Hébreu 2:9 - Nyanmien nde Ufle

⁹ Sannge é wun Jésus bo Nyanmien yôli man ange'm bé kpa'n trelii lé nnyon kun'n, ke bé siéli i famien, o man bé menmen, nyrennen wié'n b'o wuli'n ti. Ke o yôô so'n, é wun ke Nyanmien i aklunyé'n ti ye o wuu swran'n kwlaa bé tio.

NYANMIƐN NDƐ'N 1998

⁹ Sanngɛ e wun Jésus bɔ Nyanmiɛn yoli man anz'm be kpa trɛli i le nnyɔn kun'n. Nyanmiɛn i aklunye'n ti ɔ wuli sran'm be kwlaa be ti. Siɛn'n e wun i anyrunnyan dan b'ɔ lɛ i'n nin ayɛ bɔ be yi i'n nyrɛnnɛn wie'n b'ɔ wuli'n ti.

Hébreu 2:9 ပူးပေါင်းရင်းမြစ်များ

Matthieu 16:28

Nanwle, bé nga bé ô wa ye'n, nanh bé ngba ye wié'n kunh bé, nan ba wun ke m bo n katyii Swran'n n su ba, m ma di n famien nion.

Matthieu 6:28

?Ye nzu ti ye an kôkô trale tio? Anh nian waka nyre bo bé ô blô lo'n, bé di'a fié, bé tô'a dyésé.

Marc 9:1

O séé bé ékun ke: Nanwle, bé nga bé ô wa ye'n, nanh bé ngba ye wié'n kunh bé, nan ba wun ke Nyanmien Kpli'n wa yi i famien'n nglô a klé béo.

JÉSUS-CHRIST I DYASIN FE'N BO LUC KLELI'N 9:27

Nanwle, bé nga bé ô wa ye'n, nanh bé ngba ye wié'n kunh bé nan Nyanmien a yi i famien nglô a klé béo.

Jean 1:29

Ke alie tyennin'n, Jean wuun Jésus o su be i wun le, o sé ke: Anh nian Nyanmien Bua Gbanflen'n b'o wa fe i wun yi men'n i ti te'n ye.

Jean 10:17

N Si klô min, min wun bo n fa man nan man nyan nguan ékun'n ti.

Jean 12:32

Ye n kusu, se bé man n su'n, m man swran'n kwlaa béh bah n sin.

Jean 3:16

Afin Nyanmien klôô men'n lélé o fe i Wa kunngba tye'n mannin nan swran kwlaa ng'o lafi i su'n, wa mlinman, sannge o nyan anannganman nguan.

Jean 8:51

Nanwle, swran ng'o fa min nde'n su'n, o wu wa'a mlonmlon.

Jean 8:52

Juif'm bé sé i ke: Sien'n, ya wun i wle kpa ke liké wié su o su. Abraham wuli, Nyanmien nuan idyofue'm bé wuli, sannge o li o waan, swran ng'o fo o nde'n su'n, o su wu'a mlonmlon.

Sa nga bé yôli'n 2:33

Ke i si Nyanmien men i su siéé i fama su'n, o fee i Wawe'n b'o séé ke oh fah man'n, o fa menniin, ye o faa liké nga amun wuin bo an ti'n maan swran muon.

Sa nga bé yôli'n 3:13

Abraham, nin Isaac, nin Jacob bé Nyanmien'n, é nannan'm bé Nyanmien'n, o man i Swran Jésus nyaan nyrun. I ye an fe maan swran mun, ye ke Pilate waan, oh yatyih i nun'n, amuan kpli'an su, an yii i blô nion.

Rɔmfuɛ Mun 5:18

I so'n ti, ke Nyanmien fa swran kun i sa ng'o yôli'n i longle tyii swran'n kwlaa'n, i kunngba'n, swran kun i sa kpa ng'o yôli'n o man Nyanmien bu swran'm bé kwlaa bé swran kpa, o man béh nyanh nguan.

Rɔmfuɛ Mun 5:8

Sannge Nyanmien klé é ke o klô é, afin ke é te ti sa te yôfue'n, é ti o man Christ wuli.

Rɔmfuɛ Mun 8:3

Liké nga Moïse mmla'n kwle'e i yô'n klo swran i nzuen'n ti'n, Nyanmien bobo yôli. Ke o man i bobo Wa'n katyi ke klo swran b'o yô sa te'n sa, b'o sunmenniin ke o yô te nnen'n, o klé ke sa te b'o ti klo swran nzuen'n ti te, o man se o wié'n, o ti su.

Rɔmfuɛ Mun 8:32

Nyanmien bo wa sié'e i sa i Wa'n su, b'o fe mannin é kwlaa é ti'n, oh fah liké'n kwlaa uka su man é i klun-ufué su.

2 Korɛntfuɛ Mun 5:15

O wuu bé ngba bé ti, i so'n ti, ôle nga bé ô le'n, nanh bé bobo bé ôle ye bé wôo, sannge swran ng'o wuli b'o tyennin bé ti'n, i dunman nun ye bé wôo.

2 Korɛntfuɛ Mun 5:21

Ke o kô yô nan é nin Christ ya katyi swran wunmuan nan ya yô swran kpa Nyanmien nyrun'n ti, o man Christ b'o wa yô'a sa te fi lé'n o dyraan é sa te'n i nuan.

Galasifuɛ Mun 4:4

Sannge ke ble nga Nyanmien siéli'n dyuli'n, o sunmeen i Wa'n, bla kun wulii, o di mmla'n su.

1 Timote 2:6

O fe i wun maan ke oh kpoh swran'n kwlaa bé ti. Ke o yôô so ble nga Nyanmien siéli'n su'n, ye o klé ke Nyanmien klô ke oh déh swran'n kwlaa nion.

Hébreu 1:9

A klô sa ng'o ti kpa'n, a klôman sa te'n mlonmlon, I so'n ti, Nyanmien o Nyanmien faa o, o guo o su ngô (*f21*), o man o klun dyo dan kpa tro o wiéngu mun,»

Hébreu 10:5

I so'n ti ye ke Christ bah men'n nun'n, o sé ke: «W'a kunnde'a nnen nin liké nga bé fa man wo'n, sannge a maan min wunnen.

Hébreu 11:5

Nyanmien su bo Hénoch lafi'n ti ye o fe oo i wun lo bo wa wuman nion. Ba wu'en kun afin Nyanmien meen i su. Bé klee ke Nyanmien klun dyo i wun nan wa men i su.

Hébreu 12:2

Man é kpe é nyin nian Jésus, é Nyanmien sulafile'n fiin, i ye man é lafi i su lélé gue i ti nin i bôo. Ke o bu i klun b'o wa dyo'n i akunndan'n, o kplin su man bé kuin waka'n su, wa bu'e i nyin asé guale'n liké fi, nan wa kô tran Nyanmien bia'n i fama su.

Hébreu 2:7

A yôli man ange'm bé kpa'n trelii lé nnyon kun, A siéé famien man o nyan nyrun, bé menmen,

Hébreu 7:25

I so'n ti, o man bé bo i ti bé mantan Nyanmien béh kwlah nyan bé ti mlonmlon, afin o ô le titi o sre Nyanmien ke o nian bé su.

Hébreu 8:3

Nyanmien nyrun dyranfue dan kwlaa nga bé sié bé'n, bé sié bé ke bé fa liké nga swran'm bé waan béh fah man Nyanmien'n nin nnen nga béh fah soe'n bé fa men. O man é lie'n, kusu o fata ke o nyan liké wié fa men.

1 Piɛr 1:21

I ti ye amuan lafi Nyanmien b'o tyenniin'n, b'o man o nyaan nyrun'n i suo, o man Nyanmien su ye amuan lafio, i su ye amuan fa amun wla'n ba guaa.

1 Jean 2:2

Afin i bobo fe i wun yii é ti te, nan Nyanmien yatyi sa nga é yôlii'n tye é. Nanh é ngunmin é ti te ye o yilio, swran'n kwlaa bé lieo.

Sa nglô yile 19:12

I nyinma'n so ke sin sa, sika klé kpanngban ô i ti. Bé kle dunman kun i wun, swran fi simen, sen i bobo ye o si io.

Sa nglô yile 5:9

Bé tô dyué ufle kun, bé sé ke: Wo ye a ti fluwa'n i fafueo, bo a kwla kpekpe liké nga bé fa tyityili nuon. Afin bé kuun o, a fo o wun tô swran'm bo bé fin nvlénvlé'n kwlaa nun, nin bé bo bé anien'n ti wafawafa'n kwlaa, nin swran wafawafa'n kwlaa, nin bé nga bé fin menmen'n kwlaa nun'n, maan Nyanmien.