé yôli'n 1:16

Nnya mun, Nyanmien Nde nga i Wawe'n fa wlee David nuan bo bé kleli i ke, Judas o wa yô bé nga bé wa tra Jésus'n bé nyrun dunfue'n, san oh kpenh su.

Sa nga bé yôli'n 28:25

Ke bé nuan a seman bo bé wa sanndi'n, o man Paul kan nde kpole kun ékun kléé bé, o sé ke: Nde nga Nyanmien Wawe'n man Nyanmien nuan idyofue Ésaïe kan kléé amun nannan mun'n, o ti nanwle,

Sa nga bé yôli'n 8:29

Nyanmien Wawe'n séé Philippe ke, o mantan kakaklôlô'n lo.

Hébreu 10:15

Nyanmien Wawe'n kan nde kunngba'n klé é. Afin o sé ke:

Hébreu 3:13

Sannge ke o yô nan ba laka'a amun nun wié nan wa yô'a sa te wa kétéman'n, anh tu amun wun fo tyen'n kwlaa bo bé te sé ke: Ndeken'n.

Hébreu 3:15

É te kanngan Nyanmien Nde nga bé kleli'n nun ke: «Se ndeken an ti nde nga Nyanmien kan'n, Nanh an yô nyin kéklé i su ke i nun nga swran'm bé dyaô i wun bé yôli'n sa.»

Hébreu 4:7

I so'n ti ye Nyanmien sié tyen ufle kun ékun ke: Ndeken. Ke o siéé tyen so'n b'o tye lélé'n, o man David ken i nde bo é keen i nde ityra'n ke: «Se ndeken an ti nde nga Nyanmien kan'n, Nanh an yô nyin kéklé i su.»

Hébreu 9:8

Nyanmien Wawe'n fe i so sa'n klé é ke, ke tannin sua klikli lie'n te ô le'n, wuun atin ng'o ko Nyanmien lika kpa'n nun lo'n nian bôman.

2 Piɛr 1:21

Afin Nyanmien nde nga swran'm bé kannin'n ba kpe'a wié fi bé ti nun ye bé kannion, i Wawe'n ye o fa wla bé nuan ye bé kannion.

Sa nglô yile 3:20

Anh nian, n dyin anuan'n sin, m bôbô. Swran ng'o ti min nen'n nan o tiké'n, nh wluh i lika lo, min nin i éh dih liké.