Hébreu 11:8 - Nyanmien nde Ufle

⁸ Nyanmien su bo Abraham lafi'n ti, ke o flelii ke o o nvlé nga i waan oh fah men'n nun'n, i nyin yilii, o si'a lika ng'o ko'n, sannge o oli.

NYANMIƐN NDƐ'N 1998

⁸ Nyanmiɛn su bɔ Abraam lafi'n ti, kɛ ɔ flɛli i kɛ ɔ wɔ nvle nga i waan ɔ ´fa mɛn i nun'n, i nyin yili i, ɔ si-man lika ng'ɔ kɔ'n, sanngɛ ɔ ɔli.

Hébreu 11:8 ပူးပေါင်းရင်းမြစ်များ

Matthieu 2:21

Joseph dyaô faa bakan'n nin i nin, nan ba a Israël men'n nun.

Rɔmfuɛ Mun 1:5

I ti ye Nyanmien bu n swraan, o sunmaan min ke n ken i nde'n klé nvlénvlé'n kwlaa i bobo dunmaan nun, nan bé lafi su ye bé nyin yii.

Rɔmfuɛ Mun 10:16

Sannge bé ngba ba fa'a dyasin fe so'n su. Ésaïe ken ékun ke: «?Nannan, wan ye o lafi nde nga é kannin'n suo?»

Rɔmfuɛ Mun 6:17

Nh yôh Nyanmien Kpli kwla ô, afin laa sa te'n ti amun nzuen, sannge sien'n amuan fa nde nanwle nga bé kléé amun'n su kpa.

2 Korɛntfuɛ Mun 10:5

ye liké kwlaa nga b'o man swran'm bé si'a Nyanmien'n é satyi bé, é yô man swran'n kwlaa, se bé akunndan'n ti se ti se ô bé yatyi bé akunndan so'n bé nyin yi Christ.

Hébreu 11:33

Nyanmien su bo bé lafi'n ti, bé kwla nvlé mun, bé yô sa ng'o ti i nuan su'n, bé nyan liké nga Nyanmien waan oh manh bé'n, bé tyityi dyra'm bé nuan,

Hébreu 5:9

Ke o yôô swran wafa nga Nyanmien klô ke o yô'n, o man bé kwlaa nga bé nyin yii'n, béh nyanh bé ti mlonmlon,

1 Piɛr 1:22

Ke an faa nde nanwle'n su, bo amun wun sa'n wiéli'n, o man an klô'a amun niaan Christfue mun amun nuan bui su. I so'n ti, anh klô amun wun kpa, anh tu amun klun yô sa ng'o klé ke an klô amun wun'n.

1 Piɛr 3:1

Mmô mun, amun kusu anh bu amun wun'm bé swran, nanh an fa amun nyin wlawla bé. I lie'n se bé nun wié'm bé fa'a Nyanmien nde'n su'n, ke bé wun amun nzuen kpa'n nin swran bo an bu bé'n, an su ka'an nde fi nan ba katyi.

1 Piɛr 4:17

Tyen nga béh bôh dyole dile'n bô'n wa dyu, béh bôh i bô Nyanmien bobo i awlô'n nun. ?Se é su ye béh bôh i bô'n, bé nga ba fa'a Nyanmien dyasin fe'n su'n, bé lie'n yôh se?