Hébreu 2:14 - Nyanmien nde Ufle

¹⁴ Ke bo ba so'm bé ti klo swran'n ti, Jésus kusu katyii i wun klo swran ke bé sa. O yôô i so nan se o wu'n, oh kwlah mmusu'm bé si Satan'n b'o man wié'n kwla swran mun'n.

NYANMIƐN NDƐ'N 1998

¹⁴ Kɛ bɔ ba sɔ'm be ti klɔ sran'n ti'n, Jésus kusu kacili i wun klɔ sran kɛ be sa. Ɔ yoli i sɔ nan sɛ ɔ wu'n ɔ ´kwla mmusu'm bé si Satan'n b'ɔ man wie'n kwla sran mun'n.

Hébreu 2:14 ပူးပေါင်းရင်းမြစ်များ

Matthieu 16:17

Jésus sé i ke: Simon, Jonas wa, o lie su ti yé, afin nanh swran ye o yii sa so'n nglô kléé woo, sannge min Si b'o ô nyanmien su lo nion.

Matthieu 25:41

I sin nh séh bé nga bé gua m be su'n ke: Amun bo n Si bôô amun sannzan'n, anh dyaô min wun le o anannganman sin bo bé tro maan mmusu'm bé si Satan nin i ange mun'n nun.

Jean 1:14

Nde so'n katyii i wun swran, o nin é wa trannin, o ti aklunyéfue nin nanwlefue. É nieen i anyrunnyan'n, o ti anyrunnyan bo se Ba b'o ti kunngba'n i Si meon o ti su.

Jean 12:24

Nanwle, se awié mma kun wa to'a asie wun wa satyiman'n, o ke i kunngba, sannge se o satyi'n, oh wloh oh yôh kpanngban.

Rɔmfuɛ Mun 14:9

Ke o kô yô nan Christ wa yô bé nga bé wuli'n nin bé nga bé nyin ô su'n bé Min'n, o wuli, o tyennin.

Rɔmfuɛ Mun 8:3

Liké nga Moïse mmla'n kwle'e i yô'n klo swran i nzuen'n ti'n, Nyanmien bobo yôli. Ke o man i bobo Wa'n katyi ke klo swran b'o yô sa te'n sa, b'o sunmenniin ke o yô te nnen'n, o klé ke sa te b'o ti klo swran nzuen'n ti te, o man se o wié'n, o ti su.

1 Korɛntfuɛ Mun 1:28

Liké nga swran'm bé bu'e liké kpa'n, nin liké nga bé yôé finfin'n, nin nga bé bu'e i ke o ô le'n, Nyanmien fa bé man liké nga bé ô le'n bé nya'an nyrun kun.

1 Korɛntfuɛ Mun 15:50

Aniaan mun, n sé ke yiô, swran wunnen b'o ô ye'n o kwla fa yô'a Nyanmien men nun lofue, i kunngba'n, liké ng'o kplo'n, o kwla katyi'a liké b'o kploman'n.

Galasifuɛ Mun 4:4

Sannge ke ble nga Nyanmien siéli'n dyuli'n, o sunmeen i Wa'n, bla kun wulii, o di mmla'n su.

Kolɔsfuɛ Mun 2:15

Christ i waka so'n ti, o bu mmusu nin kpenngben'm bé kwlale'n i bué, ke o fa bé yii kwlale'n nglô'n, o man bé wun bé wafa nga bé ti'n.

1 Timote 3:16

Nanwle, é kwlaa é si ke, ke o yôli bo é yô Nyanmien lie'n, o ti abônuan dan, swran wu'en i wle. O yô i wun swran o yii i wun nglô, Nyanmien Wawe'n klé ke o ti swran kpa, Ange'm bé wunniin, Bé ken i nde nvlé'm bé nun, Bé lafii i su men wunmuan'n nun, Bé yôô i kuaa, bé yô i mô nyanmien su lo.

2 Timote 1:10

É ble lie'n su ke é Ti Défue Christ-Jésus bali'n, ye o yii yé so'n i nglôo. O tuu wié'n i dyé'n, ye i dyasin fe'n ti o man ya si nguan b'o man swran wuman'n.

Hébreu 10:10

Ke Jésus-Christ yôô Nyanmien klun sa, b'o fe i wun men kpe kunngba b'o su yô'e kun'n, é ti te ye o fe i wun yilio.

Hébreu 10:5

I so'n ti ye ke Christ bah men'n nun'n, o sé ke: «W'a kunnde'a nnen nin liké nga bé fa man wo'n, sannge a maan min wunnen.

Hébreu 2:17

Ke o yô nan wa yô Nyanmien nyrun dyranfue dan, wa si i niaan'm bé aunnvue, wa si Nyanmien dyunman'n di kpa, nan wa kwla yatyi swran'm bé wun sa'n wa tye bé'n, san oh katyih i wun ke bé sa.

Hébreu 2:18

Afin ke o wunnin nyrennen lakale bo bé lekelii'n ti'n, i kusu kwla uka bé nga bé bé'n.

Hébreu 4:15

Afin Nyanmien nyrun dyranfue nga é le'n, o ti'a swran b'o si'a ke é kwla'a liké fi yôo, afin bé fa liké kwlaa nga bé fa lakaa yé'n bé fa leke i wié, sannge wa yô'a sa te lé.

Hébreu 9:15

I so'n ti ye o ti sa ufle nga Nyanmien waan oh yôh man swran'n i nun dyranfue nion. I wule b'o wuli'n ti o dé bé nga bé fa sa klikli nga Nyanmien waan oh yôh man swran'n su'n bo bé yô sa te'n, i sae'n nun. O man bé nga Nyanmien flee bé'n béh nyanh liké kpakpa ng'o wiéman mlonmlon bo i waan oh fah man bé'n.

1 Piɛr 1:20

Nyanmien dun mmua fe siéli i sin nan wa yi men'n, ye amun ti, ke ya dyu men'n i bué nuan'n, wa yii nglô.

Sa nglô yile 1:18

N ti anannganman, n wuli, sannge n tyennin, sien'n min nyin ô su, ye nh kah le tititi. Min ye n sié Wié nion, ye blolo lo la clé'n wô n sa nun.

Sa nglô yile 12:9

Bé kaan dragon srôésrôé dan so'n nin i ange'm bé bô gua bé asie'n su wa. I ye bé flee wuô lalaa, nin mmusu'm bé si, nin Satan nion, i ye o laka men wunmuan nunfue'm bé kwlaa nion.

Sa nglô yile 2:10

Nanh sre kun amun nyrennen nga an wa wuin'n ti. Anh nian, mmusu'm bé si Satan'n o wa wla amun nun wié'm bé bisua, oh sah amun nian. Amunh wunh nyrennen lé blu. Se kunle bobo ye béh kunh amun'n, anh tra amun awlen, ye liké nga nh fah yô amun mô'n yele nguan'n.

Sa nglô yile 20:2

O tra dragon (*f46*) bo bé flee wuô lalaa, nin mmusu'm bé si, nin Satan'n, o tyilii, o ka le lélé afue akpi.