Hébreu 13:7 - Nyanmien nde Ufle

⁷ Anh bu amun kpenngben bo laa bé kan Nyanmien nde kléé amun'n bé akunndan. Anh nian bé nzuen'n nin bé agualie'n, anh nian ke bé fa lafi Nyanmien su'n, anh lafi i su so wié.

NYANMIƐN NDƐ'N 1998

⁷ An `bu amun kpɛnngbɛn bɔ laa be kan Nyanmiɛn ndɛ kleli amun'n be akunndan. An `nian be nzuɛn'n nin be agualiɛ'n, an `nian kɛ be fa lafili Nyanmiɛn su'n, an `lafi i su sɔ wie.

Hébreu 13:7 ပူးပေါင်းရင်းမြစ်များ

Matthieu 24:45

?Swran kpa nanwlefue b'o si ngwlele'n bo i min'n fe sié i swran'm bé su ke o man bé alie ble ng'o ti i nuan su'n i su'n, yele wan?

JÉSUS-CHRIST I DYASIN FE'N BO LUC KLELI'N 12:42

Ye é Min'n sé ke: ?Wan ye o ti swran kpa b'o si liké su nian kpa, bo i min'n fe sié i minnien'm bé su ke o man bé alie tyen bo bé siéli'n su nion?

JÉSUS-CHRIST I DYASIN FE'N BO LUC KLELI'N 5:1

Lé kun ke Jésus ô Génésareth fete'n nuan le bo swran'm bé sin yie le ke béh tiéh Nyanmien nde'n,

JÉSUS-CHRIST I DYASIN FE'N BO LUC KLELI'N 8:11

Nyanndra so'n i bô'n ye: Awié'n yele Nyanmien nde'n.

Sa nga bé yôli'n 13:46

Sannge Paul nin Barnabas bé tra bé awlen bé kan klé bé wéiin ke: Amun ye bé waan, é dun mmua kan Nyanmien nde'n klé amuon, sannge ke amuan faman'n, bo an bu ke anannganman nguan'n nin amun fataman'n, i so'n ti, éh kpeh é nyin ko bé bo bé ti'a Juif'n bé sin.

Sa nga bé yôli'n 14:23

Bé siésié bé asonun'm bé kpenngben. Ke bé kpe sre nun bo bé séé Nyanmien ke o dyran bé sin'n, bé fa bé wlaa é Min'n bo bé lafi i su'n, i sa nun.

Sa nga bé yôli'n 4:31

Ke bé kan nde so'n klé Nyanmien wiéli'n, lika nga bé yiaa nun'n kédyéli, Nyanmien Wawe'n fuu bé kwlaa, nan ba kan Nyanmien nde'n yakpa su.

Rɔmfuɛ Mun 10:17

I so'n ti, nde nga swran ti'n ye man o lafi Nyanmien suo, ye nde nga bé ti'n yele Christ nde bo bé kan'n.

1 Korɛntfuɛ Mun 10:13

Sa kwlaa ng'o to amun su'n, nanh amun ngunmin ye o to amun suo. É kwla fa é wla'n kwlaa gue Nyanmien su, afin o kpli'an su ke sa ng'o so'an amun nun'n o to amun su. I so'n ti, se sa to amun su'n, o man o son amun nun, yele ke o yô sa nga b'o man an kwla fité nun'n.

1 Korɛntfuɛ Mun 11:1

Ke n nian liké nga Christ yô'n su n yô'n, amun kusu anh nian nga n yô'n su, anh yô.

1 Korɛntfuɛ Mun 4:16

I so'n ti, nh sreh amun, anh nian liké nga n yô'n su, anh yô.

Filipfuɛ Mun 3:17

Aniaan mun, anh nian n lie'n su. Ya yô a klé amun, o man anh nian bé nga bé yô liké nga é kléé amun'n bé lie'n su yô.

1 Tɛsalonikfuɛ Mun 1:6

Ke an faa Nyanmien nde'n su'n, bo an wunnin nyrennen dan kpa'n, an niannin é nzuen'n nin Christ lie'n su an yôli. Sannge o nin i so'n ngba, Nyanmien Wawe'n man amun klun dyo.

1 Tɛsalonikfuɛ Mun 2:13

I so'n ti, é kusu é la Nyanmien asé titi, afin i nde bo é kan kléli amun'n, an tili ye an fa su. Amuan bu'e i ke o ti swran lie, sannge an wun i ke o ti Nyanmien nde sakpa b'o kwla yô amun bo an lafi Christ su'n, amun wun sa yé.

2 Tɛsalonikfuɛ Mun 3:7

Amun bobo an si liké nga se an yôo o nin é lie'n ti kun'n, afin ke é ô amun wun lo'n, ya bubu'a é sa nin é dya a tra'an su.

2 Tɛsalonikfuɛ Mun 3:9

Nanh ke se an wuka yéo o ti'e i su tio, sannge é klô ke é yôé so nan an nian é lie'n su yô.

1 Timote 3:5

?Afin se swran kun sié i bobo i awlô'n su nian'n, oh yôh se ye oh kwlah nian Nyanmien i asonun'n suo?

Hébreu 13:17

Man amun nyin yi amun kpenngben mun, anh bu bé swran. Bé nian amun su titi, afin bé wa kan bé dyunman'n i su nde klé Nyanmien. Anh yô sa nga b'o man bé klun dyo bé dyunman'n su'n. Se amuan yô'e i so bo bé ôtô'n, o man bé su kwla uka'a amun.

Hébreu 13:24

Nh yôh amun kpenngben nin Nyanmien swran'm bé kwlaa bé liké. Italiefue'm béh yôh amun liké.

Hébreu 6:12

É klô'a ke an yô nveefue, sannge an nian bé nga bé lafi Nyanmien su, bé tra bé awlen b'o man bé nyan liké nga i waan oh fah man bé'n, bé lie'n su yô.

1 Piɛr 4:11

Swran ng'o kan Nyanmien nde'n mon o kan nde nga Nyanmien klélii'n, ye nga kusu b'o di i dyunman'n, mon o fa wunmien ng'o menniin'n, di dyunman so'n, nan sa'n kwlaa nun Jésus-Christ b'o ti kpli bo bé yi i aye tititi'n ti, bé yi Nyanmien aye. Mon o yô so!

Sa nglô yile 1:9

N Jean bo n ti amun niaan'n, ke é nin Jésus é katyii swran wunmuan'n ti, o man min nin amun é wun nyrennen, o sié é, ye é tra é awlen. Nyanmien nde nin Jésus nde bo n kan'n ti, bé fa min oo nvlé kaan bo bé flee Patmos, bo nzué sin yie'n nun.

Sa nglô yile 20:4

N wuun bia mun, bé nga bé ti bé su'n, bé sié bé ke bé di dyole. Ye n wuun bé nga bé kan nde nanwle bo Jésus yii nglô'n, nin Nyanmien nde'n ti bé kuun bé'n, bo ba kôtô'a nnen'n i wunsu bo bé yôli'n i bô, bo nnen'n i nzolie'n nu'an bé ngban su nin bé sa'n su'n, bé wawe'n. Bé tyennin, nan bé nin Christ a di famien afue akpi.

Sa nglô yile 6:9

Ke Bua Gbanflen'n kpee liké nga bé fa tyityi fluwa'n i nnun su'n nun'n, n wuun bé nga Nyanmien nde'n nin Jésus nde bo bé kan'n ti, bé kuun bé'n Nyanmien sowle'n bô.