Hébreu 13:9 - Nyanmien nde Ufle

⁹ Nanh an fa liké wafawafa nga bé klé amun b'o nin é lie'n ti'a kun'n su man an yatyi atin kpafue'n. Se é tra é awlen kpa yé bo Nyanmien yôô yé'n ti'n, o ti kpa. Nanh man é bu ke alie dile mmla'n bo é fa su'n o kwla yô é kpa, afin bé nga bé faa su'n, wa yô'a sa fi yé a ma'an bé.

NYANMIƐN NDƐ'N 1998

⁹ Nán an fa like wafa-wafa nga be kle amun b'ɔ nin e liɛ'n ti-man kun'n su nan an yaci atin kpafuɛ'n. Sɛ e tra ye anwlɛn kpa ye bɔ Nyanmiɛn yoli ye ti'n, ɔ ti kpa. Nán man e bu kɛ aliɛ dilɛ mmla'n bɔ e fa su'n ɔ kwla yo e kpa, afin be nga be fali su'n, ɔ'a yo-man sa fi ye a man-man be.

Hébreu 13:9 ပူးပေါင်းရင်းမြစ်များ

Matthieu 24:24

Afin bé bo bé ton bé wun suen ke bé ti Christ'n, o nin bé bo bé ton bé wun suen ke bé ti Nyanmien nuan idyofue'n, bé wa dyaô, béh yih atre, béh yôh abônuan sa mun lélé ke bé fa laka bé bo Nyanmien faa bé'n bobo, se bé kwla nyan bé ô.

Matthieu 24:4

Jésus sé bé ke: Anh sasa amun wun kpa, nanh man bé laka amun.

JÉSUS-CHRIST I DYASIN FE'N BO LUC KLELI'N 5:38

Sannge bé fa du vin lofle'n gua kôtôkun ufle'n nun.

Sa nga bé yôli'n 20:30

Ye amun nun swran wié'm bé wa dyaô, béh kanh nde b'o ti'e i nuan su'n, bé fa laka Christfue mun nan bé su bé su.

Sa nga bé yôli'n 20:32

Sien'n nh fah amun wla é Min'n sa nun, ye nh fah yé dan bo Nyanmien yôô yé'n i nde'n yatyi amun sa nun. O man amunh kwlah dyran tyinndyin, ye kusu o kwla fa liké ng'o sié maan swran kwlaa ng'o ti i lie mlonmlon'n man amun.

Rɔmfuɛ Mun 14:17

Nanh ke liké bo swran di'n nin nzan bo bé non'n ye o klé ke Nyanmien sié béo, sannge i Wawe'n b'o man swran katyi swran kpa, b'o man bé di aladyé, bo bé klun dyo'n ye o klé ke o sié béo.

Rɔmfuɛ Mun 14:2

Anh nian, swran wié ô le'n o lafi su ke o kwla di liké'n kwlaa, sannge swran ng'o nian wu'an sa ng'o yôo o ti su'n i wle'n, alie ngunmin ye o dio, o di'a nnen.

Rɔmfuɛ Mun 14:6

Swran ng'o sié tyen kun man é Min'n, é Min'n i akunndan b'o bu'n ti ye o sié i soo. Ye swran ng'o di liké'n kwlaa'n, é Min'n i akunndan b'o bu'n ti ye o dio, afin o la Nyanmien asé. Swran ng'o di'a liké ngba'n é Min'n i akunndan b'o bu'n ti ye o yôé soo, i kusu la Nyanmien asé.

1 Korɛntfuɛ Mun 6:13

Alie'n ti bé klun ôwié, ye bé klun'n kusu te alie'n i di guawle, sannge Nyanmien o wa satyi liké nnyon so'n. Bé wunnen'n kusu ti'a liké bo bé fa katyi bla kunndele nin bian kunndele likéo, sannge o ti é Min'n i lie, ye é Min'n kusu ti bé wunnen so'n i lie.

1 Korɛntfuɛ Mun 8:8

Nanh alie ti ye Nyanmien klun dyo é wuon. Se é di liké ô, se é di'a liké ô, Nyanmien klun b'o dyo é wun'n, o katyiman.

2 Korɛntfuɛ Mun 1:21

Nyanmien ye o klé é nin amun wéiin kpa ke é nin Christ ya katyi swran wunmuaan, i bobo ye o siéli é ke é yô i lie mlonmlon,

Galasifuɛ Mun 6:1

Aniaan mun, se an wun ke amun niaan kun su yô sa wié b'o ti'a kpa'n, amun bo Nyanmien Wawe'n sié amun'n, anh klé i atin ng'o ti kpa'n amannien su. Sannge anh nian amun bobo amun wun nan amuan yô'a sa kunngba so'n wié.

Efɛzfuɛ Mun 4:14

Ke o kô yô so'n, é ti'a ba kaan kun bo é fa atô nde kwlaa nga swran'm bé gble'n ti bé ken ke bé fa lakalaka swran mun'n su, b'o man é ko wa ko wa ke mméli bo aunngban'n fe ko wa ko wa'n sa.

Efɛzfuɛ Mun 5:6

Nanh man swran fi fa nde ngben wié laka amun, afin sa so'm bé ti ye Nyanmien i ya'n o wa dyaô bé bo bé nyin yimen'n bé su nion.

Kolɔsfuɛ Mun 2:4

N ken i so nan swran fi a fe'e i nuan nun fe a laka'a amun.

2 Tɛsalonikfuɛ Mun 2:17

o wla amun yakpa, man an dyran kéklé yô sa kwlaa ng'o ti kpa'n, ye an kan nde kwlaa ng'o ti kpa'n.

2 Tɛsalonikfuɛ Mun 2:2

nanh man nde nga bé ken i ke é Min'n i bale tyen'n wa dyu'n o sanngan amun akunndan, nanh man sre kun amun kpekun ke nga sa. Wiénuon swran wié waan, o idyo Nyanmien Wawe'n nuan ye o ken i soo, annze bé sé ke é ye é kan soo, annze é ye é kle amun fluwa soo.

1 Timote 6:20

Timothée, fa sa nga bé kan kléé wo'n su kpa. Nanh sié o su nde ngbenngben b'o nin Nyanmien nde'n ti'a kun'n, nin akplôwa nga bé bo bé bu bé wun ke bé si sa'n bé si'n bé su.

1 Jean 4:1

N swran kpa mun, nanh an lafi bé nga bé sé ke bé idyo Nyanmien Wawe'n nuan'n, bé ngba su, anh sa bé nian, se bé idyo Nyanmien nuan sakpa ô, annze se liké wié ye bé idyo i nuan ô. Afin bé nga bé ton bé wun suen ke bé ti Nyanmien nuan idyofue'n, bé kpanngban kpa ba ba men'n nun.

Jude 1:12

Ke amun nin bé yia alie'n su'n, bé satyi amun wun, bé di liké'n léle, nyannzuen ku'an bé. Bé bu'a swran ufle akunndan, bé bobo bé wun akunndan ye bé buo. Bé ti ke nyanmien'n b'o dun tuun, bo ke nzué'n toman'n, aunngban'n fe ko'n sa. Bé ti ke waka bo i sule ble nun o suman, bo ba tu i bô wa wu'n sa.

Jude 1:3

N swran kpa mun, ke n waan nh kleh ti nyanle bo é nin amun é nyenniin'n i nde ble amun'n, n wuun ke, se n kle amun fluwa nan n wla amun fanngan ke an dyran Christ sulafile nde'n su'n, o ti kpa. Nyanmien man bé kan nde so'n kléé i swran mun kpe kunngba tye.