Hébreu 13:14 - Nyanmien nde Ufle

¹⁴ Afin é le'a klo kpa wa, é su minnde klo nga bé wa fa man yé'n.

NYANMIƐN NDƐ'N 1998

¹⁴ Afin e lɛ-man klɔ kpa wa, e su minndɛ klɔ nga be wa fa man ye'n.

Hébreu 13:14 ပူးပေါင်းရင်းမြစ်များ

Filipfuɛ Mun 3:20

É lie'n é ti nyanmien su lo ba, é minnde é Défue'n, é Min Jésus-Christ b'o fin lo ba'n.

Hébreu 12:22

Sannge an baa Sion Ôka'n i bô, an baa nyanmien su Jérusalem b'o ti Anannganman Nyanmien'n i klô'n bo ange akpiakpi bé ô su'n su.

Efɛzfuɛ Mun 2:19

I so'n ti, an ti'a aôfue annze nvlé wié nunfue kun, sannge amun nin Nyanmien swran mun, amun nvlé ti kun, ye an ti i mma mun.

2 Korɛntfuɛ Mun 4:17

Nyrennen kaan nga é wuin ye'n o man éh nyanh tranwle kpa nyanmien su lo, é su dyaô'a nun le.

1 Korɛntfuɛ Mun 7:29

Nnya mun, anh nian nde nga nh kanh klé amun'n ye, é nyrun a ka kôkô, i so'n ti, swran ng'o le bla'n, mon o yô ke o le'a bla sa.

1 Piɛr 4:7

Liké'n kwlaa bé awiélie'n wa mantan. I so'n ti, anh bu akunndan, anh nian amun wun su nan amuan kwla kôkô yale a klé Nyanmien.

Hébreu 4:9

I so'n ti, Nyanmien swran'm bé aladyé dile sakpa'n b'o fa wunmien nga Nyanmien déli lé nsô su'n, o te ô bé nyrun.

Hébreu 2:5

Afin nanh ange mun ye Nyanmien fa bé sié men nga o wa yi bo é ken i nde'n suo.

Hébreu 9:11

Sannge Christ bali, o wa yôô Nyanmien nyrun dyranfue dan ninngé kpakpa bo bé wa ba'n bé ti. Tannin sua ng'o di i dyunman nun'n ti dan, o ti kpa tra laa lie'n. Nanh swran ye o kplannion, o man o ti'a men nga Nyanmien yii i ye'n i nun liké'm bé wié.

Hébreu 10:34

Afin an wun bisuafue'm bé aunnvue. Ke béh déh amun ninngé mun amun sa nun'n, amun nin bé a kpliman, amun klun dyo su, afin an si ke an le ninngé wié b'o ti kpa tra nga le'n, b'oh kah le tititi.

Hébreu 12:27

Ke o sé ke oh kédyééh «ékun'n», o klé wéiin ke i ye oh yih liké nga o kédyé bé'n bé leo, afin i ye o yii béo, nan nga wa kédyé'a bé'n bé ka le.

Sa nglô yile 3:12

Swran ng'o kwla'n, nh feh yô min Nyanmien sua'n i kuatren'n kun, bé su katyimen. Nh kleh min Nyanmien i dunman'n, nin min Nyanmien i klo Jérusalem ufle b'o fin i wun nyanmien su lo dyra'n i dunman'n, nin m bobo n dunman ufle'n i wun.