Hébreu 2:17 - Nyanmien nde Ufle

¹⁷ Ke o yô nan wa yô Nyanmien nyrun dyranfue dan, wa si i niaan'm bé aunnvue, wa si Nyanmien dyunman'n di kpa, nan wa kwla yatyi swran'm bé wun sa'n wa tye bé'n, san oh katyih i wun ke bé sa.

NYANMIƐN NDƐ'N 1998

¹⁷ Kɛ ɔ ´yo nan ɔ'a yo Nyanmiɛn nyrun jranfuɛ'm be su kpɛn'n, nan ɔ'a si i niaan'm be aunnvuɛ'n nan ɔ'a si Nyanmiɛn junman'n di kpa'n, nan ɔ'a kwla yaci sran'm bé wun sa'n ɔ'a cɛ be'n, san ɔ ´kaci i wun kɛ be sa.

Hébreu 2:17 ပူးပေါင်းရင်းမြစ်များ

Rɔmfuɛ Mun 15:17

Swran wunmuan bo min nin Christ-Jésus ya katyi'n ti, n kwla fa dyunman nga n di man Nyanmien'n, di n nuan.

Rɔmfuɛ Mun 5:10

Afin se laa bo é ti Nyanmien i kpofue'n b'o fe i Wa'n siésié é afien'n, sien'n bo é nin i é afien a se'n, i Wa'n i nyin b'o ô su'n ti, oh déh é ti kpe blu.

Efɛzfuɛ Mun 2:16

Ke o wuli waka'n su'n, o man sa ng'o ô bé nvlé nnyon'n bé afien'n o wiéli, ba katyi swran wunmuan, ye wa siésié bé nin Nyanmien bé afien.

Kolɔsfuɛ Mun 1:21

Amun bo laa an kpo Nyanmien bo amun nin i diman'n, amun akunndan te nin amun nyôlie tete'n ti'n,

Hébreu 10:21

É le Nyanmien nyrun dyranfue dan kun bo bé fe siéé Nyanmien i awlô'n su.

Hébreu 2:11

Afin i b'o man swran'm bé wun sa'n wié'n, nin bé nga o man bé wun sa'n wiéli'n, o nin bé bé si ti kun. I so'n ti ye ke o sé ke bé ti i niaan'n, nyannzuen kunmen nion.

Hébreu 2:14

Ke bo ba so'm bé ti klo swran'n ti, Jésus kusu katyii i wun klo swran ke bé sa. O yôô i so nan se o wu'n, oh kwlah mmusu'm bé si Satan'n b'o man wié'n kwla swran mun'n.

Hébreu 2:16

Afin nanwle, nanh ange mun ye o baa bé ukaleo, Abraham anunman mun ye o baa bé ukaleo.

Hébreu 3:1

I so'n ti, aniaan bo an ti Nyanmien lie b'o flee amun wié'n, anh bu Jésus bo Nyanmien sunmeen i ke o yô i nyrun dyranfue dan i su bo é lafi'n ti'n, i akunndan.

Hébreu 3:2

Dyunman nga Nyanmien fe siéé su'n, o nian nun di i kpa men, ke Moïse kusu yô i so Nyanmien awlô wunmuan'n nun'n sa.

Hébreu 3:5

Moïse ti dyunman difue kpa Nyanmien awlô wunmuan'n nun. O kan nde nga tyen wié lélé Nyanmien wa kan'n i nde.

Hébreu 4:14

É le Nyanmien nyrun dyranfue dan kpa kun, o oo lélé dyu Nyanmien bobo nyrun lo, yele Jésus Nyanmien Wa'n. I so'n ti, liké nga é lafi su'n, man é lafi su kpa.

Hébreu 4:15

Afin Nyanmien nyrun dyranfue nga é le'n, o ti'a swran b'o si'a ke é kwla'a liké fi yôo, afin bé fa liké kwlaa nga bé fa lakaa yé'n bé fa leke i wié, sannge wa yô'a sa te lé.

Hébreu 5:1

Nyanmien nyrun dyranfue dan kwlaa nga bé fa bé'n, bé sié bé ke bé dyran swran'm bé nuan Nyanmien nyrun nan bé fa liké nga swran'm bé waan béh fah men'n nin nnen nga bé fa soe'n, bé fa men.

Hébreu 5:10

afin Nyanmien sé ke o ti i nyrun dyranfue dan ke Melchisédek lie'n sa.

Hébreu 5:2

Ke i bobo ti swran b'o kwla'a liké fi yô'n ti, o kwla wun bé nga bé wu'an sa wle'n, nin bé nga bé fon'n bé aunnvue.

Hébreu 5:5

Christ kusu, nenh i bobo ye o kunnde dunman ke bé fe sié Nyanmien nyrun dyranfue daan, swran ng'o séé i ke, «A ti n Wa, ndeken man katyi o si'n,» i ye o fe siélio.

Hébreu 6:20

Lo ye é ti Jésus b'o ti é nyrun dunfue'n o wluli nion. O katyii Nyanmien nyrun dyranfue b'oh kah le titi ke Melchisédek lie'n sa.

Hébreu 7:26

Nanwle, Nyanmien nyrun dyranfue dan nga ya nyen ye'n, ye é kunnde nion. O ti Nyanmien lie tyrôlôlô, sa te kaan sa nu'en i wun, o nin sa te yôfue'm bé sa'an nun, Nyanmien meen i tranwle kpa nglô mmuamua lo.

Hébreu 7:28

Bé nian mmla'n su bé fa swran'm bo bé kwla yô'a liké fi'n sié Nyanmien nyrun dyranfue dan, sannge ke mmla'n wô le lélé'n, nde nga Nyanmien wa ta nda kannin'n ti o fe i Wa'n b'o ti kpa lélé gue i ti nin i bô'n, siéé i nyrun dyranfue dan.

Hébreu 8:1

Anh nian nde nga é kan'n i nun nanndôlie'n ye: é le Nyanmien nyrun dyranfue dan kun b'o ti Nyanmien Kpli b'o ti Wléngbi'n i bia'n i fama su nyanmien su lo.

Hébreu 8:3

Nyanmien nyrun dyranfue dan kwlaa nga bé sié bé'n, bé sié bé ke bé fa liké nga swran'm bé waan béh fah man Nyanmien'n nin nnen nga béh fah soe'n bé fa men. O man é lie'n, kusu o fata ke o nyan liké wié fa men.

Hébreu 9:11

Sannge Christ bali, o wa yôô Nyanmien nyrun dyranfue dan ninngé kpakpa bo bé wa ba'n bé ti. Tannin sua ng'o di i dyunman nun'n ti dan, o ti kpa tra laa lie'n. Nanh swran ye o kplannion, o man o ti'a men nga Nyanmien yii i ye'n i nun liké'm bé wié.