Hébreu 12:2 - Nyanmien nde Ufle

² Man é kpe é nyin nian Jésus, é Nyanmien sulafile'n fiin, i ye man é lafi i su lélé gue i ti nin i bôo. Ke o bu i klun b'o wa dyo'n i akunndan'n, o kplin su man bé kuin waka'n su, wa bu'e i nyin asé guale'n liké fi, nan wa kô tran Nyanmien bia'n i fama su.

NYANMIƐN NDƐ'N 1998

² Man e kpɛ é nyin nian Jésus, e Nyanmiɛn sulafilɛ'n fin i, i yɛ man e ´lafi i su lele ´guɛ i ti nin i bo-ɔ. Kɛ ɔ bu i klun b'ɔ wa jɔ'n i akunndan'n, ɔ kplinnin su man be kunnin i waka'n su, ɔ'a bu-mɛn i nyin ase gualɛ'n i like fi, kɛ e ´se yɛ'n ɔ'a ko tran Nyanmiɛn i bia'n i fama su .

Hébreu 12:2 ပူးပေါင်းရင်းမြစ်များ

Matthieu 16:21

Ke o fin tyen so'n nun'n, Jésus bôô i sonnzonfue'm bé kan kléle bô ke, san oh koh Jérusalem oh wunh nyrennen dan kpenngben, nin Nyanmien nyrun dyranfue dandan, nin mmla kléfue'm bé sa nun, nan béh kuinh, ye i lé nsan su oh tyenh.

Matthieu 20:28

Ke m bo n katyii Swran'n m bale'n ke o ti soo, afin man baman ke bé su min, sannge m baa ke n su swran, nan n fa min wun kpo swran sunman bé ti.

Marc 14:36

O sé ke: Baba, a kwla sa'n kwlaa yô, yô man nyrennen wié nga tô fuan min, sannge nanh yô nga n klô ke o yô su'n, sannge yô nga a klô ke ah yôéh su'n.

Marc 15:28

[O man Nyanmien Nde nga bé kleli'n o kpeen su. Bé klee ke: «Bé ke wlaa sa te yôfue'm bé nun.»]

Marc 16:19

Ke é Min'n kan nde so'n kléé bé'n, Nyanmien meen i su oo nyanmien su lo, o traan asé i fama su.

Marc 9:12

O sé bé ke: Élie dunh mmua o wa yô ninngé'n kwlaa bé ufle ékun. ?Ye o yô se ti ye bé kle m bo n katyii Swran'n min wun nde ke m ma wun nyrennen dan kpa nan béh yôh n finfin nion?

Marc 9:24

Kpekuun ba'n i si'n kpaan ke: N lafi i su! Uka min i su bo n lafi'a kpa'n ti.

JÉSUS-CHRIST I DYASIN FE'N BO LUC KLELI'N 17:5

Lé kun bé bo é Min'n sunmaan bé'n bé sé i ke: Man é awlen, man é lafi o su kpa.

JÉSUS-CHRIST I DYASIN FE'N BO LUC KLELI'N 23:11

Ke Hérode nin i sôndya'm béh yôh i finfin'n, bé srii, bé wle i wun trale klaan kpa, nan ba fe i a kô man Pilate.

JÉSUS-CHRIST I DYASIN FE'N BO LUC KLELI'N 24:26

?Ba sé'a ke Christ wunh nyrennen nan wa tren i bia'n su?

Jean 1:29

Ke alie tyennin'n, Jean wuun Jésus o su be i wun le, o sé ke: Anh nian Nyanmien Bua Gbanflen'n b'o wa fe i wun yi men'n i ti te'n ye.

Jean 12:24

Nanwle, se awié mma kun wa to'a asie wun wa satyiman'n, o ke i kunngba, sannge se o satyi'n, oh wloh oh yôh kpanngban.

Jean 12:32

Ye n kusu, se bé man n su'n, m man swran'n kwlaa béh bah n sin.

Jean 13:3

Jésus bobo si wéiin ke i Si faa liké'n kwlaa wle i sa nun, o si ke o fin i Si Nyanmien wun lo, ye o su wa ko lo ékun.

Jean 6:40

Anh nian, liké nga n Si waan swran'm bé yô'n ye, swran kwlaa ng'o wun i Wa'n b'o lafi i su'n, oh nyanh anannganman nguan, ye nh tyeenh men'n i awiélie.

Jean 8:56

Ke amun nannan Abraham bu ke oh wunh min tyen'n, o yô i fe dan, o wuun tyen so'n ye i klun dyoli.

Sa nga bé yôli'n 2:36

I so'n ti man Israël ôsufue'n kwlaa bé si kpa ke Jésus so'n bo an bôbôlii waka'n su'n, i ye Nyanmien siéé ke o ti é Min nin Christ nion.

Sa nga bé yôli'n 3:15

An man bé kuun swran ng'o man nguan'n, sannge Nyanmien tyenniin. Sa so'n yôô é bobo é nyrun.

Sa nga bé yôli'n 5:31

Nyanmien fe siéé i fama su ke o yô é Atin Kléfue nin é Ti Défue, o man Israël'm bé kwla katyi bé nzuen'n, nan Nyanmien yatyi sa nga bé yôlii'n tye bé.

Sa nga bé yôli'n 5:41

Ke béh dyaôh dyole difue'm bé nyrun le'n, bé klun ti dyowa yele ke bé si ke, bé nyin bo bé gue i asé Jésus dunman nun'n o ti kpa, afin Nyanmien ye o siéé i soo.

1 Korɛntfuɛ Mun 1:18

Afin Christ i waka'n su wule nde bo bé kan'n o ti sinnzin nde bé nga bé su mlin'n bé nyrun, sannge é nga é su fité nun'n, o klé é ke Nyanmien ti kpli.

1 Korɛntfuɛ Mun 1:23

Sannge é lie'n, Christ bo bé bôbôlii waka'n su, bo i nde kanle'n ti Juif'm bé ngasi'n, b'o ti bé bo bé ti'a Juif'n bé nyrun sinnzin nde'n, i nde ye é kaan.

Efɛzfuɛ Mun 2:16

Ke o wuli waka'n su'n, o man sa ng'o ô bé nvlé nnyon'n bé afien'n o wiéli, ba katyi swran wunmuan, ye wa siésié bé nin Nyanmien bé afien.

Efɛzfuɛ Mun 5:2

Sa kwlaa nga amunh yôh'n, anh yôé swran klôle'n ti, ke Christ kusu klôli é b'o fe i wun maan Nyanmien é ti ke te nnen bo bé yre'n (*f41*) b'o bon fannin Nyanmien bué nun'n sa.

Filipfuɛ Mun 1:6

N si wéiin kpa ke Nyanmien b'o bô liké nga b'o man an yô kpa'n i bô'n, oh yôh i so lélé oh gueh i bô Christ-Jésus i bale tyen'n nun.

Filipfuɛ Mun 3:20

É lie'n é ti nyanmien su lo ba, é minnde é Défue'n, é Min Jésus-Christ b'o fin lo ba'n.

2 Timote 4:8

Sien'n ba sié liké nga swran ng'o yô kpa'n bé fa yô i mô'n, lo a sié min. É Min'n b'o di dyole nanwle su'n ye oh fah man min tyen so'n nuon. Nanh min ngunmin ye oh fah man mion, sannge oh fah man bé kwlaa nga bé nyin te i sin'n.

Hébreu 1:13

?Ye ange'm bé nun ônin ye o sé i ke: «Tran asé n fama su, Lélé m man ah tioh o kpofue'm bé suo»?

Hébreu 1:3

I ye o man é wun Nyanmien b'o yi i wun nglô nyannyannyan nion, o fa Nyanmien Kpli'n i wafa kwlaa ng'o ti'n, i nuan nun nde'n ye man ninngé'n kwlaa ô leo. Ke o yôli bo swran'm bé wun sa'n wiéli'n, o kô traan Nyanmien Kpli b'o ti Wléngbi'n i fama su nyanmien su lo.

Hébreu 10:14

Afin ke o soo Nyanmien kpale kunngba so'n, o man bé kwlaa nga o fe i wun yili bé ti te'n bé yôô swran kpa mlonmlonmlon.

Hébreu 10:33

Tyen wié bé kpe amun nun wié nzôwa, bé yô amun tete nzra nun, tyen wié kusu an fa amun wun wla bé bo bé yô bé tete so'n bé nun.

Hébreu 11:36

Bé tô wié'm bé mma, bé fa nyantiaan bô bé, bé fa dyroko tyi wié mun, bé wla bé bisua.

Hébreu 12:3

Anh bu i bo ke sa te yôfue'm bé satyi i wun'n o tre i awlen'n i akunndan nan amun sa sin a bubu'a amun nan amuan kponzoman.

Hébreu 13:13

I so'n ti, man é fité é o i wun klo tiwa lo nan bé gua é nin i é nyin asé.

Hébreu 5:9

Ke o yôô swran wafa nga Nyanmien klô ke o yô'n, o man bé kwlaa nga bé nyin yii'n, béh nyanh bé ti mlonmlon,

Hébreu 7:19

o man liké fi kwla yô'a kpa, ye bé fa liké ufle bo i kpa tre, bo é kwla fa é wla'n gua su'n siéé i ôsu, o man é kwla mantan Nyanmien.

Hébreu 8:1

Anh nian nde nga é kan'n i nun nanndôlie'n ye: é le Nyanmien nyrun dyranfue dan kun b'o ti Nyanmien Kpli b'o ti Wléngbi'n i bia'n i fama su nyanmien su lo.

Hébreu 9:28

I kunngba'n, ke o yô nan Christ a fa swran kpanngban bé wun sa'n, i kusu fe i wun soo Nyanmien kpe kun. Bale nga o wa ba ékun'n, nanh sa te'n tio, sannge oh bah bé nga be nyin te i sin'n bé déle.

Jacques 2:1

N niaan mun, ke an lafi é Min Jésus-Christ b'o le nyrun dan'n i su'n, nanh an bu swran'n wié kpa tra wié.

1 Piɛr 1:11

Christ Wawe'n su Nyanmien nuan idyofue so'm bé su. O kan Christ nyrennen wafa ng'o wa wuin'n o nin i manmanle nga ke o kô wun nyrennen'n béh fah menmen'n i nde kléé bé. Bé miaan bé nyin ke béh sih sa so'n i ble'n o nin i wafa ng'oh yôh su'n.

1 Piɛr 3:18

Amun ti te ye Christ fe i wun yilio. O yôé kpe kunngba o su yô'e kun. I b'o ti swran kpa'n, sa te yôfue'm bé ti o wuli, nan oh fah amun man Nyanmien. Bé kunniin, sannge Nyanmien Wawe'n tyenniin.

1 Piɛr 3:22

O oo nyanmien su lo, o ô Nyanmien i sa fama su, o sié ange, nin lo kpenngben, nin bé ngbléwangbléwa mun.

Jude 1:21

Ke amunh minndeh ke é Min Jésus-Christ si amun aunnvue nan o man amun anannganman nguan'n, anh yô sa nga an yôo an si ke Nyanmien klô amun'n.

Sa nglô yile 1:11

O sé ke: Liké nga a wun bé'n, kle bé fluwa kun nun, fa kô man asonun nsô bo bé ô Éphèse, nin Smyrne, nin Pergame, nin Thyatire, nin Sardes, nin Philadelphie, nin Laodicée'n.

Sa nglô yile 1:17

Ke n wunniin'n, n fin asé i bô le, n katyii ke fuen sa. O fe i sa fama'n fuaa min wun, o sé ke: Nanh sre kun o! Min ye n ti liké'n kwlaa i klikli nin i awiélie nion.

Sa nglô yile 1:8

É Min Nyanmien Kpli b'o ô le, b'o ô le lalaa, b'oh kah le'n, i waan o ti Alpha nin Oméga (*f45*).

Sa nglô yile 2:8

Nian nde nga n klô ke a kle kô man Smyrne asonun'n i ange'n ye: M bo n ti liké'n kwlaa i klikli nin i awiélie'n, bo n wuli, n tyennin'n, n sé ke yiô: