Hébreu 12:1 - Nyanmien nde Ufle

¹ I so'n ti, ke swran kpanngban kpa bo bé kan Nyanmien sulafile nde'n bé sin yia é kukukuku'n, man é kusu é gua liké kwlaa ng'o tanndan é nun'n bé asé, man é wla sa te'n kwlaa asé, afin o fi'an wa dyu'a wa nan wa tanndan é dya nun. Man é mian é nyin sin lika nga bé klé yé'n nun.

NYANMIƐN NDƐ'N 1998

¹ I sɔ'n ti, kɛ sran kpanngban kpa bɔ be kan Nyanmiɛn sulafilɛ ndɛ'n be sin yia e kukuku'n, man e kusu e gua like kwlaa ng'ɔ tanndan e wun'n be ase, man e wla sa tɛ'n kwlaa ase, afin ɔ cɛ-man nan ɔ'a tanndan é ja nun. Man e mian é nyin sin lika nga be kle ye'n nun.

Hébreu 12:1 ပူးပေါင်းရင်းမြစ်များ

Matthieu 10:22

Swran'n kwlaa bé wa kpo amun min ti, sannge swran ng'o tre i awlen lélé dyu i awiélie'n, oh fitéh nun.

Matthieu 24:13

Sannge swran ng'o tre i awlen lélé dyu i awiélie'n, oh fitéh nun.

Marc 10:50

O tô i trale dan'n guee i lo, o dyaô waka, o baa Jésus wun le.

JÉSUS-CHRIST I DYASIN FE'N BO LUC KLELI'N 12:15

I sin o sé bé ke: Anh nian amun wun kpa kônvi kpli yôle'n i lika, afin man swran nyen i wun, o nyen i wun see… nanh ninngé so mun ye bé men i nguaan.

JÉSUS-CHRIST I DYASIN FE'N BO LUC KLELI'N 16:28

n niaan nnun ô lo. Man o kô kan sa ng'o ô wa'n klé bé, nan bé kusu ba ba'a nyrennen nga nun wa wié.

JÉSUS-CHRIST I DYASIN FE'N BO LUC KLELI'N 21:34

Anh sasa amun wun, nanh an yô alie safue nin nzan bôefue, nanh an kôkô ninngé'm bé ti, se an yô so'n, o tyeman nan tyen so'n wa fu amun nun.

Jean 3:32

o kan liké ng'o wunniin b'o tili'n bé nde, sannge swran fi fe'e i nde'n su.

Jean 4:39

Bla'n i nde b'o kan kléé bé ke Jésus kan sa kwlaa ng'o yôli'n klélii'n ti, klo so'n sufue kpanngban bé lafii i su.

Jean 4:44

afin laa o séé ke: «Nyanmien nuan idyofue fi le'a nyrun i bobo men'n nun.»

Rɔmfuɛ Mun 12:12

Amun nyin b'o ô é Min'n i sin'n ti, anh gua amun wla asé. Se sa to amun su'n, anh tra amun awlen. Amun nin Nyanmien anh kôkô yale titi, nanh amun kponzo.

Rɔmfuɛ Mun 2:7

Bé nga bé tra bé awlen bé yô kpa, bo bé kunnde ke bé nyan nyrun bé bu bé swran, bo bé kunnde nguan'n, oh manh bé anannganman nguan.

2 Korɛntfuɛ Mun 7:1

N swran kpa mun, sa kwlaa nga Nyanmien séé ke oh yôh bé so'n ti, man é wla sa kwlaa ng'o satyi swran'n nin akunndan tete'n kwlaa bé asé. Se é waan é srô Nyanmien'n, man é nian é wun kpa ke nanh man sa kaan sa tran é nin i é afien.

Galasifuɛ Mun 2:2

Sa ti ye n woli'n yele ke Nyanmien séé n ke n wo. Min nin bé kaklaakla mun é yiaa é ngunmin kan, ye n kan dyasin fe'n bo n kan klé bé nga bé ti'a Juif'n kléé bé, nan n dyunman nga n dii laa'n, nin nga n te di'n, n sa a kpi'a asé.

Galasifuɛ Mun 5:7

Laa an bôô manndren kpa. ?Wan ye man an dyrannin, b'o man an lafi'a nde nanwle'n su kuon?

Efɛzfuɛ Mun 4:25

I so'n ti, anh yatyi atô buale'n, anh di nanwle klé amun wiéngu, afin é kwlaa é ti swran wunmuan.

Filipfuɛ Mun 1:30

Afe kunngba nga an wun ke o ô n su'n, o ô amun su wié, ye an si ke afe kunngba'n te ô n su.

Filipfuɛ Mun 2:16

ye an fa nde b'o man nguan'n klé bé. Se an yô so'n, Christ bale tyen'n nun nh nyanh komin, ye béh wunh ke n dyunman'n nin min afe'n wa yô'a ngben.

2 Timote 2:4

Sôndya ng'o ti sôndya kpa bo i waan oh yôh sa ng'o ti i sukpen'n i klun su'n, o fe'e i wun wla'a liké nga swran nga'm bé yô'n nun.

2 Timote 4:7

Man mian min nyin man wanndi wanndile dan kpa, man dyu n dyuwle, n dyran kéklé lafii Nyanmien su.

Hébreu 6:15

O men i so'n ti, ke Abraham tre i awlen lélé'n, o nyaan liké nga Nyanmien séé ke oh menh'n.

Jacques 1:3

afin an si ke, ke an lafi Nyanmien su, bo bé sa amun nian'n, ye man an katyi swran b'o tre i awleon.

1 Piɛr 2:1

I so'n ti, anh wla klunwi, nin gble'n kwlaa, nin dunman kunndele, nin amun nyin bo an fa tyi swran'n, nin swran wun nde kanle'n kwlaa bé asé.

1 Piɛr 4:2

Afin swran ng'o wun nyrennen'n, wuun o nin sa te'n ba bu. O man tyen nga an te di i asie'n su wa'n, anh fa yô Nyanmien klun sa, nanh an yô klo swran klun sa kun.

1 Piɛr 5:1

I so'n ti, m ma sre amun bo an ti asonun kpenngben'n amun liké kun. M bobo n ti asonun kpenngben ke amun sa, n kan Christ i nyrennen b'o wunniin'n i nde, ye anyrunnyan liké nga Nyanmien wa yi nglô'n, n dunman'n teh nun wié. Nh sreh amun,

1 Piɛr 5:12

É niaan Sylvain bo n wuun ke é kwla fa é wla gue i su'n, i ye o uka min é kle nde kaan nga n kle ble amun ye nion. N waan nh wlah amun fanngan, ye nh kanh klé amun ke yé nga Nyanmien yô yé'n, i ye o ti yé kpafue nion. I ti, anh dyran kéklé.

2 Piɛr 1:6

Ke an wun sa'm bé wle'n, anh nian amun wun su. Ke an nian amun wun su'n, anh tra amun awlen. Ke an tra amun awlen'n, anh fa amun wun mantan Nyanmien.

Sa nglô yile 1:9

N Jean bo n ti amun niaan'n, ke é nin Jésus é katyii swran wunmuan'n ti, o man min nin amun é wun nyrennen, o sié é, ye é tra é awlen. Nyanmien nde nin Jésus nde bo n kan'n ti, bé fa min oo nvlé kaan bo bé flee Patmos, bo nzué sin yie'n nun.

Sa nglô yile 13:10

Swran nga bé siéé ke bé wle bisua'n, san béh wleh, ye swran ng'o fa kaka kun swran'n, san béh fah kaka kuin wié. I kwlaa so'n nun, man bé wun ke Nyanmien i swran'm bé le awlen, ye bé lafi i su.

Sa nglô yile 22:16

Min Jésus, n sunmaan min ange'n ke o wa kan sa so'n kwlaa klé amun asonun'm bé nun. N fin David ôsu'n nun, i anunman yele min. Min ye n ti awue nzraama nion.

Sa nglô yile 3:10

An fa nde bo n kan kléé amun ke an tra amun awlen'n su. O man ke sa kéklé toh men wunmuan'n su swran'n kwlaa bé sa nianle'n ti'n, n kusu nh sasah amun.