Hébreu 11:7 - Nyanmien nde Ufle

⁷ Nyanmien su bo Noé lafi'n ti, ke o bôô liké nga bé nian wu'en lé'n su klélii'n, o bôbôô mméli kun o fa dé i ôsufue mun, srôle b'o srôé'n ti. Ke o yôô so'n, o buu menfue'm bé fo, ye o yôô swran kpa i su b'o lafi'n ti.

NYANMIƐN NDƐ'N 1998

⁷ Nyanmiɛn su bɔ Noe lafi'n ti, kɛ ɔ boli like nga be nian wun-mɛn i le'n su kleli i'n, ɔ boboli mmeli kun ɔ fa deli i osufuɛ mun srolɛ b'ɔ sro i'n ti. Kɛ ɔ yoli sɔ'n, ɔ buli mɛnfuɛ'm be fɔ, yɛ ɔ yoli sran kpa i su b'ɔ lafi'n ti .

Hébreu 11:7 ပူးပေါင်းရင်းမြစ်များ

Matthieu 2:12

I sin bé fa atin ufle bé oo bé oo bé men nun, afin Nyanmien séé bé lalie nun ke, nanh man bé sa bé sin Hérode wun lo kun.

Matthieu 24:15

I so'n ti, ble nga an wun «tété liké» bo Nyanmien nuan idyofue Daniel keen i nde'n, ke o ô Nyanmien lika'n nun'n, man bé nga bé ô Judée'n bé wanndi o ôka'n su lo. —Man swran ng'o kanngan nde so'n o bu i akunndan! —

Matthieu 24:25

Man dun mmua bô su a klé amun.

Matthieu 24:38

Ble so'n nun, ke o ka kaan bo nzué dan'n toh'n, swran'm bé di liké, bé non nzan, bé non nzan, bé dya bla nin bian, lélé fa dyu tyen nga Noé wluu mméli'n nun'n.

Matthieu 3:7

Ke o wuun ke Pharisifue (*f4*) nin Sadducéfue (*f5*) kpanngban bé ba ke o yô bé baptême'n, o usaa bé ke: ?Onda mma mun, wan ye o séé amun ke an wanndi ya b'o wa dyaô'n i bôo?

JÉSUS-CHRIST I DYASIN FE'N BO LUC KLELI'N 17:26

Ke m bo n katyii Swran'n m ma ba'n, sa nga swran'm bé yôé Noé ble su'n, sa kunngba'n ye béh yôoh.

Rɔmfuɛ Mun 1:17

Dyasin fe so'n ye o klé é wafa nga Nyanmien fa bu swran swran kpa nion, i so'n fin swran i Nyanmien su b'o lafi'n, ye kusu o man swran lafi Nyanmien su kpa, afin bé klee ke: «Swran ng'o lafi Nyanmien su b'o man o katyi swran kpa'n, oh nyanh nguan.»

Rɔmfuɛ Mun 10:6

Sannge se swran kpa yôle b'o fin Nyanmien su bo bé lafi'n ti swran'n, oh séh ke: «Nanh bu o klun lo sé ke: ?Wan ye oh koh nyanmien su loo?» — i bô klé ke bé kô fa Christ ba—,

Rɔmfuɛ Mun 3:22

Nyanmien bu bé kwlaa nga bé lafi Jésus-Christ su'n bé swran kpa, afin i nyrun swran fi kpa tra'a wié.

Rɔmfuɛ Mun 4:11

Nyanmien dun mmua bui swran kpa i su b'o lafi'n ti, i sin ye bé wlee i kleon. O fa klen wlale so'n siéé Abraham nzolie b'o ti liké nga wa dun mmua yôé'n i lalôfue, nan Abraham yô bé kwlaa nga, kannze ba wla'a bé klen'n, bé Nyanmien su bo bé lafi'n ti, o bu bé swran kpa kusu wié'n, bé si.

Rɔmfuɛ Mun 4:13

Nyanmien séé Abraham ke men'n oh yôh i nin i anunman'm bé lie. Nanh mmla'n b'o fa su'n ti ye o séé i soo, sannge i su b'o lafi b'o bui swran kpa'n ti ye o séé i soo.

Rɔmfuɛ Mun 9:30

?O man éh séh se? Bé bo ti'a Juif bo ba kunnde'a ke Nyanmien bu bé swran kpa'n, Nyanmien buu bé swran kpa i su bo bé lafili'n ti.

Galasifuɛ Mun 5:5

É lie'n, é wla ô Nyanmien su kpa ke oh buh é swran kpa i su bo i Wawe'n man é lafi'n ti, é minnde ke o yô é so.

Hébreu 11:1

Nyanmien su bo é lafi'n ti, é sii wéiin kpa ke ya nyan liké nga é wla ô su'n, o man é sii kpa ke liké nga é wunmen'n wô le.

Hébreu 12:25

Anh nian amun wun kpa, nanh an kpalô nde nga bé kan klé amun'n. Bé nga bé kpalô swran ng'o kan nde kléé bé asie'n su wa'n i nde'n, ba fité'a nun. Se é kusu é katyi é sin si swran ng'o ô nyanmien su lo b'o kan nde klé yé'n, é su fité'a nun mlonmlon.

Hébreu 5:7

Ke Christ so'n wô asie'n su wa'n, o kpannin, i nyinmuen guali, nan wa sre Nyanmien b'o kwla déé wié'n nun'n ke o nien i su, o dyran su kpa. Srôle b'o srô Nyanmien'n ti o tili.

Hébreu 8:5

Bé Nyanmien nyrun dyranle dyunman nga bé di'n, o ti nyanmien su lo le kpa'n i sonnzon su, o nin i wawe. Ke Moïse lie'n kusu ti soo. I nun nga o wa kplan tannin sua'n, Nyanmien séé i ke, «o nien i wafa kwlaa ng'o klélii ôka'n su lo'n su yô.»

1 Piɛr 3:20

Bé nga laa ke Noé bôboh mméli'n bé yô nyin kéklé Nyanmien su, b'o tre i awlen bé wun'n, bé wawe muon. Swran motyue tye ye bé fuu mméli so'n nun, bé tran nzué'n i nyin su lélé bé nyaan bé tio.

2 Piɛr 1:1

N Simon Pierre, bo n ti Jésus-Christ dyunman difue, b'o sunmaan min'n, nh kleh fluwa nga ble amun bo Nyanmien man amun lafi i su kpa ke é sa'n. I so'n fin é Défue Jésus-Christ b'o ti Nyanmien'n, afin o ti swran kpa.

2 Piɛr 2:5

Laa men lie'n, Nyanmien a yatyi'e le, o man nzué'n toli o yii dan kpa, nan wa kun swran tete nga bé ô men'n nun'n bé kwlaa. Sannge o déé Noé b'o bô sa nga bé yôo o ti su'n i ndôlô'n, o nin swran nsô ékun.

2 Piɛr 3:6

Ye nzué kunngba'n kusu, ke o yi kataa asie'n su'n, o nunnuun laa men lie'n.