Hébreu 11:16 - Nyanmien nde Ufle

¹⁶ Ba yô'a so, sannge bé kunnde nvlé nga i kpa tra nvlé so'n, yele nyanmien su lo lie'n. I so'n ti, ke bé sé ke o ti bé Nyanmien'n, nyannzuen kunmen, afin wa yô klo kun a sié bé.

NYANMIƐN NDƐ'N 1998

¹⁶ B'a yo-man sɔ, sanngɛ be kunndɛli nvle nga i kpa tra nvle sɔ'n, yɛlɛ nyanmiɛn su lɔ liɛ'n. I sɔ'n ti, kɛ be se kɛ ɔ ti be Nyanmiɛn'n, nyannzuɛn kun-mɛn i, afin ɔ'a yo klɔ kun a sie be .

Hébreu 11:16 ပူးပေါင်းရင်းမြစ်များ

Matthieu 25:34

Ye m bo n ti famien'n nh séh bé nga bé gua n fama su'n ke: Amun bo n Si yôli amun yé'n, anh bla'a di famien bo ke b'éh bôh men'n i bô'n, bé sié maan amun'n.

Marc 12:26

?Bé nga bé wuli bé tyenle'n i wun nde lie'n, amuan kannga'an Moïse i fluwa'n b'o kle waka kpuye'n i wun nde'n nun'n i nun lé? O klee ke: «N ti Abraham, nin Isaac, nin Jacob bé Nyanmien.»

Marc 8:38

Adyulisufue tete nga'm bé ti ke bla b'o kunnde bian i wun bô sa Nyanmien nyrun. Wié ô bé nun nyannzuen kun bé min nin min nde'n ti. Ke m bo n katyii Swran'n min nin Nyanmien i ange mun éh bah n Si i dunman nun, bo béh wunh ke i nyrun ti nyannyan o yô srô'n, nyannzuen wa kun n kusu bé ti.

JÉSUS-CHRIST I DYASIN FE'N BO LUC KLELI'N 12:32

Amun bo an ti ke bua akpasua kaan kun sa'n, nanh sre kun amun, yele ke amun Si klô ke oh feh i men'n nun ninngé kpakpa'n man amun.

JÉSUS-CHRIST I DYASIN FE'N BO LUC KLELI'N 20:37

Ke Moïse dyin waka kpuye'n i wun le b'o fle é Min Nyanmien'n ke, «Abraham Nyanmien, Isaac Nyanmien, Jacob Nyanmien'n,» i bobo kan kléé é ke swran'm béh tyenh.

Jean 14:2

N Si i awlô lo tranwle'n sonnin, n su kô siésié lika man amun. Se o ti'a so'n, wuun man kan klé'a amun.

Sa nga bé yôli'n 7:32

o sé ke: «Min ye n ti o nannan'm bé Nyanmien nion, n ti Abraham, nin Isaac, nin Jacob bé Nyanmien.» Moïse wun usulii, wa kwla tre'e i awlen a nienmen.

Filipfuɛ Mun 3:20

É lie'n é ti nyanmien su lo ba, é minnde é Défue'n, é Min Jésus-Christ b'o fin lo ba'n.

2 Timote 4:18

É Min'n déh min sa tete'n kwlaa nun, oh nianh n su, oh fah min ko i men'n nun nyanmien su lo. Man é yi i aye tititi! Mon o yô so!

Hébreu 10:34

Afin an wun bisuafue'm bé aunnvue. Ke béh déh amun ninngé mun amun sa nun'n, amun nin bé a kpliman, amun klun dyo su, afin an si ke an le ninngé wié b'o ti kpa tra nga le'n, b'oh kah le tititi.

Hébreu 11:10

Afin o minnde klo kpa nga bé wle i sua'm bé bô asé kpa'n, bo Nyanmien bobo ye o dyadyali ye o kplannin'n.

Hébreu 11:14

Bé nga bé sé so'n, o klé wéiin ke bé bobo bé nvlé ye bé kunndeo.

Hébreu 11:40

Afin Nyanmien siéé liké nga i kpa tra bé lie'n lo sié é, o man se é nu'an nun'n, bé su yô'a kpa.

Hébreu 12:22

Sannge an baa Sion Ôka'n i bô, an baa nyanmien su Jérusalem b'o ti Anannganman Nyanmien'n i klô'n bo ange akpiakpi bé ô su'n su.

Hébreu 13:14

Afin é le'a klo kpa wa, é su minnde klo nga bé wa fa man yé'n.

Hébreu 2:11

Afin i b'o man swran'm bé wun sa'n wié'n, nin bé nga o man bé wun sa'n wiéli'n, o nin bé bé si ti kun. I so'n ti ye ke o sé ke bé ti i niaan'n, nyannzuen kunmen nion.

Sa nglô yile 21:2

Ye n wuun Nyanmien klo'n, o fin i wun lo o su dyra. O ti ke atonvle bo wa fefe i wun, o su minnde i wun'n sa. Klo so'n yele Jérusalem ufle'n.