Hébreu 11:4 - Nyanmien nde Ufle

⁴ Nyanmien su bo abel lafi'n ti ye i liké nga o fa solii'n i kpa tra Caïn lie nion. I su b'o lafi'n ti, Nyanmien bobo sé ke o ti swran kpa, afin o soo liké nga o fa menniin'n nun. O wuli, sannge Nyanmien su b'o lafi'n ti, o te idyo.

NYANMIƐN NDƐ'N 1998

⁴ Nyanmiɛn su bɔ Abɛl lafi'n ti yɛ i like nga ɔ fa sɔli i'n i kpa trali Kaɛn liɛ nin-ɔn. I su b'ɔ lafi'n ti'n, Nyanmiɛn bɔbɔ seli kɛ ɔ ti sran kpa, afin ɔ sɔli like nga ɔ fa mɛnnin i'n nun. Ɔ wuli, sanngɛ Nyanmiɛn su b'ɔ lafi'n ti'n, ɔ tɛ ijɔ .

Hébreu 11:4 ပူးပေါင်းရင်းမြစ်များ

Matthieu 23:35

nan bé kwlaa nga ba yô'a sa te fi bo bé kuun bé'n ke o fin Abel nanwlefue'n i ble su lélé fa dyuu Barachie wa Zacharie bo an kunniin Nyanmien sua dan'n nin Nyanmien sowle'n bé afien'n, bé wié nde'n wa ka amun su.

JÉSUS-CHRIST I DYASIN FE'N BO LUC KLELI'N 11:51

Ke o fin Abel lie'n su lélé fa dyu Zacharie bo bé kunniin Nyanmien sowle'n nin i sua dan'n bé afien i lie'n su'n, nanwle, bé wié nde'n adyulisufue nga'm bé su ye oh kaah.

Tite 1:16

Bé yô bé wun ke bé si Nyanmien, sannge sa nga bé yô'n o klé'a ke bé sii. Bé wun yô te, bé nyin ti kéklé, bé kwla yô'a sa kpa bo kun sa.

Hébreu 11:2

Laafue'm bé Nyanmien su bo bé lafi'n ti ye o bôô bé dunman kpa nion.

Hébreu 12:1

I so'n ti, ke swran kpanngban kpa bo bé kan Nyanmien sulafile nde'n bé sin yia é kukukuku'n, man é kusu é gua liké kwlaa ng'o tanndan é nun'n bé asé, man é wla sa te'n kwlaa asé, afin o fi'an wa dyu'a wa nan wa tanndan é dya nun. Man é mian é nyin sin lika nga bé klé yé'n nun.

Hébreu 12:24

nin Jésus b'o ti sa ufle nga Nyanmien waan oh yôh man swran'n i nun dyranfue'n bé wun. Jésus mmôdya b'o fa kpentenkpenten'n, se o kwla idyo'n, wuun oh kanh nde ke tra Abel lie'n.

Hébreu 5:1

Nyanmien nyrun dyranfue dan kwlaa nga bé fa bé'n, bé sié bé ke bé dyran swran'm bé nuan Nyanmien nyrun nan bé fa liké nga swran'm bé waan béh fah men'n nin nnen nga bé fa soe'n, bé fa men.

Hébreu 9:22

Bé klee mmla'n nun ke, bé fa mmôdya bô ninngé'm bé kpanngban lika kpa bé wun asô, o man se bé ku'an nnen bo i mmôdya guaman'n, Nyanmien yatyi'a bé wun sa'n tye'a bé.

2 Piɛr 2:8

Swran kpa so'n b'o tran swran tete'm bé afien'n, tyen kwlaa o ti sa tete nga bé yô'n, ye o wuin. Swran kpa b'o ti'n ti, o man i awlen'n kpe i klun.

Jude 1:11

I sofue'm bé yakô! Afin bé fa atin kunngba nga Caïn faa su'n su wié. Ke o yô nan ba nyan sika'n, bé fa bé wun wlaa sa tete yôle'n nun ke Balaam lie'n sa. Ke bé yôô nyin kéklé ke Coré lie'n sa'n, ye bé mlinnion.