Hébreu 3:5 - Nyanmien nde Ufle

⁵ Moïse ti dyunman difue kpa Nyanmien awlô wunmuan'n nun. O kan nde nga tyen wié lélé Nyanmien wa kan'n i nde.

NYANMIƐN NDƐ'N 1998

⁵ Moiz yoli junman difuɛ kpa Nyanmiɛn awlo wunmuan'n nun. Ɔ kannin ndɛ nga cɛn wie lele Nyanmiɛn wa kan'n i ndɛ .

Hébreu 3:5 ပူးပေါင်းရင်းမြစ်များ

Matthieu 24:45

?Swran kpa nanwlefue b'o si ngwlele'n bo i min'n fe sié i swran'm bé su ke o man bé alie ble ng'o ti i nuan su'n i su'n, yele wan?

Matthieu 25:21

I min'n sé i ke: O ti kpa. A ti swran kpa, a ti nanwlefue, liké kaan nga n fa mannin wo'n, a yôli i kpa, i so'n ti, n kusu nh foh o sié liké dan su. Bla man é ablé.

JÉSUS-CHRIST I DYASIN FE'N BO LUC KLELI'N 12:42

Ye é Min'n sé ke: ?Wan ye o ti swran kpa b'o si liké su nian kpa, bo i min'n fe sié i minnien'm bé su ke o man bé alie tyen bo bé siéli'n su nion?

JÉSUS-CHRIST I DYASIN FE'N BO LUC KLELI'N 24:27

Ye o yiyi i bobo wun nde bo bé klelii Nyanmien Nde'n kwlaa nun'n i nun kléé béo. O bôô i bô Moïse nin Nyanmien nuan idyofue'n kwlaa bé nde'n nun.

JÉSUS-CHRIST I DYASIN FE'N BO LUC KLELI'N 24:44

I sin o sé bé ke: Nde nga ye ke min nin amun te ô le'n n kan kléé amun nion, ke min wun nde kwlaa nga bé klee Moïse mmla'n nun'n, o nin Nyanmien nuan idyofue'm bé nde'n nun'n, nin psaume'm bé nun'n san oh kpenh su.

Jean 5:39

An suan Nyanmien Nde nga bé kleli'n, afin an bu ke i nun ye amunh nyanh anannganman nguan nion, ye nde so'n bé kan min nde.

Sa nga bé yôli'n 28:23

Bé kléé Paul tyen kun, ye bé sunman bé wa tôé i sikéwle le. Ke oh yiyih nde so'n nun'n, o kan Nyanmien siéle nde'n klé bé, ye o fa Moïse mmla'n nin Nyanmien nuan idyofue'm bé nde'n klé bé wéiin kpa ke Jésus nde'n ti nanwle. O yôô i so nglemun lélé fa dyu nnosua.

Sa nga bé yôli'n 7:37

Moïse so'n ye o kan kléé Israël mma'm bé ke: «Nyanmien wa fa bé niaan'm bé nun kun sié i nuan idyofue ke o fe siéli'n sa man bé,» nion.

Rɔmfuɛ Mun 3:21

Sannge sien'n Nyanmien klé é wafa ng'o fa bu swran swran kpa'n, b'o fi'an mmla'n nun'n, afin bé klee mmla'n nun ye Nyanmien nuan idyofue'm bé ken i nde ke,

1 Korɛntfuɛ Mun 4:2

Kusu sa ng'o ti tyinndyin'n yele ke swran ng'o nian ninngé su'n, o yô swran kpa.

1 Timote 1:12

N la é Min Christ-Jésus b'o wlaa n fanngan'n i asé, afin m bo laa n satyi i dunman, n klé i yale, n kpe i nzôwa'n, o buu n swran, o fa min wle i dyunman'n nun. Nyanmien si min aunnvue, afin sa wle bo n wunmen'n nin i su bo n lafiman'n ti ye n yôô soo.

Hébreu 1:1

Lalafue nun Nyanmien man i nuan idyofue'm bé bôbô i nde'm bé su wafawafa kléé é nannan mun.

Hébreu 3:2

Dyunman nga Nyanmien fe siéé su'n, o nian nun di i kpa men, ke Moïse kusu yô i so Nyanmien awlô wunmuan'n nun'n sa.

Hébreu 3:4

Afin sua kwlaa nga bé ô le'n, swran ye o kplan béo, sannge Nyanmien ye o yii ninngé'n kwlaaa.

Hébreu 8:5

Bé Nyanmien nyrun dyranle dyunman nga bé di'n, o ti nyanmien su lo le kpa'n i sonnzon su, o nin i wawe. Ke Moïse lie'n kusu ti soo. I nun nga o wa kplan tannin sua'n, Nyanmien séé i ke, «o nien i wafa kwlaa ng'o klélii ôka'n su lo'n su yô.»

Hébreu 9:24

Afin nanh Nyanmien lika b'o ti swran sa nuan b'o ti kpafue'n i sonnzon su'n i nun ye Christ wlulio, sannge o oo nyanmien bobo su lo Nyanmien wun o, o man ke é sé ye'n, o dyran é nuan.

Sa nglô yile 15:3

Bé tô Moïse b'o ti Nyanmien i swran'n nin Bua Gbanflen'n bé dyué'n, bé sé ke: É Min Nyanmien Kpli, sa dandan nga a yô bé'n, bé ti abônuan! Nvlénvlé'm bé Famien, a ti nanwlefue ye a yô sa i nuan su!